唔好去台灣啦~!
26.Oct.2010發佈
今日同兩個中學同學飲午茶~
一見我就.............喂~ 你咪鬼去啦.....
講真喎,,,,唔好去啦......依家仲落緊雨.
先多謝兩位同學仔咁關心我~
其實我真係唔多擔心今次去台灣登山.
第一就係我相信台灣領隊. 佢咁有經驗, 唔行得都唔會夾硬拉我地去行o架.
安全第一係大前題
第二, 天氣o既o野, 就算話你知個幾日陽光普照又點?? 天有不測之風雲, 反而預o左天氣唔好, 又凍又落雨, 咁我地準備晒o野咪得囉.
如果咁都唔得, 就第屎囉.........認命啦.
所以我絕對期望今次行南湖大山.
而最開心係屋企人冇一個出聲叫我唔好去台灣..........就算今次老媽都冇講,,,,,,今晚只係話......咁鬼遠,,,,,,,行山行到去台灣~ 小心d tim呀~!! 記得買保險呀~!
就係咁多. 雖然老媽日日晚晚都睇電視, 知道台灣發生事故~
安心, 放心, 小心, 開心
後日搭10點幾機.........呢幾日忙到九彩,,,,,,,但仲要去行山, 睇演唱會, 今晚仲特登去莫姑娘度同我鬆下d手腳, 整正d我d骨.
攪到三更半夜至執行李.
聽日last一日返工,撞正月尾.........老細一定唔會放過我,,,,,,,,仲要係又有一隻大鑊殺埋o黎. 我就冇眼睇, 盡人事幫, 最多同佢開OT到8點.
1號又要租間屋比人,,,,,依家都仲未搬走D要攞走o既o野, 聽晚唔知幾多點至瞓到覺~
唔好諗咁多,,,,執o野執o野
上山套裝~
快乾羊毛成份衫, 防水褲, 護滕, 超厚襪, 防水手套, garter , 打底短褲, 冷帽,
呢套o野要著足5日. 5日冇得沖涼........哈哈,,,,唔緊要, 至緊要有得開大.
長袖羽絨, goretex防水外套
零度睡袋, 原來有成 公斤咁重........唔怪之得我個雪櫃咁重.
今日至發覺姪女個背囊下面有拉鍊分隔開o既, 咁晚晚攞睡袋就唔麻煩啦.
一大個背囊加埋3公升水, 上次第2次負重試行係30磅. 去到台灣買埋5日午糧, 真係有番咁上下重........揹5日唔知咩滋味..................記得等我返o黎話比你地知.
Sandy 五日冇得冲涼?OMG! 咁咪會週身唔舒服?
October 27, 2010 at 04:06 am-
LAM 冇事嘅....玩得開心d.....
October 27, 2010 at 04:03 am
我睡袋只可應付10度, 今次強烈北風殺到, 死梗!
Bye Bye !