日日開心日日曬....八重諸島
19/6~ 由沖繩那霸出發去石垣島~
去離島緊係要casual d~
最遲可以係出發前15分鐘過檢查~ 所以可以唔洗咁早到機場~
今次搭國內線, 手信店多的是呀~
嘩嘩嘩,,,,,,,,,咁樣就要5000yen,,,,,差不多500蚊港紙~ 一個芒果, 一個火龍果,
一個菠蘿,2個好似係百香果~
犀利, 一個火龍果要120幾蚊港紙~ 活係香港真幸福
3碌甜庶就要315yen
海葡萄~ 口感都幾得意
見到便利店緊係要入去買d飯團啦~
飯團一般都係呢隻三角型飯團
但係我強烈推薦呢類圓形包到實o既壽司.前兩年去名古屋時, 買o左另一隻餸, 但係一樣係超好食, 雖然比3角型個d貴少少.
呢隻係我o既早餐~ 忍唔住要即刻開o黎食~
生熟蛋 ++豬肉+kimuchi味, 有少少辣
好味道到不得了~
候機大堂~
今次旅行帶o左2部機, 一部GRD3 另外一部就係S-95, S-95主要用o黎錄影~
八重諸島位於日本南面, 有人住o既島o黎計, 波照間島屬於日本最南面, 因為遠o左d, 所以我今次冇列入行程之內
八重諸島日文發音係 YAEYAMA
我今次去石垣島, 仲有小濱島, 竹富島 & 黑島~
係飛機上見到有離島周遊券賣~ 一張用4日, 每個島可以去兩次~ 5000YEN就得啦,
真係平, 唔知點解上網冇人講o既, 可能唔係咁多人離島遊.
除o左慳船費之外, 有d觀光車收費仲有9折tim,所以我一定要買pass 啦
計一計我玩3日都慳o左620yen, 如果玩多一個島就仲慳得多啦.
依家日本內陸機全部都冇o野食啦, 機票咁貴都冇得食~
只係得酗杯咁細杯o既蘋果汁~
55分鐘就到石垣島啦! 其實由台灣去石垣島比由東京去近得多~ 所以其實日本人都未必會去玩~ 依家我香港o既上司佢就從未去過北海道 & 沖繩啦, 佢話要去都去外國玩喎~
石垣機場真係醒~ 係行李帶擺o左d石垣島手信出o黎比旅客睇~
33度~ 真係熱,,,,,,,行幾分鐘就已經汗流浹背. d汗一滴一滴咁滴落o黎, 比香港熱得多.
由機場坐20分鐘巴士去離島碼頭~
一程就要200yen啦,
所以如果行程有plan 去川平灣(著名景點) 就一定要買pass, 5日任坐 只係要1000yen, 超抵, 可惜我最初唔識, 所以我係last 一日至買, 慳得唔多.
巴士總站就係離島碼頭幾分鐘路程.
呢個就係離島碼頭~
記得攞d書仔睇~ 有你著數o架~
即刻買張pass先~
買pass仲有星星砂送~
雖然有張pass, 但係都要每次去counter 話比佢知你要去邊個島, 佢就會再出張船票比你~
坐10:30 o既船~
去日本玩無論搭船定係搭車, 一定要留意時間表, 我就送o左幾次船尾 & 巴士尾啦.
等船去小濱島時四圍行下
呢d咁得意o既公仔叫做shi-sa-
石垣島與各地o既距離~
沖繩o既喊味雪糕, 都幾好味~
夠鐘落船啦~
超快~ 向小濱島出發~
小濱島好細咋, 不過近近地咪去睇下囉~
係咁易搽下~ 咁多日只係搽o左一次咁大把~ 所以我今次真係曬到膿返o黎~
25分鐘就到小濱島~
依家諗番我應該join local tour遊島一周就ok, 不過當日我走o左去租單車~
我係呢間租單車, 300yen一個鐘~ 手提行李放係佢地間舖
玩完至比錢, 佢會比張地圖你去遊~
我架私家車~
好天到暈~ 但都熱到暈~
http://youtu.be/z65qhtk_nkw
踩到呢度已經流o左唔少汗~
呢d棍可以任借, 但記得要放番好喎~
呢度就係大岳,,,,,,,,,踩到我死下死下, 仲要行一段樓梯至到, 係全島最高o既地方~ 可以睇下四周
真係好熱好曬~
因為有一班1點幾o既船由小濱直去竹富島, (如果唔係就要坐返去石垣島再去竹富島)
所以我只係停留o左 唔夠3個鐘就走人,
實在太熱, 而且小濱島又多斜路, 真係踩到我暈~
呢罐o野有4%酒精, 飲到我暈陀陀~
日本d細路仔真係好可愛
又要去counter 攞船飛~
今晚打算住係竹富島~ 不過我未book 民宿o既~ 唔知會唔會冇房呢??
