宜蘭台北之旅寫在前
朋友問.................cow
又去台灣呀?!?~
你返鄉下呀?!?~
台灣係咪我最愛?? 去得太少國家唔敢答你係咪最愛~
但肯定可以答你台灣係一個令我冇乜壓力o既國家~!
國語唔係叻溝通到就夠啦~
匯率雖然冇以前4.2咁高, 最近呢次只有1對3.72幾,
之但係你換1萬幾仟港幣去到台灣就可以咪埋眼咁洗~
日文唔叻溝通得到但係日本物價對番港幣就貴啦,
買乜食乜都可能要攞部計數機計住計住, 所以去日本都係令我有壓力o既國家,
講英文o既國家直頭唔係我考慮之列,,,,不過六哥係美國20幾30年都未曾探過佢就
真係衰細妹一個囉
(反而老媽12年前試過一個人去探亞哥,佢d兄弟姊妹反而冇一個探過佢
)
(反而老媽12年前試過一個人去探亞哥,佢d兄弟姊妹反而冇一個探過佢)
點解無啦啦講o左壓力??????哈哈哈, 因為出發前兩天接到舊同事電話,
佢5月尾開始失業, 一直到8月頭至有份temp, 諗住4個月都殺啦,點知返唔到2個禮拜
就比人兜~~~~佢對自己能力開始動搖......苦晒口面搵我呻......聆聽係小cow o既強項, 當然唔少得比我炳.........其實我唔知佢擔心d乜?
失婚中年女子自置物業已供甩, 雖然我唔知佢身家有幾多, 但起碼家姐們有實力可以頂得住佢.
我問佢仲想點??
以前搵2萬有2萬o既生活, 依家搵唔到2萬咪搵1萬囉~ 唔夠洗嗎?? 夠啦~!
仲想搵健身教練嗎?? 500蚊一粒鐘, 有錢咪當搵人傾計, 冇咪cut囉, 自己係屋企跳鄭多燕都夠啦.
仲想做貴價護膚療程嗎?? 冇錢咪cut囉,我的美麗日記面膜夠啦~ 幾多有錢明星一樣係會老~算吧啦.
問佢想有幾多cash至退休? 廿萬現金............舊同事答我廿萬, 
廿萬o者, 你一定有啦,
廿萬o者, 你一定有啦,
唔.........其實我以前每個月都儲8000 o既,,,,,,,跟住就買基金囉~~..........舊同事又答我
嘩.......大佬啊~! 基金都係錢o黎o架~! 賣晒d基金咪係錢囉~ 你唔計基金係你d身家呀??
鳴呼~~~~~~真係唔知d人想點? 明明已經比好多人好, 明明有錢係身又擔心呢樣又擔心個樣,
當然想做o野又有份工會令人安心我都知, 但係依家冇人請都唔洗愁啦~ 成世人愁得幾多次呀?
係咪愁到有病至安樂?? 係都要將d錢送比醫生嗎??
好似以前另一朋友講過: 唔可以洗晒d錢o架, 要留番o黎睇醫生.......
(依家冇病冇痛)
(依家冇病冇痛)
傾到三更半夜鬧醒o左朋友但我就好眼瞓
唔好再自尋煩惱啦, 搵唔到工就當放長假去旅行囉,,,,,我呢隻小cow不知幾想有個悠長假期,
當然我未有勇氣自炒啦~ 不過煮到o黎咪食囉~ 下星期部長殺o黎香港, 冇啦啦話要同我地
一人傾計10分鐘,,,,唔知又想傾d乜啦~ 到時至算啦~
好~! 要準備寫宜蘭台北5天遊啦~ 今晚再見~
- 回應 (9)
- 引用 (0)
- 永久連結
- 大人人対0尼類人都幾 、、、 苦手 、、、 （想吾起中文点形容、、、）
- 顯示全部回覆 共3則
- 唔知點應付?（苦手）？係咪呢
- ＝得意じゃない
- OH ! 記起0刺、、、0甘講可能正確D ： 吾係「強項」
- 一人傾計10分鐘
- 個胃好傷
- 顯示全部回覆 共4則
- 點解傷胃呢?
- 應該是肺
- 照10分鐘肺
- 保重cowcow
- 人就係咁衰,有又煩,無仲煩.......乜都愁
- 我就係鐘意你d性格~~
- 回覆
- 我就覺得各人有唔同既煩事,
- 樂天去面對是好事的~但為將來準備一下都是應該的,始終都要為生活.
- 快樂源於(簡單)是對的....
- 回覆
- 嘩﹗你有好多正能量,值得我向你學習
- 回覆
- 原來呢D叫做正能量呀~
未有病之前, 我會趁空閒時間去搲銀儲多D錢去花, 有病之後..........哈哈哈, 明白到帶唔到落棺材, 而且比我識到班有得玩有得食o既開心院友, 依家得閒都去玩唔會諗點樣可以搵多d錢啦. 錢財乃
..
- 原來呢D叫做正能量呀~
未有病之前, 我會趁空閒時間去搲銀儲多D錢去花, 有病之後..........哈哈哈, 明白到帶唔到落棺材, 而且比我識到班有得玩有得食o既開心院友, 依家得閒都去玩唔會諗點樣可以搵多d錢啦. 錢財乃身外物, 唯有健康好~
- cow cow 是好樂天的, 睇你blog 都會寧捨開心!
- 顯示全部回覆 共6則
- 睇我blog可以令你地開心都係我寫blog的推動力之一o架........我都覺我樂天的..........
.............但我唔知點解過唔到情關, 攪到牛牛出o黎搵我
- 你牛牛復發咩??
- 我講緊5年前離婚個陣時呀~
依家經常夜瞓, 頭頂D頭皮越O黎越厚, 可能我成日R損都未定
- 我 d 牛牛都是差...頭皮...唉
- 今次又問我打唔打針...死未!
- B朋友都有個同事因牛牛病打針, 但係冇乜效果, 仲攪到身體好差啊~
- 我都覺得BETTY你好正面積極面對你個病啊~
大家都要努力啦.
- 大家咁話!
- 3仔，土人人木。
- 顯示全部回覆 共4則
- 噢.......我冇SK咁叻可以拆解DHL啊......土人人木.......
- 係倉頡碼，GOOD。
- 回覆
- 回覆
出入平安
哈囉哈囉，報個平安先!
今日雖然8號風球，好好彩我地8點半到機場，只係改咗機，原本10：15機只係改咗11：15（最後因為要排隊起飛，所以正確應該係12點起飛），8號風球下起飛係我第一次，都咪話唔驚，不過只係晃咗幾嘢就好似平時咁
完全冇甩計劃，到台北後去食下午茶自助餐（預先叫台灣朋友訂），跟住坐17：10火車去宜蘭的頭城（一早網上買好），今晚住頭城背包客棧^^（男女混房）
明天8：15出發去龜山島登401（每天只限40人，客棧幫忙申請，尋晚至覆我地可以登島）
依家準備沖涼瞓覺，goodnight
- 回應 (14)
- 引用 (0)
- 永久連結
沒有留言:
張貼留言
睇完求其實番兩隻字啦~