人到中年, 唔玩等幾時?? ^^: 快快趣寫埋佢~宜蘭礁溪官夫人

今次目的除o左同學聚會,

另一目的就係浸溫泉~

乜8月唔係去過宜蘭咩???? 可能有人會問我

係,,,,,,,我8月係去過宜蘭,
仲住o左間溫泉旅館: 阿先湯~ 8月宜蘭<---請按我

之但係我很很很黑仔, 只係住一晚之嘛............咁都比我中o左,,,,唔方便, 真係洩氣

所以今次天寒地凍我更加要浸浸浸, 浸到甩皮都要浸......^^

本來我想住上次個間阿先湯, 但係又有點怕一個人住

搵hostel 啦, 上次宜蘭朋友冠洲帶過我地去睇外面d 附費溫泉都好正呀~到時咪住hostel , 去外面浸餐飽囉~~~~~~~我咁諗

搵下搵下又比我搵到一間唔係hostel o既旅館, 但價錢就係背包客o既價錢~

只要你講一聲: 我係背包客, 你就可以用台幣700 *(港幣189)住一間雙人房 (優惠只到2013年12月31日....對唔住, 遲o左報料比你地知)

睇下張相唔錯o架~!! (現場影)

當然唔夠8月的阿先湯正啦, 但係係阿先湯的1/4價錢,,,,,,,

其實未出發前我仲係擔心我一條冷係咪真係夠姜一個人住間雙人房, 縱使我房租nt700已付~~~~

劇情峰回路轉~

就係我臨出發前一晚, HARUE零晨line我問我洗唔洗人陪去宜蘭玩~?
我以為我眼花.............雖然o岩o岩執好上次去宜蘭的大背包, 即刻係床下底攞個行李箱出o黎~

事關Harue係一個悠悠閒的人 ^^

就係咁...................同學聚會之後, 我同HARUE就坐車落宜蘭啦~~~~~~~~~~~

上次去宜蘭冠洲話坐大巴又平又快又舒服, 不過我地想試下火車, 咁今次同春枝就坐大巴啦~~~~~~

成日係京站轉運站見到車水馬龍, 今次終於可以係度出發啦~

國光號雖然都有車去宜蘭, 不過還是葛瑪蘭方便得多~

真係平喎...........去程NT104 (HK$28) 坐大約1小時

買埋來回票仲平, 回程 NT 82 (HK$22)

坐得都好舒服~

去到宜蘭都天黑, 快快趣入去check in 先~

礁溪官夫人薰香會館~

大堂都好ok, 點解個名咁得意?? 薰香會館.........因為....佢原本服務對象係進香人士,
會館對面有間礁溪出名的協天廟

官夫人外貌, (右邊係一間維修中廟宇)

協天廟的後面,,,,聽朝瞓醒帶你地去睇正面~

講番CHECK IN先~

台幣700 蚊就可以一個人住雙人房, 之但係, 我地冇理由分房瞓o者,,,,雖然harue好想一個人慢慢嘆, 哈哈哈.

我好笨(其實係誠實^^), 好坦白話佢知, 我地兩個人住~ 所以咪...........nt700 X 2= NT1,400~囉~

(其實兩個人可以租兩間雙人房, 每間都係NT700)

原本一條冷計劃第2晚係宜蘭住羅東夜市個邊o既hostel (nt600). 不過為o左Harue唔洗兩頭騰, 所以決定兩晚都住呢間

第2晚係星期六, 屬於旺日, 所以要比原價~ NT2800/一晚 (HK$757)

好嘞, 上房睇睇先~

呢間官夫人聽講有56間房,,,,其實如果我一個人住........仲要係8樓咁高,,,,,我一定會驚囉.....好彩有HARUE陪我~ ^^

一睇房間, 當然冇阿先湯咁正啦~ 但係如果 HK$189一個人住一晚就超晒值啦.

不過如果我兩個人住NT1400, 我會寧願比多一倍價錢NT2890 (HK$781)住阿先湯, 不過HARUE話算啦. 唔好搬~ ^^

NT1400一晚係唔包早餐o既, 另一晚NT2800 當然包早餐啦~ 之但係居然係麥當當早餐~

我忍唔住笑o左出o黎囉, 真係冇諗過係麥當當~

好啦,,,,,我地要出去遊下礁溪, 醫下個肚仔~

粉紅招牌, 奕順軒,,,,,,,,,每次去台灣登高山, 經宜蘭就必定入去買麵包

後面湯圍溝溫泉公園...........可以免費泡腳, 一邊飲啤酒一邊泡, 真係一樂也

點解我地登咁多次山, 回程時都唔經宜蘭住番晚泡下溫泉呢???心諗...........^^

行o左一陣就去食o野~ 其實我search過係宜蘭有間日本料理話好正, 諗住兩個人可以去食啦, 可惜HARUE一早已經話我比住宿錢, 佢負責食和交通費~ (所以我唔方便叫佢去食呀)而且HAURE一直都覺得係台灣食地道小食係最正~ (雖然我都係咁諗, 但係難得兩個人嘛,,,,一條友食唔到日本料理呀 T_T.....)

最後入o左呢間~~~~~~~~~~