唔想冇啖好食, 所以我做運動

續上一篇blog

2年前......雖然周圍d人勸我食少d, 話我好漲.......................


肥,,,,,,,,,,,我真係唔覺自己肥o架,,,,,,同年記的同學肥過我o既都唔少,

仲有我3個肥家姐^^, 所以...........我點會覺得自己肥, 最多咪係塊面漲o左少少少少o者.....屁股大o左少少少少o者, 條腰? 不嬲都3字頭o架啦.

 直至147...................差3磅就150磅, 有d恐怖.......

落街跑過3晚步...........唔識跑, 一跑就小腿抽筋
而且諗起得意姐叫我地千祈唔好跑, 想老o左仲可以周圍去就唔好跑.........一個曾經係學界跑步代表都咁講......所以每次不如跑兩o野啦, 就會彈o左得意姐把聲出o黎,,,,,唔好跑,,,,,點算好? 我應該做乜運動好呢??

直至係page one見到呢本書...........(我唔係人云亦云去跳鄭多燕o架........呢本書的理論非常正, 跟住就上網搵佢個名....)

2012-01-12 cowcow初遇鄭多燕<-----請按此 <---------請按此

2012月1月中搵到下面條片...............一星期跳兩3次,,,,,,剛開始真係想死......

(不過越跳其實會越爽, 跳o左一年幾, 跳之前攰死狗, 跳完會打死狗 ^^ (唔係講笑)

終於..用半年輕o左8磅......2012年6月1日網誌~有146.8跌番落139<------請按此

其間每星期斷斷續續跳鄭多燕+急步行...........我係2012年10月去台灣登山時

勉強去番135磅, 足足同135兩年冇見呀陰功~!

(總共用o左10個月輕12磅) 

其實做多o左運動, 新陳代謝好o左, 真係唔會好似冇做運動咁,

飲杯水都會肥. 食多粒朱朱力都會漲.

所以絕對認同鄭多燕所講, 運動其實係生活的一部份,

日日有大便就正常, 一日冇得痾已經有問題咁解.....

依家做多o左運動就覺得返到屋企上咁多個鐘頭網, 點解唔抽1個鐘出o黎做運動o者~

之但係人係有墮性................>_<

今年上半年去o左3次澎湖, 因為食得少, 郁得多, 著條短褲唔用皮帶, 條褲真係會跌落o黎咁....覺得自己真係瘦o左

第3次去澎湖時, 第一次真係覺瘦o左啦,

6月中去做body check時, 近年歷史低位131磅~

以為真係跳鄭多燕唔會復肥...............所以就唔多郁啦.........冇乜點跳啦~~~~~~~~~(卒之係8月肥番幾磅)

直至見到朋友唔知點解暴漲.....佢飲食正常................睇書話我知........有可能係女人更年期後遺症........

中央肥胖<<<-----------典型徵狀............驚........cow都唔細啦, 我冇理由更年期之後至醒覺o者,,,,,,,,,,又再努力跳, 仲加埋去做gym.....



最初好驚做gym會餓暈, 所以去做之前好想食o野, 做完又食隻蛋

至到依家就快做o左個半月, 可以唔驚餓住做,

不過考慮到做完gym返到屋企都9點幾10點, 依家我有時會食o左正餐至去做.

除o左做有氧運動, 重訓可以鍛鍊肌肉, 人老o左肌肉漸漸流失,

所以步入中年, 做多少少肌肉鍛鍊對身體有益呀,

當然有專人指導好緊要~

好彩行山時識o左黃師傅, 佢每日都會去做gym,

跟佢做冇死啊~ 又唔收我錢o既~所以山長水遠去屯門都要gogogo

細o既啞鈴緊係我o架啦, 

其實邊樣打邊樣我唔識o架, 黃師傅叫我做乜就做乜~

黃師傅教做完重訓至做帶氧運動~

想燃燒脂肪, 將220減去自己的歲數, 再乘0.7 就係有效燃燒脂肪的心跳率

220-46歲x 0.7 ==122, 所以我如果做踩單車, 心跳率維持係122左右就得啦.



如果心跳率太高, 反而燃燒唔到脂肪, 所以太過博命做, 以為流多d汗就得, 係錯o既~

不過唔想瘦得太多太快(因為會流失肌肉)  , 做帶氧運動時心跳率高反而可以訓練心肺功能....不過全部因人體質而有所不同, 最好問問有關專業人士或醫生, 因為可能有d人唔知自己身體有咩隱性疾病.
博命做運動可能連命仔都冇埋.

 

買過D返工鞋, 好輕, 雖然有點貴, 但都係值o既~

雖然體重冇乜輕到(135~137), 又冇人同我講瘦o左,  不過之前著唔落o既牛仔褲終於著得落....

屁股線條亦都好過未做gym之前,

基本上自己想食o既都會食, 唔會忍口但會識得節制

(近期影的相, 其實d衫&褲都係新買, 起碼細過以前一個碼, 而唔係越o黎越大碼啦)

呢條行山褲, 以前肚腩位會迫爆拉錬, 依家就唔會啦~ ^^

                                  

keep住做o左運動, 真係會好自然叫自己唔好博命食,

例如以前BBQ或者打邊爐, 一定唔少得飲汽水,

依家會覺得, 飲糖份咁高的汽水,不如留番D QUOTA去食多D仲好啦, 


我唔想冇啖好食, 朋友叫食飯就耍手擰頭...........所以我做運動, 除o左想身體健康,

我最想係可以食多d嘛.............


其實最後希望大家對做運動唔洗諗得太複雜..........學黃師傅話齋......

:::::>最重要有心、恒心与毅力、唔為食。日日運動身材好，只是懶惰做唔到。

踏出第一步,,,,,搵機會行路. 每日一次過行30分鐘, 習慣o左之後至做其他, (不過千祈唔好跑步)


另外多閱讀有關有益健康的文章,,,,

鍛鍊下半身, 病痛離你身<----請按此, 一篇好文章, 請慢慢閱讀




 家姐因為逢星期三要去荔枝角返工, 所以最近呢兩個星期都跟我一齊行返公司,佢已經踏出第一步, 你呢?? 唔為減肥只為健康, 有恆心有毅力, 健康一定黐住你啊~ 努力~ 加油.