(續上PART 龜山島...............)
半小時船程我地就返到烏石港上岸啦~(15:00)
今朝客棧老闆已經提醒我地有免費巴士去礁溪火車站~
睇過時間表, 16:26分有一班, 最後一班係17:56
宜蘭縣政府真係好安排, 有好幾條線可以免費乘搭, 不過時間上會耐一d
好似呢條131路線, 由礁溪火車站開往東北角風景區外澳站就相隔90分鐘一班.
車程約40分鐘.
好似我地呢d有車牌都唔敢揸車o既人o黎講, 坐巴士遊宜蘭真係唔錯啊,
請大家多d利用啦.
巴士時間路線&時間表
仲有成粒鐘, 我地決定行幾分鐘到o既蘭陽博物館, 食番串台灣香腸先~
老闆娘見我地影相, 攪笑地借條未熟o既腸仔我地做道具~
見到啦, 好特別o既外型, 有人話跟番龜山島而設計的, 唔知係真唔係~
加o左turbo的鴨仔
NT100 (HK$27)入場費
1. 週四至週二：9:00~17:00PM（售票時間：09:00-16:30）
2. 休館日： 每週三（若逢國定假日照常開放）
農曆除夕、年初一
政府公告之天然災害停止上班日
館方另行公告之必要休館日
發現博物館內有免費locker,
下次再去烏石港行街街可以先放低行李係呢度~(係咪好衰~
)
)
記住博物館收5:00啊, 星期三公休
館內都係講宜蘭歷史, 不過仲有其他.
當然唔少得講龜山島 
夠鐘lu~ 要去坐免費巴士, 其實博物館對面已經有站,
不過我地都係事後至知, 所以又要行番去烏石港個個站
其實係架巴士仔, 坐得10零個位, 冇位o既可以企, 因為都幾多人係頭城火車站落車.
(16:45)
我地坐半粒鐘到總站~ 礁溪火車站...............再行番10幾鐘去
我地今晚住o既溫泉旅館~
(17:29)
阿先湯泉養生會館
其實plan行程之時, 我決定唔到今晚應該住係邊, 住羅東個邊定係咩?
(因為舉旗不定, 唔知聽日去邊玩)
B朋友好似幾想去北投泡溫泉,,,,但我覺得返去台北坐捷運去北投, 倒不如係宜蘭礁溪泡啦,
(台北朋友話我,,,,夏天熱C辣辣做乜走去泡溫泉, 不如去泡冷泉啦
)
)
而b朋友有同事住過阿先覺得ok, 我又以為佢近火車站所以就book啦,
雖然剛才行到CC下(其實免費巴士附近有站, 不過我地唔識落車
),
),
不過事後冠洲(宜蘭朋友)講住遠少少唔洗近火車站個邊咁嘈~ 有道理有道理~
精緻二人房, 網上定價NT5,200 (HK$1387) 巧貴呀~!!不過..........
原來網上訂房平一截~ NT2860 (HK$763) 平靚正~
房間說明 :
免費提供中、西自助式早餐、礦泉水2瓶、咖啡包、茶包。
免費提供ＳＰＡ水療設備、蒸氣室、烤箱。
本會館免費提供房客，使用自行車暢遊礁溪溫泉風光。
早餐券~
又包SPA...............不過我地黑仔, 原來逢星期四休館做清潔,
所以只好聽朝一早起身泡~
約o左6點, 不過我地遲o左, 所以6:30至見到冠洲
佢揸車o黎接我地去食飯~ 點知仲派手信
我地兩條友乜都冇買啊~慚愧c
我地兩條友乜都冇買啊~慚愧c
冠洲尋日特登上台北買的sunny hills鳳梨酥,,,,超有人氣的~
去o左"滿意樓海鮮館" , 就係冠洲屋企附近~
冠洲話有唔少行山人士都o黎吃, 吃飽至上山~
影番張相上飛薯仆比院友們睇下先~~~~~~笑~~!
我地係香港約冠洲時已經打算請佢食晚飯, 所以呢.......
我地假裝唔識叫餸等冠洲決定晒所有餸.
半天荀排骨湯~
魯肉飯任裝~
肥美三文魚~
唔知乜菜
xx炸豆腐, 好滑好滑
6餸1湯呀,,,,3條友食........努力努力~
臨尾整碟小管o黎, 幾kawaii, 可惜要比我吃落肚了~
食食吓又影~食到半路中途打眼色比b朋友去付款~~~
當然唔少得拉拉扯扯, 
最後緊係我地贏啦,
最後緊係我地贏啦,
又食又攞點對得住你呀~冠洲~~~~~~~~請原諒我地o既不敬
唔好意思的冠洲食飽飯想請我地去食冰, 之但係b朋友話好飽,
咁冠洲就帶我地夜遊礁溪, 原來礁溪有好多唔洗錢o既泡腳溫泉,
而礁溪溫泉公園就係我地旅館附近, 所以呢..........如果下次唔住溫泉酒店,
都可以到附近公園泡泡腳~ 
又或者去個d付費溫泉泡溫泉, 收費十分之平~
乜都唔帶只帶個人去, nt350 (hk$93) 自己帶毛巾又可以平d,
總之就唔貴啦. 所以下次單單丁去礁溪, 慳慳地住床位但又可以去泡溫泉
黑麻麻, 估唔到冠洲仲帶我地去行山..........地區睇下~
五峰旗, 入面有3條瀑布
黑麻麻緊係睇唔到, 但係聽到好多動物聲, 有點恐怖
夾硬影o左張瀑布相~
有興趣可以去睇下五峰旗網頁
仲有去o左跑馬古道睇o左一睇~
礁溪有好多霓虹廣告牌, 所以夜景都幾靚
10點幾返到旅館, 準備沖涼~
冠洲話住係礁溪, 每個家庭都可以用到溫泉水喎, 因為屋企會有分
普通水喉&地下水喉,,,,,真係超令人羨慕
礁溪溫泉水含豐富鈉,鎂,鈣,鉀,碳酸離子等礦物質, 屬於"碳酸氫鈉泉",
話無色無味, 但我同b朋友都覺得有一陣細路仔時玩過o既
臭蛋味~
水質對皮膚有軟化角質層,滋潤功能~ 當然要泡下啦.
