第六日. 京葉線.新浦安~太感動啦~喊o左出o黎~
2008年6月24日 星期二 東京 天晴呀~
尋晚落好密雨o架....
尋晚落好密雨o架....
今朝8點就起o左身, 但係掛住同個新架坡人傾計.所以遲o左出門. 又預唔到等車時間,卒之憎人遲到o既我. 今次輪到我遲o左20分鐘. 小松小姐已經係麵包舖門口等緊我.
學校係我畢業2~3年後摺埋o左. 依家成為牙醫診所. 小松小姐帶o左我入去參觀參觀.
依家樓上都裝修埋.
間學校其實好試正, d老師都好好.小松小姐同第一晚食飯o既彬山老師,一年起碼有一次,連同其他老師會約埋一齊食飯o架.
小松小姐以前係校務處做o既職員. 呢張相係隔離專門學校影o既.
之後小松小姐車我返去車站. 我再打電話去搵山田先生. 佢有d擔心我唔識路,想o黎接我,我知道佢忙,當然唔洗啦. 自己搵唔到條路至算. 不過我行到半路已經見到佢.
一見到佢我就不停咁笑.....佢以前好鍾意同我地D part-time玩.
見到佢間新店,真係嚇o左一跳,成間super 咁. 以前舊個間. 好似木屋搭出o黎,
相差實在太大啦.
以前係舊店, 佢老豆係社長, 我就叫佢就做店長さん. 依家佢都係社長啦.
我同佢係同年o架.....今次見佢成熟o左好多呢.
間新店5月23號至開.所以佢話呢排超忙喎
マインド英文係 mind 喎. 所以個logo 係個心.
跟住佢就車我去舊店....
舊店, 我以前就係係外面包菜呀~
同埋執貨呢. 右手邊個個就係社長啦.....因為糖尿病,所以比以前瘦幾多.
店長帶我去見去亞媽....佢亞媽一見到我就好高興,因為佢個仔冇講清楚會有個咩人o黎探佢地.所以佢亞媽一見我就話:なんだ, りょうさんちゃんか？ 老闆娘居然認得16年前o既我.記得我叫咩名.仲記得我亞媽o黎探過我呢..老闆娘仲話, 呀~我以為以後都唔會再見到你呢........個一剎那,唔知點解知道老闆娘記得我之後.d眼淚就係咁流出o黎. 老闆娘真係好錫我o架,當時............每次收工o既時候,老闆娘都會醒我呢樣,醒我個樣. （緊係食得個d啦
）佢地後來比我o既時薪係比一般日本人part-time為高. 今次老閭娘都提起我去日本之前係係銀行做. 所以後期收舖後. 改為幫佢地入數.佢真係好記性.
）佢地後來比我o既時薪係比一般日本人part-time為高. 今次老閭娘都提起我去日本之前係係銀行做. 所以後期收舖後. 改為幫佢地入數.佢真係好記性.
睇下.老闆娘仲開心過我..............o岩o岩喊完又笑o既我.
講真.今次日本之旅,雖然冇乜特別去d咩地方. 但今次真係好充實,好滿足.......好開心.
臨走,老闆娘仲醒o左3盒柑 + 2盒車厘子.叫我帶番香港比亞媽食呀.....收到.明白
點辛苦都要帶番香港~.......嘩 總共5盒.
做乜日本d柑貴到咁呀???? 525yen??? 4個~~~~~~~~
之後就行2分鐘去我以前住o既宿舍睇睇. 完全冇變.
跟住再行o左30分鐘返去新浦安站
個度有問叫做daiei o既百貨公司. 16年前我唔捨得買米,我都要去daiei 買d唔等洗o既o野.今次去到,緊係要買o野啦.個度d o野好平o架.
呢間super, 我地呢d窮書生,耐不耐就會入去補充營養~哈哈 ~~~入去試食....
今次買o左6件t-shirt + 1條圍裙. 全部都係980yen一件, 男士t-shirt仲平 480yen,不過我冇買.
之後就拜拜新浦安呢個可愛o既地方啦....
再去尋埋第二年住o既地方. 有樂町線o既豐州站
寫住燒肉o既地方,應該係我第二年打工o既韓國燒肉店,不過已經唔同名.
已經係15年前住過o既地方, 周圍變化好大. 我靠少少記憶去搵, 行o左都好一段時間.有d想放棄o既時候, 就比我認到呢個,我曾經遇過變態佬o既電話亭.所以當時已經清楚知道點行.
難得冇變. 15年前當時好彩, 舊同學台灣人,佢識一個台灣女子. 佢只需我地比10萬yen一個月, 就租o左一間 3LDK o既屋比我地4個學生住. 即係有3間房,有廳,有廚房.
最記得為o左慳錢, 我地其中3個香港人. 由池袋來回7次搬行李. 好彩唔洗轉車咋.搬到氣都咳. 唔知點解當時咁好手骨力o既.
睇完都攰到嘔, 返一返hostel就又再出去行新宿. last day 嘛...不過都係冇買o野.
只係食o左餐晚飯.
都話唔好行差踏錯. 衰一次就會繼續衰落去....今餐係 天婦羅定食.......隻蝦比上次大少少.嘻嘻.
