高雄+澎湖 6日5夜之第四日~澎湖北環

隔o左咁耐唔寫blog, 就快忘光光~ ^^

繼續繼續

2014年7月12日

尋晚玩得太夜啦, 無謂叫醒兩個姨甥, 晨咁早7點同家姐去早餐街食早餐

我覺得都係食牛雜湯好味d, 雖然晨早流流食牛雜有點heavy , 

但o黎到澎湖點可以唔吃北新橋呢?

細碗牛雜湯每碗NT110 (HK$29) ,又淋又好味, 差D飲鬼晒D湯, 餡餅一個只係NT17 (HK$4.5), 仲有杯豆漿都只係NT13 (HK$3.5) 真係平到.....好想移民去澎湖

後面呢間鐘記燒餅, 因為暑假旺季做到冇停手, 唔好見佢冇人龍排隊, 其實係有客訂o左唔知幾多佰份燒餅, 所以我地聽到都唔洗排, 起碼排90分鐘以上.

外賣其他早餐比兩個姨甥食, 食飽我地今日節目係坐的士去環島~ 不過只係環北面~
NT2500 7小時 (HK$660)   , 其實呢......我有D後悔, 因為如果冇記錯, 有導遊包車北環都只係NT4000, (HK$1,050), 好似貴, 但係其實有導遊講解會明白好多

9點出發, 今次澎湖重點係想帶家姐去奎壁山睇摩西分海, 同埋想去大果葉, 所以時間要抓得很準至得, 因為奎壁山公海要睇潮夕漲退,

第一站: 通樑古榕 (白沙)

傳說，三百多年前，明朝一商船行經吼門水道，船翻人沒，唯一榕樹幼苗漂到通樑岸邊…。民國95年的今天，這古榕已垂垂老矣，九十餘株的氣根圍繞著古廟保安宮，散發著自然靈氣。這是澎湖地區最親近人們的小小森林。

呢度只係由一棵大榕樹生到咁o架............d氣根幾犀利

轉過頭已經去到跨海大橋 (白沙、西嶼)

連接白沙、西嶼兩島的跨海大橋，全長2494公尺，兩端建有半圓形拱門一座，此橋於1970年完工通車，但受海水侵蝕嚴重，於96年以新橋取代。每年皆有大量的遊客遠慕跨海大橋之名而來。

今日真係好好天~ 曬屎狗

真係想跳落水, 不過留番聽日去吉貝至玩水啦

第3站

竹灣大義宮 (西嶼) 位於竹灣村內，是村民主要的信仰中心。傳說在中法戰 爭時，關帝顯靈，一腳將砲彈踢開，讓竹灣免受法軍炮 火蹂躪。 下面3張係網上借用的 ^^  (大義宮右邊就係螃蟹博物館)

廟內有個地下室

 大義宮地下室闢有山洞景觀的地下室，洞內曲折，藏有超級大魚骨、四面牆壁皆是以海底千萬年形成 的珊瑚礁堆砌而成，此外，在許願池內，可見到巨碩無 比的大海龜。

鯨魚骨

大海龜~

睇o左一陣我地出番去,

螃蟹博物館就係大義宮隔離

裡面都幾多款蟹比你睇, 不過我影得好少相~

家姐話呢d叫做大頭蝦喎, 哈哈哈

兩個姨甥各自買o左隻蟹標本做記念品~ 年青人d錢真係易賺d~ ^^

左旋螺係比較少見o既, 大家留意下

轉個頭去食午餐先~～唔記得影碟絲瓜，4碗小管麵線，一碟海膽炒蛋，3隻馬糞海膽，呢餐食咗NT970(HK$258) —

前菜唔洗錢

馬糞海膽

                                                   海膽炒蛋

                                  熱辣辣米線, 其實好好味, 但係我d早餐未消化晒, 所以有d食唔落~

熙仔話要簽番個大名喎~

食飽飯行去鯨魚洞睇~

第4站~小門鯨魚洞 (西嶼)

傳說有一條鯨魚，不知何故，竄入洞，不得出去而死，因此有「鯨魚洞」之名。鯨魚洞是小門嶼最特殊的海蝕地形，此處原為一玄武岩的海崖，經過海蝕後，將玄武岩不斷的挖蝕，最後貫穿成一海蝕拱門，洞內高約三、四公尺，洞內海潮迴音盪然。北邊還有二、三巨型石柱，造型獨特。

