3去澎湖~ day1 天主堂
(sorry, 我完全冇影天主堂的相, 所以下列天主堂的相都係
係網上借(偷)番o黎的. 
) 點解一張相都冇影?? 睇落去就會知~~
) 點解一張相都冇影?? 睇落去就會知~~
雖然我都驚一個人住, 但係天主堂喎,,,,,,,,有鬼都應該行埋一邊....
玩完抱墩已經天黑................去到馬公市更加夜......
Molly諗住帶我去check in 先去食飯.
呢張相係光天白日的相..............其實我地揸車去到附近望去係黑麻麻的,,,
一盞燈都冇咁.......好似人地d貨倉門口,
我就同Molly講,,,,嗚..... 唔住得唔得呀? 成座天主堂好似冇人咁??
(下面張相係網上偷人的, 我地去到其實好黑好黑)
Molly話唔得啊, 因為佢屋企有客人o黎, 所以我唔可以住,
咁我話不如去YH啦, 澎湖YH都幾好評的.
之但係位置比較偏遠少少, 因為聽日又係Molly o黎接我去玩,
所以緊係方便Molly為主啦. 佢話乜就乜啦, 無計啊~
架車兜o左一個圈見到天主堂有燈著o左, 門口坐o左3個成年人, 其中兩個仲係
食緊煙,,,,,-___- 呢間其實係咩天主堂呢??
再行入d, 有個門口入去, 其實好似一間學校, 仲見到有年青人係班房上堂
搵到神父之後, 佢話冇晒套房, 只得單人房, 廁所共用,
NT1000 住3晚~ (好HK$270平啊)
其實平貴對我o黎講唔係重要,,,,,最重要係唔好咁.....鬼環境嘛...........
成座除o左有2個班房有學生之外,,,,樓上就係類似宿舍的物體,,,,,
但係全都係黑麻麻....我仲要住係3樓......
(請想像要係右邊開燈至有光o既樓梯)
上到3樓仲恐怖.........一粒人都冇,
走廊黑麻麻, 盡頭仲黑, 放o左3張大梳化+ 雜物
巧驚
巧驚
我係317號房, 左邊係單數, 右邊係雙數,
311, 313, 315, 唔見317
再睇下另一邊....312, 314, 316,,,,又係冇317,
同Molly 來回3次都唔見,,,,,,
迫於無奈,,,我地試下行到盡頭雜物超多o既所謂"大廳"啦
當晚3張大梳化擺晒係度.其實我已經超想掉頭走~
你叫我夜麻麻點夠膽出o黎痾夜尿呀??
最左邊角落個間房............-___-"
門口比張大梳化擋住, Molly幫我推開張梳化行埋去確認,
噢~ 真係317~!!
Molly都唔洗打開間房就已經叫我走啦走啦,
連佢都覺得恐怖, 所以叫我走啦.
落到樓下咁o岩見到神父, 佢就退番nt1000比我.
88天主堂~ 其實上網睇d人住過都話ok o既,
慶幸我天黑至o黎check in, 如果光天白日o黎check in,
玩到夜麻麻返o黎至知咁恐怖,,,,,,,,,,,,,我實冇覺好瞓啦.
多謝天父~
再偷多d人地o既相, 房內好似唔差, 呢d係3人套房, 有時一個人住佢都會比3人房,
我就冇福消受了.
呢張相應該係共用洗手間(但我唔知位置係邊, 可能係一頭一尾.........
我寧願賴尿都唔會出去痾, 實嚇c我
大門口入去就會望到呢座教堂........(日光日白睇幾好啊)
雞咁腳就離開天主堂, 餓到屎下屎下,
吃o左飯先~
熱屎辣辣, 啤啤佢先啦~
都係叫番個d, 必食澎湖絲瓜啦~ 
海鮮粥
大大舊海膽
MOLLY 知道食唔晒, 所以只叫一隻蟹
食到9點幾走人
之後Molly 帶o左我去山水區的
"北吉光背包客"民宿 (Bayhouse hostel penghu)
TEL +886-934-26-3005 / ADD 880 澎湖縣馬公市山水里17-26號
超陽光的民宿~一天光晒~~~~~~~
外面有間超大士多房, 放單車, 機車, 仲可以洗衫
可以抬頭望星星, 民宿就係山水沙灘附近~
每層都有共用沖涼間& 洗手間~ 
今晚住10人混房,,,即係男女共處一室~
~ 臨時臨急都搵到床位已然算好了
~ 臨時臨急都搵到床位已然算好了
(講比老細知, 如果明天有淨女子房就幫轉房, 老闆話好)
寐具好乾淨, 本來瞓得好舒服, 可惜4點幾比個大男人打呼嘈醒了)
今晚要早d瞓~ 因為聽日一大早6:15約o左Molly去遊島~!!