然後試搭新開o既 副都心線. d車好新.都幾多人搭
返到池袋係 big camera買o左隻錶比自己. 13000幾yen.正嗎??
聽日去邊, 本來想去築地食刺身.不過同房個新架坡人叫我帶埋佢去食.但唔好去築地喎.所以我估我地都係係池袋遊盪. 我聽日要3:30到機場. 坐6:30o既西北機返香港.
聽講話香港8號風球呀?? 我唔係咁黑仔呀嘛??? 不過我估聽晚都應該ok啦.
o黎日本6日就攪成咁.....呵呵.....第屎...........又係左手呀~ 唔知斬o左隻左手之後. 呢d敏感紅點會生去邊呢.......嘻嘻
- 旅遊,
- 回應 (12)
- 引用 (0)
- 永久連結
- Lau
- Lau
- 2008年7月2日下午2:03
- 你返去哩個地方 , 一定帶比你好多回憶 !
- 見返個以前對你咁好o既人 ( 老闆娘 ) 比我都開心都喊 !
- 日本人有 D 真係好好 ...... 有 D就 ...... 唔講啦 ! 我打緊份日本工 !
- 回覆
- cowcow
- cowcow
- 2008年7月2日下午2:15
- 係呀~ 真係好多回憶呢..........
- 呵呵. 有d真係x到貼地...哈哈
- Yahoo! 用戶
- Yahoo! 用戶
- 2008年6月30日下午4:08
- COWCOWさん、昔の懐かしい人達に会えて良かったねぇ～。
- 湿疹が出てるみたいですが、何か食べた物が悪かったのかな？
- 東京の地図は私よりCOWCOWさんの方が詳しいよ！
- 回覆
- cowcow
- cowcow
- 2008年6月30日下午9:49
- modyさん こんにちは～ 今回の旅は本当によかったんです
- 睡眠不足のせいかもしれないです。でもね、今回は半年ぶり、海老２匹食べました。ひっひっひ、そのせいかもしれないです。
- 私方向音痴ですよ、だか..
- modyさん こんにちは～ 今回の旅は本当によかったんです
- 睡眠不足のせいかもしれないです。でもね、今回は半年ぶり、海老２匹食べました。ひっひっひ、そのせいかもしれないです。
- 私方向音痴ですよ、だから香港の地図さえわからへんです。
- 甜呀
- 甜呀
- 2008年6月27日上午12:15
- 咁多美食又點忍到口，又冇人會阻止喎~ 返o黎就乖乖地介口喇~~(其實呢句都係講埋俾自己知姐)
- 回覆
- cowcow
- cowcow
- 2008年6月27日上午12:19
- 唔係呀. 其實3個日本人都制止我食o架. 不過我唔聽話之麻....今日飲茶又食蝦餃.
- Lucia Ko
- Lucia Ko
- 2008年6月26日下午1:14
- 嘩....真係好感動呀, 比我都會喊呀, 見到你咁開心, e個日本之旅, 一定係好好
- 回覆
- cowcow
- cowcow
- 2008年6月26日下午8:04
- 一個非常充實,非常有意義o既日本之旅.....
- 你係咪聽日向日本出發呀???
- ade
- ade
- 2008年6月25日下午11:16
- 佢地對你真係好好呀. .. 登你開心
- 回覆
- cowcow
- cowcow
- 2008年6月26日上午1:57
- 係呀~真係好好o架.
- Yahoo! 用戶
- Yahoo! 用戶
- 2008年6月25日下午10:21
- Sorry 我冇 MSN E樣野 玩唔到
- 回覆
- ivetuenmun
- ivetuenmun
- 2008年6月25日下午8:42
- 你真係勁, N年前嘅地方都仲記得.
- 回覆
- cowcow
- cowcow
- 2008年6月26日上午1:55
- 過獎過獎~ 不過個兩年真係太深刻印象啦....而且通常上o左年記o既人, 想當年係特別叻o架..哈哈.
- Henry L
- Henry L
- 2008年6月25日下午12:51
- 仲賢好高興係呢度遇見你!有空在msn那裡傾吓計。
- 回覆
- Yahoo! 用戶
- Yahoo! 用戶
- 2008年6月25日上午10:15
- 哇 d野好正咁喎 唔知有冇手信~~~~~~~~~~~~~~~~~~~~~~~~~~~~~~
- hehehehehe 太多野啦 冇一兩樣刀唔得啦~~~~~~
- 回覆
- Henry L
- Henry L
- 2008年6月25日上午9:30
- 你間學校真係唔差喎!住處外貌都好好，我仲以為環境唔係咁好!間學校是不是我老友介紹? 比著我係你見番以前的恩人我都會感動到流淚架!
- 回覆
- cowcow
- cowcow
- 2008年6月26日上午1:53
- 係呀~ 係佢介紹呢間正正學校o架.
- 係呢.....當時真係好感動,就算當時好多顧客望住我....我都冇理佢地照喊.....嘻嘻. 喊包.
- 你死啦 發到o甘!有排醫!
- 回覆
- 睇到最後一段....我都有d眼濕濕呀! 16年, 真係一段好長o既時間, 居然仲禁記得你, 當然會感動流淚啦!!
- 回覆
沒有留言:
張貼留言
睇完求其實番兩隻字啦~