北海道~第6日~ 終於有得shopping!
晨咁早7點幾就去"場外市場" 食魚生飯~ 係blog同旅遊書都有講"二條市場" , 最後我問酒店職員, 如果二條同場外, 日本人會揀邊度, 佢就答我去"場外市場"
所以我地就決定去呢度啦,,
場外市場睇落好似好細, 兩條街行晒. (不過我唔知係咪再早d會有魚類批發呢??)
太肚餓啦,,,,搵一間祭下五臟廟先~ 見佢都幾多日本人入o黎食~
揀呢間係因為唔想食番係小樽同一間o既店, 最重要係呢一間有得任自己配搭
4樣魚生 +蟹味噌湯 都係2000yen o者.
呢碗係我o既, 海膽,牡丹蝦, 甜蝦 帶子.
刺身好味, 不過呢.....d飯似泰國米,,,冇係小樽個d咁好味.....連老媽都食得出
駿駿祈緊禱 ((其實係....唔慣早餐食咁大碗飯)
老媽鍾意食三文魚, 但呢間d三文魚唔得~
另外再叫燒帶子~ 350yen一隻
都好鬼大隻o架.......5個人叫o左3隻都你推我讓,,,,,,,,,事關細佬一家唔慣晨咁早食咁大碗飯, 所以我食o左一隻半
好鮮甜呀~
好鮮甜呀~
老細好好人, 我地食飽佢就捉d蟹比我地影相.
隻蟹生勾勾o架.........好彩冇掙扎o者.....
輪到我啦~
隻蟹好大隻, 我想知道佢大唔大過我個頭, 哈哈哈.
玩夠回程啦,,,,,,,見到d粟米100yen, 好平呀~ 次次見到煮熟o左都要300yen, 店員話可以生食, 我試食一舊真係好鬼甜,所以決定買番d返香港~ 不過比老媽係咁催~ 所以只係買o左3隻 
嘩~ 呢架車運緊馬呀....會唔會焗鬼屎d馬o架??
下一站係札幌車站...........o黎o左北海道咁多日....終於可以shop下ping~
得番唔夠4個鐘...................行快d啦行快d啦~
同細佬兵分兩路, 我帶老媽去買o野.
係地下街商舖,老媽睇中幾件斷碼衫, 買o左4件衫 + 1條日本製o既褲都係 5250yen
到最後回程時再買多一件3000幾yen o既衫, 所以係呢間賣"歐巴桑" o既店買o左8000幾yen~
係日本一定要幫老媽買鞋.......因為我覺得日本o既鞋設計唔錯, 防滑, 所以帶o左老媽去
大丸睇鞋
第一對買涼鞋~
第2對~
老媽唔知點解會鍾意呢對有鞋帶o既鞋, 我擔心佢會比鞋帶伴到.....但老媽係都要呢對.(其實有拉鍊o既, 唔洗次次解鞋帶)
售貨員o既綁鞋帶方法, 同山水兄佢地教o既一樣. 好實正~!
老媽好滿意,,,,,,,問佢即刻著好唔好, 佢就話好~ 睇下~ 老媽幾開心~!
((其實老媽唔係咁想買, 驚貴~ 但我同佢講,,,,你個仔(六哥)資助3000蚊港紙, 緊係要買晒佢啦.老媽聽到至肯買咋......))
2對鞋買o左1萬2000yen~ 睇到張單個消費稅我就醒起可以退稅.......(我都冇乜幾可係日本買o野可以退稅
)
)
細佬一家冇行百貨公司, 去o左玩夾公仔.............夾o左成個鐘......玩得好開心.
我自己就用o左40分鐘掃o左少少o野~
呢個袋 1995yen
3把傘, 50cm大 o既 1050yen, 60cm o既 3150yen, 70cm超大把 3150yen
1050yen 3對5指襪, 頸巾分別係 735yen & 1103yen
自從發覺有香港腳之後....愛上5指襪~
去機場啦~
last 一日又落大雨~ 都算係咁, 去美瑛 & 富良野時冇落雨~
要入滿油至可以還車.
哈哈.......雖然換o左個國際牌,,,,但我都係唔敢揸........一來有老有嫩, 人命緊要~ (得低B andy一個人就冇所謂, 無咁大壓力~ 哈哈哈)
二來, 我絕對唔覺得北海道d路比香港闊囉.........可能日本長假......去到邊都鬼咁多車.
所以我只係影呢張相時, 摸過下條車匙咋.
嘩.................還車時toyota個職員同我地講要我地比2萬yen 賠償費.......我以為我d日文差聽錯.............對方解釋話::::::::::::>>>架車o既維修費會向撞我地個個日本人追討, 但維修期間, 架車做唔到生意,,,,,,,咁就要賠償佢地o既損失.
(1) 如果架車可以車返去予定還車o既地方...............只需賠2萬yen
(2) 如果架車撞到唔識車返去予定還車o既地方.............就要賠5萬yen
唔對路, 明明尋日係小樽打番去toyota時, 對方唔係咁講, 我同細佬都R晒頭. 再問多對方一次,,,,,,,,>>>>>你明明話一毫子都唔洗我地賠喎.........
對方話.......>>>>你地係停車場乜乜乜..............