行程太趕了, 加上頭頂有10個太陽, 再加上兩個唔多願郁o既姨甥, 所以今次又冇行近個洞睇啦

第5站~ 二崁古厝 (西嶼)

二崁聚落為全台第一個聚落保存區，保有30多家傳統古厝，目前有些仍有住戶，社區有傳統博物館、童玩館、開基古厝、萬國畫石牆、民俗牆、柑仔店等……。融合傳統與西式的建築：二崁陳宅古宅。「兩落八櫸頭」的閩南式大厝型建築，融合閩南建築與二崁居民之特色，雕樑畫棟，甚為精美；門樓、客廳與內室等外而內的空間配置，符合明朗隱密的生活空間保守規劃與習俗。陳宅正面為三間起，左右兩伸手圍成院落；復另增一個院落，並在第三進做一個擴大的軒，各進的長寬高尺寸比一般民宅要大，蓋求其規模擴大之後比例勻稱也

因為我怕睇唔到奎壁山分海, 所以二崁我地只係望一望就算啦. (我緊係有去過啦, 係家姐睇唔到o者   )

第6站~  大果葉睇玄武岩

家姐舊年見到我去大果葉就好鐘意啦~ 所以你睇佢個樣幾興奮~ ^^

第7站~ 澎湖水族館, 去第5次澎湖至第一次入去睇咋~ 唔係因為要睇奎壁山分海, 可以放多少少時間係入面呀~ 依家就比較趕~

的士司機許大姐, 舊年第一次見我時已經話我好似佢個仔, 今年見到又係咁講, 仲比o左佢個仔張相我睇, 又真係幾似我"後生"時個男仔樣~ ^^

許大姐話要影張相比佢個仔睇喎~

唔知點解會比椰菜d魚食~

水族館確實唔大, 但都可以一睇的~

趕住去尾站, 奎壁山睇分海~

o黎第5次, 最多人今次啊, 暑假真係旺季喎~

未分已經人山人海

5月去個次邊有咁多人

細姨甥 & 家姐準備行上"山"

有人走捷徑就咁直上~

佢兩仔乸確實可愛~ ^^

條S步道分開o左之後, 可以搵到好多水底生物~ 不過我地冇乜時間

諗住返轉頭時, 大姨甥出o左o黎搵我地, 好開心, 所以一齊影張4人合照~

唔洗半粒鐘就會開晒條路~ 有時間可以慢慢睇

許大姐又帶我地去睇大風車~ 澎湖咁大風, 當然唔好嘥, 用多D風力發電啦~

又車o左我地去澎湖湖西果葉呢個地方,

晨咁早o黎就會睇到個太陽係水平線升上o黎啦.

許大姐又車o左我地去溢門沙灘, 　　哎呀~ 原來呢度都有水上活動玩~ 怕坐船o既人有救啦, 可以唔洗去吉貝或者七美,,,,,,,,,,,不過老實講, 當然係坐船去玩靚好多啦.(因為太曬, 所以家姐咁o既表情~)

我地聽日就有得玩水上活動啦, 依家先返去馬公市醫肚~ ^^

去清香食海鮮~ 因為5點幾去到, 所以冇訂枱都得, 拿拿淋點菜~ 

呢餐飽到嘔6餸1炒飯海鮮餐食o左NT1530 (HK$400)

(((澎湖絲瓜必食啊))))

食飽兩個姨甥先返酒店, 我同家姐又再行下~

見到個月光好鬼光, 所以忍唔住玩下 ^^

o黎第5次, 第一次去菊島之星行下, 裡面都係買手信o既店

船尾有燒烤食~ 都抵喎~   出年再去澎湖就可以試下啦

嘩~ 去到澎湖都見到秀賢呀~ 

行夠就返酒店, 見到85度C 當然要幫趁下~ 真係唔錯唔錯~

今日係大義宮買o左好多手信返香港, 其中有珊瑚草, 又名海底熱窩, 都幾好味啊~

聽日晨咁早出發去吉貝玩水啦~ 88