聽日再寫~!
- 亞洲,
- 回應 (20)
- 引用 (0)
- 永久連結
- <<係咁易搽下~ 咁多日只係搽o左一次咁大把~ 所以我今次真係曬到膿返o黎~ >> 唔怪得妳返 lai 晒到 "lone" 咗. << 我架私家車~>> 有單車租踩個圈又幾好喎. <<好天到暈~ 但都熱到暈~>> 無風咩, 海洋通常有風吹..
- <<係咁易搽下~ 咁多日只係搽o左一次咁大把~ 所以我今次真係曬到膿返o黎~ >> 唔怪得妳返 lai 晒到 "lone" 咗. << 我架私家車~>> 有單車租踩個圈又幾好喎. <<好天到暈~ 但都熱到暈~>> 無風咩, 海洋通常有風吹吓 嘩! 個海好靚呀
- 回覆
- 有風都死, 個太陽好似係你左近咁...........真係好猛好猛o既沖繩太陽 只係行平路就好似係香港上山下海咁, d汗不停流.......所以都唔想搽太陽油啦. 依家對腳仲係甩緊皮, 甩極都有, 真係懷疑係咪牛皮o黎o既,
- 咦, 妳買咗佢咩
- 回覆
- 天氣好好啊...... 我地24/6時石垣打大風.......飛機同船都停駛, 部份島仲停埋電......
- 回覆
- e..我見你搭華航, 你有沒有研究過係台灣直飛石垣島唔駛飛番回頭機呢? 我地之前都有諗去石垣島, 但一諗起係香港要先飛那霸再飛石垣搭回頭機就打消念頭了.....
- 回覆
- 今次因為有特價機票, 所以仆到去買, 都冇詳細計劃 又唔知張機票其實係可唔可以停留耐d係台灣, 下次我都想由台灣去石垣島玩~ o岩o岩check o左大榮, 台灣來回石垣要7800蚊台幣呀. 都唔平呢~ 今次我買內陸機早2..
- 今次因為有特價機票, 所以仆到去買, 都冇詳細計劃 又唔知張機票其實係可唔可以停留耐d係台灣, 下次我都想由台灣去石垣島玩~ o岩o岩check o左大榮, 台灣來回石垣要7800蚊台幣呀. 都唔平呢~ 今次我買內陸機早28日前訂就17200yen~
- 哦! 咁得意, 街名裝在地上.
- 回覆
- 係熱d, 但天氣好最緊要.. 你識日文去呢d 地方玩方便好多, 相信想搵d 旅遊書介紹下都難...
- 回覆
- 好得意~~~~
- 回覆
- 陽光普照，牛鬼蛇神通通行埋一邊！
- 回覆
- 牛牛
- 環境真係好舒服喎...識得日文真係好多著數喎...妳教完我哋...到去既時候都唔記得咗啦
- 回覆
- 個島好正 wor
- 回覆
- 真係好貴
- 回覆
- 好正呀！妳一人去踏單車遊島，好勁呀！
- 回覆
- 好miss日本呀
- 回覆
- 我好耐無去過旅行啦, 羡慕呀!
- 回覆
- D 野真係貴過okinawa 喎, 上次我都有買生果haha...返香港, 雖然貴d 但好味d haha
- 個景好靚....
- 回覆
- 藍天白雲,風景好靚.
- 你曬到成舊朱古力咁!
- 回覆
- << 有離島周遊券賣~ 一張用4日, 每個島可以去兩次~ 5000YEN就得啦, >> 好抵喎、你啲資料好有用呀 係晒少少、咁好天、咁好環境、冇所為喇
- 回覆
- 睇見又想咬番啖
- 回覆
- 如果我識日文，我都會去日本自遊行呀。
- 回覆
- 風景真係正斗，不枉此行啊！
- 回覆
沒有留言:
張貼留言
睇完求其實番兩隻字啦~