你個區有嗎?

 

請問你地會將舊衣物點處置呢??

 

我以前會將D舊衣物送去救世軍,

 

後來發覺行路返公司的路上一個休憩地方,

 

早上會有好多公公婆婆擺檔攤

 

除o左舊衫褲鞋, 手袋, 舊電器, 甚至連一塊布, 一條繩,

 

一個空盒, 一條舊電話充電線都有得賣.

 

 

如其送去救世軍, 我覺得直接送比呢度d婆婆賣較為受惠.

所以依家屋企唔要o既物件, 舊衫褲鞋, 電線, 美麗的月餅盒,

 

電話公司強迫送o黎但又用唔切的原子筆等等.

 

有d平時可能已經丟落垃圾桶以為冇用o既東西,

 

係呢度都可以賣到十元八塊, 或者一個幾毫, 總好過d婆婆去執一大堆紙皮賣

有時屋企食唔晒o既食物, 例如中秋節的月餅, 姪女結婚送比我的唐餅等,

直接送比婆婆, 佢都會好開心咁雙手接過來,,,,,我反而有d唔好意思,

好似屋企唔要至比佢.

記得幾年前離婚搬離前夫家,,,,,,,,,將曾經當係寶的m&m精品送比地攤婆婆,

教佢唔可以賤賣, 因為一定有人會比到好價錢買.... 轉過頭婆婆好開心話我知佢賣o左150蚊,


其實依家我已經盡量少買o野, 衫褲鞋襪唔著得幾多, 儲精品更加浪費金錢, 仲要搵地方去擺放

寸金尺土的香港, 值得買咁多o野放係屋企嗎??


simple life........................努力中. ^^