8號風球飛台北~再去宜蘭
2013年8月19日下午11:59公開累積瀏覽 1975 15
其實本來8月14~18 唔係宜蘭台北之旅, 本來係我第4次遊澎湖台北之旅
(3去澎湖o既旅遊blog只係寫o左一日, 仲未的起心肝寫埋落去~
不過我一定會寫o既, 因為係我第一次揸電單車嘛...)
其實本來8月14~18 唔係宜蘭台北之旅, 本來係我第4次遊澎湖台北之旅(3去澎湖o既旅遊blog只係寫o左一日, 仲未的起心肝寫埋落去~不過我一定會寫o既, 因為係我第一次揸電單車嘛...)
原本計劃係同家姐+2個姨甥去澎湖玩3日, 然後8月17號係台北參加日本語同學會聚會.不過因為熙哥升中,所以家姐話今年都係取消唔去改明年, 咁o岩又係fb見到有"朋友"去宜蘭睇海豚睇得好過癮我就即刻變心了~
家姐一家3口變成B朋友
2013年8月14日星期三~~ 居然有颱風殺到o黎~ B朋友醒目提議o黎老媽屋企過夜,
方便8號風球都可以一齊出發而唔洗用電話打o黎打去. 聰明~!
中華航空, 就算8號風球都有機會起飛, 所以唔理掛唔掛8號風球,總之就6點半起身7點出發去機場,
(好彩係港鐵, 機場快線都係隔10分鐘左右一班車, 唔怕去唔到機場)
零晨1點幾改掛8號, 但老媽屋企完全感受唔到打緊8號(因為向西), 早上起身已經知有200班航機取消或延誤,所以慢慢吃完早餐至出發. 
冇風冇雨安全搭到東涌線~B朋友好開心~
再去青衣轉機場快線, 2人行有套票, 原價60蚊一個人, 依家90蚊2個人.
今次行程我PLAN得好HEA(其實plan行程都令我有壓力, 雖然B朋友話hea遊, 我去邊佢去邊,唔緊要)
早過10點o既機都唔想搭,
所以坐10:15機飛去台北, 預先book了2:30的欣葉吃下午茶自助餐,
食飽坐台鐵去宜蘭線的"頭城"站. 時間上其實真係好鬆動, 所以突然殺個8號風球都冇有怕,
總之今日可以飛到去台北就得啦, 點都去到宜蘭o既, 咁就唔會影響我地聽日睇海豚啦~!
8號風球高高掛, 以為機場打晒交,,,,,,,,,點知人唔算多,出乎意料,仲順利過平時出發
10:15 飛改為11:15, 去到台北仲可以食自助餐, 真係謝天謝地.
除o左登山, 第一次唔係拖篋去台灣~~~~(經此一役, 我真係好想認真做個backpacker
, 環台灣一個圈)
, 環台灣一個圈)
出發了~!
真係估唔到8號風球可以起飛,而且只係延遲o左一粒鐘, 以前試過黑雨都遲幾粒鐘啦
雖然要等2粒幾鐘至起飛, 但我地兩個都開心到震 
11:15機, 不過因為要排隊起飛(機長話排第9架喎), 最後起飛係12:00
雖然唔夠瞓但心情興奮.......點瞓得著o者~好, 快d搵戲睇~
唔洗等行李, 2點出閘去台北~
wow, 今日匯率3.724, 上個月台灣朋友o黎香港玩, 我用3.75同佢換o左1萬蚊港幣~有著數
(百年找換店3.73)
國光號巴士大約2點40分已經去到台北車站. 最少開車前30分鐘要去櫃台換火車票,
所以換o左車票至決定食唔食自助餐
火車網上訂票link:
http://twtraffic.tra.gov.tw/twrail/ (英文網頁至可以輸入護照號碼)
網上訂好票, 會有一個file, print佢出o黎去台鐵窗口換車票, 記住要比passport佢睇.
反正訂o左位, 3點食到4:30都夠啦, 所以還是去o左欣葉,
不過過o左30分鐘, 我地個位已經比o左人, 又冇其他位, 所以呢....