- 回應 (12)
- 引用 (0)
- 永久連結
- 好正呀你! 3去澎湖! 每次睇到人地介紹澎湖都好羨慕!
- 呢個地方我都想去好耐，可惜我唔識揸車!
- 回覆
- 謝謝分享！
- 有無拍攝澎湖絲瓜？
- 顯示全部回覆 共2則
- 有呀, 你去呢度睇吖~
- http://blog.yahoo.com/_M3DUN4GYMOYBPTPHCTCB6JI4QQ/articles/1298478/category/eNcOrE+%E6%BE%8E%E6%B9%96
- 看了！謝謝！
- 317......好...恐...佈....
- 回覆
- 雖然係好平,不過出旅行唔好咁辛苦啦,食餐海鮮都唔止啦.
- 回覆
- 因為唔熟澎湖民宿, 而最大問題係我唔知自己"識"揸電動電單車, 所以MOLLY 幫我BOOK邊間就邊間, 我咁鬼怕黑, 送間總統大套房比我住都冇本事o架, 唔係錢問題呀~碌卡床多人陪我吖嘛........
- 一路睇我已經好驚,我比你仲細膽,比我一早就走人,所以我唔可以一個人去旅行的.
- 回覆
- 海膽影到大大舊,
..好鬼吸引呀.
...但隻蟹相信最好味道喇.......
- 回覆
- 哈哈. . .cow cow原來你都幾細膽. 不過那間天主內外比我感覺好似一間醫院多D.
- 回覆
- 移民去 澎湖 啦 cow, 到時招呼我哋@@
- 回覆
- hahahaha...都唔叫最差, 不過冇咁好睇啫。差到死我都住過....我呢世都不會忘記wah haha....你之後嗰間更好喎
- 同埋有時網上d comment 都係差dd, 好似上次我去蓮花間民宿, 個個都讚, 但我去到其實有少少"意..
- hahahaha...都唔叫最差, 不過冇咁好睇啫。差到死我都住過....我呢世都不會忘記wah haha....你之後嗰間更好喎
- 同埋有時網上d comment 都係差dd, 好似上次我去蓮花間民宿, 個個都讚, 但我去到其實有少少"意見", 係有d 唔太清潔(唔係有鬼r 下), 有野咬...不過可能主人有養狗, 我比較敏感, 所以覺得有野咬(連老公都覺), 所以對於書中介紹同網上comment 真係有d 保留。
- 回覆
- 天主堂之前Molly住過, 地點方便我呢d單單丁, 又唔洗點坐車就可以去到馬公市, 有巴士總站咁..........所以咪住囉, 因為又唔可以成日打攪MOLLY, 住第2度民宿又驚成日要坐的士出入. 當然我依家知道自己可以揸電動
..
- 天主堂之前Molly住過, 地點方便我呢d單單丁, 又唔洗點坐車就可以去到馬公市, 有巴士總站咁..........所以咪住囉, 因為又唔可以成日打攪MOLLY, 住第2度民宿又驚成日要坐的士出入. 當然我依家知道自己可以揸電動電單車, 下次去D遠Do既民宿都唔洗怕啦~
- 天主堂原來係hostel黎架？﹗間bay house hostel 真的不錯喔﹗
- 回覆
- 22222222222222222222
- 澎湖真係好多海鮮食~~~咁一定唔會肥啦
- 回覆
- HAHAHHAHAHA~ 我見第一張相有熊膽招牌好cute啊~
- 下次仲敢唔敢try 天主堂呢
- 回覆
沒有留言:
張貼留言
睇完求其實番兩隻字啦~