細佬就醒目啦.......>>>>我地係隧道內喎, 唔係停車場.
原來對方混淆o左另外一單係停車場撞車事件............真係虛驚一場.
由始至終我都覺得呢架車好貴....6日 121,020yen~
國內線好多舖頭好多o野賣呀...............可惜趕住去check in, 無時間行
5個人行李只得65.3kgs , 真係難得去日本旅行唔會超重.....次次都攞到攞唔到至肯擺休.
入去啦~
其實入o左禁區都有手信買, 仲唔洗計5%消費稅.......等我仲係出面買o左少少tim.
bye bye啦, 北海道,,,,,,,50歲前唔知仲會唔會再o黎~
- 旅遊,
- 回應 (13)
- 永久連結
- 睇妳們日本行.真係好似親身經歷一樣
- 好想快點10月到我去osaka玩個夠先.
- 回覆
- 好 cute 呀
- 回覆
- 我 o地上次去 order 咗一隻凍蟹, 三個人都食唔晒, 所以今次我無 order lu
- 回覆
- 太好了，唔洗打驗証號碼!
- 回覆
- 點解唔買一隻蟹嚟食呀?會唔會好貴?好呀， 下年夏天過嚟探我哋。預先話比我知想玩乜、想見識D乜，保証你有超正既旅行体驗!唔好諗住嚟邊有好嘢食就得嘞!不過我有两道板斧嚟招待你哋既。
- 回覆
- 哈哈~ 一於儲假儲錢明年去美國~ 趁我同老媽個VISA都未過期~ 慳番成仟蚊o架~ ~ 山長水遠去美國........最少都要去2個星期至夠喉~ 幾多月係夏天呀?? 負30度我唔去o架....頂唔順~
- D蟹好貴呀...........一隻..
- 哈哈~ 一於儲假儲錢明年去美國~ 趁我同老媽個VISA都未過期~ 慳番成仟蚊o架~ ~ 山長水遠去美國........最少都要去2個星期至夠喉~ 幾多月係夏天呀?? 負30度我唔去o架....頂唔順~
- D蟹好貴呀...........一隻腳指都要成仟YEN............況且.....我食蟹食到最後唔夠食唔夠喉至"算" 腳指.......... ......就咁食呢d大蟹腳指,,,,我又唔覺又咩好食喎.........第一晚係登別都有食啦....不過可能味道冇咁正就真o既.
- 你地個個都玩得咁開心，已經超值啦
- 回覆
- d刺生飯好正呀!你阿媽好勁呀!食三文魚刺生.
- 回覆
- 哈哈, 老媽最瘋癲o既一次, 佢係元氣壽司店一路食三文魚一路講,,,,真係好好味....第時佢唔係度, 叫我記得燒比佢食喎.......佢以前鬧我地食生o野o架........唔知幾時開始佢就鍾意食, 不過我都唔比佢食咁多啦.
- cowcow : 唔記得問埋全程入過幾多次油 ?
- Bye Bye !
- 回覆
- 伯有買鞋時個樣好鬼sweet 呀! 逗得媽咪咁開心你真叻女!
- 回覆
- 哈哈, 老媽個日真係買得好開心o架 . 身上o既o野我最捨得就係買鞋. 衫平貴都可以著得舒服, 但我唔相信平鞋會著得舒服囉. 而且老人家鞋唔可以唔注意鞋底o既構造設計. 所以今次去日本, 我一早就諗住同老媽買鞋. 我..
- 哈哈, 老媽個日真係買得好開心o架 . 身上o既o野我最捨得就係買鞋. 衫平貴都可以著得舒服, 但我唔相信平鞋會著得舒服囉. 而且老人家鞋唔可以唔注意鞋底o既構造設計. 所以今次去日本, 我一早就諗住同老媽買鞋. 我知老媽個心想買好鞋, 但又怕洗我地好多錢.....(老媽後生時搵到錢, 買o野都唔係太手軟),,,,所以我一早已經同老媽講, 六哥比我o既錢, 我會換yen比佢買自己想買o既o野, 叫佢盡情買........(嘻嘻, 其實真係盡情買就一定唔夠錢.......氹佢o者 ) 諗諗下原來好幾年冇同老媽外遊啦.......74歲o既老人家......仲有能力就帶佢出外多d,,,,不過話時話,,,,,今次自駕遊已經唔辛苦, 但老媽瘦o左呢....有時又覺得佢好攰咁....畢竟老媽已經74歲.....希望出年可以帶佢去美國探下六哥啦~!
- 牛牛
- 妳講邊句真架???無飯定係無香架???俾妳搞到我暈暈地添...妳整估我呀????
- 回覆
- 牛牛
- 無辦法啦...伯有係一位好傳統既女人...所以一定會擔心架...
- 回覆
- 牛牛
- 真係好開心既旅程...最緊要係妳媽咪玩得開心...食得放心咋...伯有真係好幸福...有妳哋咁孝順既仔女...
- 回覆
- cowcow : 好開心既旅程呀 .
- 最終駛唔駛賠錢呀 ?
- 50歲前 ? 唔駛掛 ~ 有排啦 .
- Bye Bye !
- 回覆
沒有留言:
張貼留言
睇完求其實番兩隻字啦~