南湖大山實戰錄~4
07.Nov.2010發佈
11月1號 (上山第3日) 攻頂日, 今日將會到南湖東峰(3637公尺) 和 南湖主峰(3742公尺)
香港領隊得意姐選擇5日行程, 就係想今日攻頂日輕鬆d, 行完兩個山峰返回南湖大莊,
所以大家都係輕裝攻頂, 放低睡袋, 用唔著o既衣物/食物
起身時發覺水袋漏水了, 一定係尋晚我不停搵條膠喉飲水時, 擰壞o左個接口位, 經亞杰證實冇得救之後........急忙求救, 問亞烏有冇多餘水樽 (因為今日可以唔洗帶3公升水都ok). 後來亞烏借我1公升水樽, 山水兄又借我一個扣, 但我實在唔習慣用扣把水樽扣係背囊帶或腰帶, 折騰一輪, 又發覺放少o左o野o既大雪櫃上重下輕, 好唔習慣. 唔識行
我o既保護神得意姐發覺我唔對路, 換o左個救命水袋比我..........我個心至定番神, 佢又幫我整理正個大雪櫃, 咁我至重拾自信上路咋................亞杰曾經係我身後面行過, 講o左一句...............cowcow你好忙喎,,,,,,,,,,,, 嘩,,,幾驚佢會鬧我呀....有壓力有壓力.