我地呢個位比較特別
唔洗驚, 唔係樓梯底~仲有大把位比我地放背囊~
唔洗驚, 唔係樓梯底~仲有大把位比我地放背囊~
下午茶自助餐係NT460 加10%, 所以係NT506一位(HK$135), 朋友話食物種類少,
我就夠啦, 因為食自助餐我好少食熱o野~
呢d係我食o既~
最like佢d手卷唔係飯底, 係菜底
食飽去坐火車~
第2行顯示 車次242 17:10, 雖然近呢10年去o左好多次台灣(探朋友, 入貨)
之但係其實都係呢幾年至認真去玩. 舊年年底同u頭佢地去十分至識搭火車
呢架算係快車, 飛o左好多站~1小時15分就到頭城, 其實有宜蘭朋友話比我地知坐巴士都好快,而且仲平過坐火車, 不過我地兩個都想睇風景~ 所以最後選擇坐火車~
葛瑪蘭汽車客運link
國光客運
遠處個個就係龜山島~
出發前一晚民宿至有電郵通知可以登上龜山島最高點401
(龜山島只開放3~11月, 登上401要兩星期前申請, 每日限40人)
到啦~
頭城比我第一個感覺係巧鄉下
到埗即刻打比今晚住宿地方
到埗即刻打比今晚住宿地方
"頭城背包客棧"
(第2朝影o既, 就係出o左火車站直行, 呢座高樓大廈入面6,7樓)
民宿：頭城背包客民宿
地址：宜蘭縣頭城鎮民鋒路79號6.7樓（近頭城火車站）
電話：(03) 9773883 或0953-067211
價位：每一人每天NT$300 =(hk$80)
備註：床位，每房4人或6人、男女混房, 介意者勿住
息燈時間22:00 ~08:00
入面其實都好闊落, 冇電視, 有2間房
有電腦但係超慢, 有wifi, 所以問題唔大. 江湖救急時都頂得住下
直望間房就係我地今晚住o既, 裡面有3張碌架床, 有一個齋廁所, 冇得沖涼.
左門係4人房, 右門係另一個廁所+浴缸
唔要求高都ok o架, hk$80一晚算係咁啦~
(o岩o岩今日知道客棧被縣府罸o左9萬台幣
=hk$24,000),
=hk$24,000),
所以老闆應該會裝修以取得民宿資格
(坐係上床影番間房) 今晚全院滿座, 10個床位全full, 呢間6人房今晚住o左4女2男.
房內有冷氣, 有風扇, 正中間張碌架床對正冷氣, 一係爽死, 一係冷死~
枕頭被夠乾淨. 住得呢d預o左. 相對以前做backpacker都會自備被單, 依家算係方便o左啦.
影呢張相時仲未知乜o野係免費接駁車, 依家就明明地. ^^
原來宜蘭有好多條免費接駁車載你去景點, 下面係其中部份資料,
去宜蘭請多加利用~
客棧仲有廚房, 洗衣機任你用.
門口貼o左唔少住客的留言, 一齊去睇下~
我都唔執輸~(第2日離開客棧時寫的)
聽日計劃係去龜山島登401, 並且去睇海豚, 點知老闆今晚話比我地知,
一日之內去唔到兩個地方, 所以聽日一係登島上401, 一係就睇海豚,
吓............咁難揀
B朋友好快就話緊係睇海豚啦, 睇海豚係今次o黎宜蘭最主要目的.(咁又係)
但係登401唔係咁易呀~ 每日只有40人可以上, 而且要2星期前申請至可以上.
嗚..........我想登401, 但係B朋友又講得o岩, 睇海豚係主要目的.
點算好?? 正想揀睇海豚o既時候, 劉老闆話要登401只有聽日, 因為申請時係8月15號登401
冷靜o既B朋友好快就解決問題啦.............o車, 我地後日又冇plan去邊,
聽日去登401, 後日去睇海豚,,,,,,係喎, 傻cow一遇突發事件就會手騰腳震唔識決擇, 好彩有冷靜B
只係劉老闆擔心我地多花錢o者, 山長水遠8號風球都o黎到宜蘭, 錢唔係問題啦.
只係劉老闆擔心我地多花錢o者, 山長水遠8號風球都o黎到宜蘭, 錢唔係問題啦.
8月15號繞島, 登島, 上401 一個人費用NT1200 (HK$320)
8月16號繞島, 睇海豚 費用一個人NT1000 (HK$267) <--不過後來搵到NT800 (HK$213)
(據網上資料, 本來登島上401, 繞島, 睇海豚係nt1900, 依家我地分兩日都只係貴o左nt100 o者 ==>hk$27)
付過錢比老闆後我地就去搵o野食, 呢度d舖頭好早收工, 8點左右就收晒咁滯....
最後揀o左間麵店~
蔥油餅 NT25 (HK$6.7)
湯青菜 NT30 (HK$8)
牛肉湯冬粉
成日都唔記得,,,,有個湯字o既唔係湯冬粉o既意思,
成日都唔記得,,,,有個湯字o既唔係湯冬粉o既意思,
而係牛肉湯o既意思, 即係話, 呢碗係齋冬粉牛肉湯底
所以下次要揀牛肉冬粉(冇個湯字), 咁至有牛肉食o架~
所以下次要揀牛肉冬粉(冇個湯字), 咁至有牛肉食o架~
我呢碗叫做牛肉湯扁食,,,,,,,,,好奇怪o既名, 問老闆扁食係咩意思, 佢話係"雲吞"喎,
原來如此, 所以我呢碗係 雲吞牛肉湯底~
食飽返客棧沖涼瞓覺, 因為聽日約o左8:15劉老闆o黎接我地去烏石港碼頭~
龜山島有咩睇?? 聽日就知道啦~ 88
- 回應 (15)
- 引用 (0)
- 永久連結
- 背包遊、、、 大人人以前無試過、家陣無本事 ！！
- 台湾、話0左好耐話同木村去、但仲未去得成
- 回覆
- 八十元一晚
- 顯示全部回覆 共4則
- 你敢住嘛?
