寫在出發前兩日~
好緊張好緊張~ 後日就出發去沖繩
機票全包只係$2152~
因為華航做特價, 但係呢班機唔係直航, 係要先去台北先~
知道舊同事同佢朋友去, 我就好想黐住佢地一齊去, 諗住3個女仔可以一齊玩~
點知舊同事個朋友唔想3個人, 如果4個人就可以~ 雖然有d R頭 (3個人同4個人有咩分別??) 但我加入在後, 緊係要尊重人地o既決定.
所以我揀來回日期一樣, 但係我只有第5日會同佢地一齊去沖繩水族館玩~ 其餘日子都係一條友~
有人問我一條友好玩嗎? ~ 好玩呀~ 一個人去玩我又覺得冇乜問題喎
18號到沖繩已經係晚上6:30, 第2日一早我就會坐內陸機去沖繩附近o既離島~石垣島玩~
呢張內陸機票一d都唔平, 來回 17, 200yen~ 呢個價係"先得割引", 因為我早於28日前訂, 就會有特價, 如果我依家至上網訂, 就要32,600yen啦, 所以記得早訂早著數~
朋友book 酒店 hk$300一晚, 已經係twins房. ~真係平
我一條友所以5晚都係住hostel, 除o左平之外, 因為我怕鬼吖嘛; hostel 人氣夠唔洗驚
新惠莊旅館~ 一個移居沖繩o既台灣人開o既, 獨立房只需要2000yen一晚, 平呀~ 如果要嘆冷氣就要額外比錢啦~ 100yen 3個鐘.
呢間就係石垣島hostel ~ 1800yen 一晚~
我以前都幾想試下個d膠囊酒店~ 今次應該可以試到啦~ 
我飛去石垣島~ 當然會再去其他小島啦~
八重山離島有8個小島
唔想走馬看花~ 所以我會去4個島~ (交通費真係貴~)
其中想去一個叫做黑島~ 島上島民大約只有200人, 但係牛牛就有3000頭啦~ 
山長水遠去到, 緊係要探下同鄉啦~
講住咁多先~
- 亞洲,
- 回應 (17)
- 引用 (0)
- 永久連結
- 玩哂4個島, 你真係好有heart! 雖然貴左d, 不過應該好relax.....
- 回覆
- 我plan緊下一站去西藏呀~~
- 回覆
- 一路順風，玩得開心Ｄ！
- 回覆
- 牛牛
- 我諗我明白妳位舊同事既朋友係點樣諗...因為佢驚3人行會冷落咗其中一個人囉...不過俾我就無咩所謂...最緊要係大家一齊玩得開心...食嘢都會好好多啦...其實一個人去旅行無咩問題...但係對我嚟講就好大問題..
- 牛牛
- 我諗我明白妳位舊同事既朋友係點樣諗...因為佢驚3人行會冷落咗其中一個人囉...不過俾我就無咩所謂...最緊要係大家一齊玩得開心...食嘢都會好好多啦...其實一個人去旅行無咩問題...但係對我嚟講就好大問題啦...因為我係一個超級路痴嚟架...係銅鑼灣地鐵內都會迷路...真係俾朋友笑咗我好耐...依家久唔久仲講番出嚟笑我架...
- 回覆
- 都係果句~~玩開心d呀
- 回覆
- 玩過開心d, 影多d相呀^^
- 回覆
- 真開心啊～
- 回覆
- 6日, 18th ~ 23rd ? 真好, 玩得開心 d, 記得帶夠 sd card
- 回覆
- 記得帶腳架仔呀! 冇人幫手替你拍時它就會大派用場. 祝你旅途愉快.
- 回覆
- D700太重!機仔都好呀,可帶支脚仔去影吓夜影都好好玩啦^^不如7月9日啦唔知其他人點呢?
- 回覆
- 一個人都有好處就是可以影多D相嘛,唔該影多D個天我喜歡藍天,還有7.1我去唔到因要同朋友影結緍相,不如改下一個星期好嗎?
- 回覆
- 改期, 冇問題呀~ 你想改7月9定係7月10號呢??
- 我都想影藍天碧海比你地睇呀， 但係我唔會帶部ｄ７００去啦， 又冇鏡又唔識影， 所以我會帶 ｇｒｄ３ ＆ ｓ９５去．
- 「沖繩水族館」 同埋 「膠囊酒店」都好想去睇吓試吓呢… << 唔想走馬看花~ 所以我會去4個島~ >> 真係醒目… 會唔會係島上住番晚、睇吓日落、滿天星星、睇日出呢
- 回覆
- 我有D驚我依家咁肥, 又有密室恐懼症, 我驚我住膠囊酒店頂唔順~ 3日兩夜離島行, 我打算住2個島, 一個係石垣島, 即係膠囊酒店, 另一個依家打算住竹富島, 但係我仲未BOOK 呀. 真係唔知點算~
- 就係因為想睇日出..
- 我有D驚我依家咁肥, 又有密室恐懼症, 我驚我住膠囊酒店頂唔順~ 3日兩夜離島行, 我打算住2個島, 一個係石垣島, 即係膠囊酒店, 另一個依家打算住竹富島, 但係我仲未BOOK 呀. 真係唔知點算~
- 就係因為想睇日出日落, 睇滿天星星, 所以要留係竹富島~
- 又去玩,真開心!
- 點解朋咁得意,3個 人一齊玩唔好咩?
- 回覆
- 因為反對個個係我舊同事個朋友, 我唔識佢, 佢唔識佢o架, 佢可能擔心如果我個舊同事掛住同我一齊, 就會冷落佢, 又或者掉番轉, 驚舊同事同佢一齊多d就會冷落我啩? 我唔會咁諗, 所以我都唔明點解3個人係唔得o既..
- 因為反對個個係我舊同事個朋友, 我唔識佢, 佢唔識佢o架, 佢可能擔心如果我個舊同事掛住同我一齊, 就會冷落佢, 又或者掉番轉, 驚舊同事同佢一齊多d就會冷落我啩? 我唔會咁諗, 所以我都唔明點解3個人係唔得o既, 不過冇所謂啦. 各有各玩~ 有時我會覺得多個人一齊行會阻住我tim, 哈哈哈. 除o左影相有人幫揸機之外(自私cow一隻 )
- 盡情遊玩 , 盡情吃 , 盡情休息 , 自己去旅行 , 各方面都要小心啲 , 影多些相回來分享吧 ! 旅程愉快
- 回覆
- 嘩.正呀.早知叫埋我啦.
- 不過消費都係好貴.我要手信.....
- 回覆
- 嗌我呀ma......
- 原來你一條友去
- 回覆
- 好羡慕妳一人喜愛做什麽去那裏都得！好自由！我支持妳呀！做人獨立一些開心些！玩得開心Ｄ！小心Ｄ呀
- 回覆
沒有留言:
張貼留言
睇完求其實番兩隻字啦~