人到中年, 唔玩等幾時?? ^^: 北海道第2日~ 登別~ NIXE & 熊牧場

2010-08 北海道

北海道第2日~ 登別~ NIXE & 熊牧場

2010年8月11日下午9:54

尋晚浸完溫泉都幾好瞓....(其實我幾時都咁好瞓,,,,除o左怕鬼之外)

今朝起身望下外面...........嘩,,,落雨............都預o左o既.....

一朝早........又係食..............

平時係香港早餐只食一碗無味麥皮o既我.........o黎到日本顯出我o既本性

.......貪心~食到唔好嘥....下面個d全部都係我一個人吃晒............仲有d冇登到上blog,,,,例如仲有食北海道牛油薯仔....一碗粥,,,一杯乳酪,,,,4舊菠蘿....燒賣....&...麵豉湯等等.

食飽就拿拿臨去nixe,,,,,好彩10零分鐘去到....因為趕住睇11:00 企鵝巡遊,,,,,其實我期望唔大,,,,,因為係blog睇到人講到NIXE一毫子都唔值..........不過因為旭川動物園夏天冇得睇, 所以點都要去NIXE 睇睇

真係好,,,,,明明上網睇到如果去登別3大主題公園....NIXE, 熊牧場 & 忍者村,,,,6000YEN去晒, 4000YEN就去兩個. 如果唔係有特價......去一個都要2000幾YEN.

咁去到買飛.........我就順便問佢有冇優惠飛..........點知賣飛小姐仲話攞住外國passport 仲再有優惠,,,,,,,,,3300yen 可以去兩個主題公園, 嘩~ 正,,,,4個大人慳番2800yen,,,,,o岩晒我地河車,,,,,,,,事關我地仲想去熊牧場.

老媽同細佬都關住食.

好快就搵到企鵝館,,,,,,,,比blog上面睇到人地影o既相正得多...... 好Q~ 右手有圈o既係雄性.

佢咁大鼻,,,,,,因為佢叫做"皇帝企鵝",,,,好鬼大隻.........行行下走o左o黎我個邊,,,,嚇到我大叫

行到好似大爺咁.

睇片~

http://youtu.be/7wTkUZbu7fI

http://youtu.be/S94CvrDH7xo

下面條片就係影佢地游水,,,,,,,,想知企鵝點跳水 ,,,,又點樣上返岸.....就唔好錯過啦.

睇完企鵝即刻走去睇海豚表演,,,,,之前又有人係blog話nixe冇人氣,,,,只係見到台灣旅客.......你睇下...........幾鬼多人........9成係日本人呀.....

雖然香港海洋公園都有得睇,,,,,,,但我記得上次睇,,,,,曬到屎.........今日就舒服得多啦. 又近近地.

條片比較長,,,,,,差不多錄晒成個表演咁滯,,,請比d心機睇晒佢.

http://youtu.be/annZ1oE1o4g

睇完晒表演就行入去睇.......都好多魚呀.........可能對nixe冇期望,,,,,,,,但越睇越有趣味...

d魚好鬼卡通~

老媽見到d魚...........話佢地瘦喎,,,,,,好似條條魚老媽都識咁.......

下面個d似唔似食得o既大眼雞魚呀......?

幅圖影到條魚...............成條死魚咁..........好攪笑.

仲有魔鬼魚比你摸~

呢隻生物...........真係好似一隻小精靈咁........好可愛........因為好細隻.....(好似細過手指尾o既指甲).........所以好難影.......

紅色部位係佢地o既內臟器官

遊唔晒nixe都要走...........因為要去食飯,,,,,又要去熊牧場~

唔知食咩........最後決定食海鮮飯~

因為係旅遊區,,,,,,,,,所以唔平呀.........5個飯食o左9000幾yen

駿駿,,,,,,,,你就好啦........姑媽都唔捨得食2700幾yen o既海膽飯呀.........

快快食飽坐纜車去熊牧場啦.

其實熊牧場冇乜o野睇..........不過一定有熊比你見o既~

好大o既湖.........

有個民族表演............但d女演員hea到暈........仲要個個女人都肥獅大隻.......係我係日本見咁耐,,,,,,,,,,最hea, 最唔專業o既日本人....>_<........為o左禮貌,,,,,,,,所以幾辛苦都捱埋落去.....睇晒至走人.

3:30終於見到有熊表演........瘦猛猛......不過隻熊好似真係識聽日文咁.....

睇完就走啦.........好彩有特價票.........我自己就覺得有第二度去o既話,,,,可以唔睇.

去一去地獄谷.............老媽一聽到個名就唔like,,,,所以望一望就坐埋一邊.

個個都影下個廁所放上blog,,,,,,,我都影埋一份.......仲幫趁過tim.

發現大珠珠一隻~

起程啦..............又話7點就會到札幌酒店............

由天光車到天黑............最後個15分鐘.....冇行錯路,,,,,,個顯示一路都話仲有15分鐘就到....卒之15分鐘行o左成40分鐘........都唔知咩o黎o既.

都話先甜後苦o架啦............除o左第一晚住溫泉酒店,,,,,,,其餘4晚都係住東橫inn.

辦番個會員証先~

優惠都唔少o架....星期日, 公眾假期, 每月o既10號....都會有30% off o架.

而且入會費依家由3000yen 減到1500yesn 咋.........

啊~ !!係喎,,,,仲有一樣優惠係住夠10晚......就會送一晚單人房比你瞓~

間房細細地樣樣齊全.......發現住客乜人都有, 日本人, 中國人, 台灣人, 香港人, 仲有d唔係講英文o既外國人.....

9240yen一晚~ 泊車貴500yen 全晚~

放低行李又去食晚餐,,,,,,,,,,,,今餐係食拉麵............濃味o左d, 都幾ok. 食o左3000幾yen.

食完麵我地又食軟雪糕..............哈哈.........我本來估計6日肥3磅..........睇怕應該唔得啦.

食完返酒店, 再同細佬去o左便利店買o野飲............細佬天真得滯,,,,,放o左老媽把傘係外面............買完o野發現比人攞o左...............我同佢講...........日本人變晒o架啦........唔好以為好似想當年係日本讀書時至得o架.........傻仔

聽日去旭川動物園.................希望落埋聽日雨,,,,,,,後日去富良野唔好再落就好啦.