- 敢
- 如果要環島遊旅費有限
- –定要住超平民宿
- 我都好想放長假環島遊啊
依家o既香港令我抖唔到氣
- 努力呀cowcow
- 就下班啦
- 最緊要~有驚無險~,飛去台北玩,......好家庭FEEL旅館,
..
- 番正玩時間多過
...乾淨就OK喇....
- 回覆
- 勁呀~~~個天同雞場都幫你呀,8號波竟然可以飛......真係超級好運
- 有人為我plan好行程都好架,個腦乜都唔洗諗
- 回覆
- 顯示全部回覆 共2則
- Hea 著玩…正
- 回覆
- 最好有人攪晒全部行程,我跟住去就好,不用自己煩
- 顯示全部回覆 共3則
- 咁咪要參加旅行團囉??
- 我都有自由行架，不過都係朋友攪掂晒，我只跟住去玩及食,好似跟團一樣﹗
- 你比我更樂天啦, 將自己o既快樂交托比人, 哈哈哈
- haha 我認同, 點plan 都係有壓力架啦:P
- 你d 行程都好豐富r, 一d都唔hea
- 到目前為止, 我還不敢在台灣住這些hostel
- 回覆
- 住呢d hostel, 入廁所去廚房等, 銀包証件永遠跟身, 先做小人先, 個個要當賊扮, 曾經係日本hostel, 有個女仔放o左銀包係廚房枱面, 轉個頭已經比人攞o左搵唔番.
其他o野已經唔重要. 當然住呢d hostel 會上網
..
- 住呢d hostel, 入廁所去廚房等, 銀包証件永遠跟身, 先做小人先, 個個要當賊扮, 曾經係日本hostel, 有個女仔放o左銀包係廚房枱面, 轉個頭已經比人攞o左搵唔番.
其他o野已經唔重要. 當然住呢d hostel 會上網睇下住過o既人o既評語, 不過住客每次唔同, 所以要多加留意, 今次都見到d靚仔銀包隨處放, 未撞過辦唔知世途險惡
好彩我唔係賊~ ~ 台灣我覺得安全過外國
- 真係好運呀,八號風球都出發到.不過點解中華咁勇既?旅途愉快.
- 顯示全部回覆 共2則
- 有時覺得CX太"立", 試過有一次同哥一齊由台灣返香港, 幾乎同時間起飛, 佢坐CX, 我坐唔知係中華定係長榮, 個次香港有飛機係跑道爆o太, (但已經係早一日o既事, 定係幾個鐘前發生) 我架機遲o左15分鐘起飛, 而我亞..
- 有時覺得CX太"立", 試過有一次同哥一齊由台灣返香港, 幾乎同時間起飛, 佢坐CX, 我坐唔知係中華定係長榮, 個次香港有飛機係跑道爆o太, (但已經係早一日o既事, 定係幾個鐘前發生) 我架機遲o左15分鐘起飛, 而我亞哥足足遲o左粒幾兩粒鐘.
- 今次8號風球, 見cx有去台灣的機取消了..........算唔算好運呢?? 冇事發生就算囉~ 哈哈哈.
- 其實我都唔鐘意坐CX,不過其他人鐘意揀佢.
- 記者cow好詳盡! 給力!
- 回覆
- 你比封為台灣通了~ cowcow
- 回覆
- 網上話去台灣用柜員機禁機至抵, 你試過未?
- 顯示全部回覆 共3則
- 襟機試過但唔覺得特別平, 之但係我覺得用aeon 信用咭係台灣就平啦. 我上次係百年換現金係3.7, 但用aeon 碌咭買o野就3.8, 平好多啊~
- 我見佢地話用銀聯咭, 只需比 hk$15 手續費, 個rate 靚過百年唱....好想試下, 但要記得開通overseas cash withdrawal.
- 我試過用恆生咭, 唔洗比手續費, 但個RATE 唔算好, 但又不太差, 要搵番d資料運下個rate至清楚.
- 還可以吃到已訂的下午茶自助餐，你真走運
。
- 顯示全部回覆 共2則
- 曾經諗過一落機去台北車站坐火車去頭城, 後來發覺太趕車了, 唔想自己太趕所以食飽至上火車. 走運?img](big grin)[/img]plan 過o架~ 算唔算呢??[
- 曾經諗過一落機去台北車站坐火車去頭城, 後來發覺太趕車了, 唔想自己太趕所以食飽至上火車. 走運?plan 過o架~ 算唔算呢??
- 我已經plan咗去台環遊一圈喇！上次冇話俾你知？
- 回覆
- 攞咗第一先
- 回覆
沒有留言:
張貼留言
睇完求其實番兩隻字啦~