睇下..........今日登龜山島401陰天有雨都曬到我黑白兩截色, 如果藍天白雲就冇眼睇~
泡下腳仔先, 爽呀~
泡一陣就紅晒~ 繼續繼續~
聽日早d起身食個靚早餐, 我地要去睇海豚呀~88
- 回應 (16)
- 引用 (0)
- 永久連結
- 龜山島：形狀似龜呀！
- 一人執住一碌棍撐上1706級樓梯~："碌行山棍香港帶埋過去" ？
- 回覆
- 早餐唔錯~平
- 龜山島...海面奇景
...可能同鹽分/水流/水溫有關係.
- 泡溫泉.....正.
- 回覆
- 估唔到原來龜山島有咁多野睇喎... 我仲以為得個荒島添~
- 你地呢日去行山仲好呀, 冇咁曬, 如果唔係熱到暈, 第二日又咁好天, 簡直係prefect
- 回覆
- 要行山咁辛苦唔怪得小人啦,個浴缸好正.
- 回覆
- 龜山島景色好吾錯，水有兩種顏色特別
- 回覆
- 島上風景不錯
- 下次到台灣一定要去
- 博物館夜景常在網上看到很美唷
- 回覆
- 龜山島個海突然有兩種色.......好靚
- 1706級...真係腳軟呀~~
- 回覆
- 恭喜兩位成功登上401 & 1706級
- 回覆
- 探冠洲，好節目！
- 回覆
- 龜山島啲水好靚呀！我想起北海道的溫泉水色, 都有通透晶凝的感覺，總之令人一見難忘！
- 回覆
- 有次安排登山後想去龜山島, 但何老闆話咁大風冇野玩, 所以沒有去
- 顯示全部回覆 共2則
- 其實又真係冇乜o野睇, 去登完3000幾米o既山, 再登401米.
出年登6日山落山後都冇時間, 去唔到邊, 不如去礁溪浸溫泉先返香港
- 又幾好提議,記住先
- 飛天5
- 顯示全部回覆 共2則
- 阿四，原來龜山是火山。
- 回覆
- 龜山島19777年之前都有人住 <<<<<
- 睇見你玩得開心..真正~
- 回覆
- 咁多嘢，分開三篇都得啦…
- 顯示全部回覆 共3則
- 有心睇,,,,,,,幾長都會睇啦~ 冇心睇, 入都唔入o黎呀~ 寫幾長幾短都係留一個言, 事但囉
- 我都覺得長, 但一氣呵成又幾好, 而且可以快啲看到鯨魚呀
- 其實我有考慮分，但又覺得係一日內發生嘅事，分嘅話將博物館和冠洲歸一篇好似又麻麻地，最後就一篇過算，唔啱睇就跳啦，反正方便自己以後翻查資料&留個記念啫，下一篇去又處地方，分上下part啱啱好
海豚好精彩啊，睇..
- 其實我有考慮分，但又覺得係一日內發生嘅事，分嘅話將博物館和冠洲歸一篇好似又麻麻地，最後就一篇過算，唔啱睇就跳啦，反正方便自己以後翻查資料&留個記念啫，下一篇去又處地方，分上下part啱啱好
海豚好精彩啊，睇下今晚寫唔寫得晒
- 一陣再看
- 回覆
牛牛, 你好! 我想請教一下因為我下個月去台北, 第一日先落宜蘭住溫泉酒店, 第二日想好似你咁 check out 後去賞豚, 我依家煩惱梗 d 行李應該點好, 想問下烏石港個度有無得寄存行李o急, 謝謝! (賞豚後我會遊羅東住一晚)
回覆刪除Katie
刪除有o既, 我地個日都係咁放(問工作人員, 佢比o左個樓梯底位但有門o既什物房比我地放o野, 另外, 係宜蘭博物館入面都有locker , 不過要注意收工時間
(你睇番前一篇有寫的, ) 有咩唔明請再問~ ^^
牛牛, 多謝你既回覆, 不好意思, 我還有一問題想問, 我下星期五到台北了, 跟住那晚住礁溪, 第二天星期六打算 10:30 去賞鯨+環繞龜山, 如果我那天早上才到龜山島賞鯨船務中心買票會否好冒險, 我吾肯定酒店職員肯吾肯幫我預定, 如果一早通過網站預定我吾吾想, 因為要俾哂錢....
回覆刪除但點解你唔問下酒店可唔可以幫你預訂呢?? 又如果一早通過網站比晒錢都冇問題o架~ 你都book晒礁溪酒店, 即係你都已經確定去宜蘭了~ 或者你可以上網問下龜山島賞鯨中心, 當日至買票會唔會好冒險, 因為呢個問題你問我, 我都唔識答你呢~
刪除牛牛, 你講得岩呀, 真係 plan 行程 plan 到個腦閉塞, 經你提醒茅塞頓開, 謝謝你 :P
回覆刪除嘻嘻, Katie 唔洗客氣~玩得開心d啦, 有時間就行埋羅東夜市啦~ ^^
刪除會呀, 我去完龜山島後個晚住係羅東, 一定吾會錯過夜市, 期待你更多去台灣既行程篇^^
回覆刪除Katie, 玩完返o黎未呀?? 好玩嗎?? ^^
刪除