單車環島......最最最後幾句

話咁快完成o左單車環島快兩個月了~

踩9日, 寫遊記寫o左50幾日

冇心得但有感受

(((係係係, 我先講,,,,我絕對唔認同,,,,,"有些事, 現在不做, 以後一輩子都不會做" )))

想環島?


(1) 第一真係要有環島o既決心
(2) 第二真係要有好d o既體能, 冇都唔緊要, 有問題可以上保姆車, 不過坐得耐踩得少, 咪失o左單車環島o既意義囉?
(3) 唔知係我買o左條好o既單車褲定係我屁股好肉, 9日屁股真係痛都唔痛
(4) 除o左單車褲, 我覺得手套都好緊要(當然, 單車呀, 安全帽都超緊要啦)
(5) 想沿途慢慢欣賞風景, 唔好跟團踩, 自已搵朋友一齊踩
(6) 唔想自已扛行李, 想試下自已單車環島底線, 想好食好住, 咁一定要跟捷安特單車環島團
((((醒醒你,,,,,,,,,,如果報捷安特, 唔好慳個少少, 記住唔好住3,4人房啦, 因為真係會同陌生人瞓同一張床o架, 如果你想慳又冇乜所謂, 就當我冇講過啦~   ^^))))

((4人房仲有樣覺得唔好o既就係..........當你踩完一日單車, 最繁忙就係係排完沖涼要排洗衫, 4人房一定比2人房更繁忙,,,,如果你都係唔介意, 咁就又當我冇講過啦~ ^^))

(7) 如果你自己環島, 想攞環台證書, 絕對要記得......起點和終點都要同一地方, 詳細請上去呢度睇環台認證
(8) 想環島, 除o左捷安特, 你可能要認識蛙大蛙咖啡-單車環島贊助計劃
(9) 環島得到朋友, 得到經驗, 仲有....................

黑你幾個月o既皮膚~ 

廿歲前都仲係住躉船o既我....................基本上唔會曬甩皮o既, 唔知點解台灣個太陽咁犀利

 環島第2日開始,不受控制o既左手,,,,我懷疑係手套手指公位太緊關係, 雖然知, 但每次停下來休息都掛住食, 冇搵較剪剪大個手套口



尾指合唔埋~  其實係手指公第一節冇力, 之後連食指都冇乜力

右手冇事~

經過50幾日, 手指公康復o左9成9,  終於可以用第一節手指去gi 牙膏, 50幾日都係用第2節, 因為第一節完全冇力

雖然環島回來已經即刻去撜莫姑娘拉筋正骨, 可惜左腳膝頭哥後面o既側邊仲係痛,
不過當時唔知點講邊度唔妥, 依家發覺踎係度起身時左腳會冇力, 下星期係台灣玩完返o黎再去莫姑娘度.



跟捷安特單車環島團好食好住之外, 仲會有一件很好的記念品

 大把相~ ^^

係咪好想環島呢?? ^^ 上去捷安特睇睇啦~捷安特單車環島團資料