第七日~ 築地~太好味啦~!
2008年6月25日 星期二 東京 天晴
10點鐘check out 同新架坡妹本來打算係池袋搵早餐食. 不過見佢都冇乜好提議,我緊係想去我好想去o既築地啦~ yoshi~
去到之後,新架坡妹話有一檔食拉麵好正, 好多人排隊,我唔識,緊係要聽佢講啦.
就係呢間"井上", 超多日本人排隊食. 都係賣一種义燒麵o者. 650yen一碗.
坡妹問我介唔介意2個人食一碗. 我話唔介意. 佢又問我我個病會唔會傳染, 我話緊係唔會啦.嘻嘻. 我都未試過真係兩個人,你一啖我一啖咁食.....我地只係見o左唔夠3個鐘. 呵呵....Yeah~
坦白講, 好普通o者. 唔洗排咁耐隊食呀嘛~?? d 湯唔夠熱~ d义燒唔係咁肥美. 又唔係咁"林" . 我覺得最好味係d.....................蔥
因為我食o左2塊义燒+1/3麵, 其他坡妹食晒........佢超飽. 所以我地唔可以即刻去食壽司. 係築地行o黎行去. 買下d手信咁. 又搵下邊間壽司店正. 所以行下行下都成個鐘. 坡妹想食大toro, 我就想食甜蝦 & 海膽. 要搵一間符合我地兩個o既要求o既,都唔係咁易. 所以我地兩個決定分開食我地所愛....呵呵......卒之都係行番去井上拉麵隔離個間刺身丼店度食.都係好多人排隊o架.
太多款式比我揀. 但係甜蝦又痴住d大魚子.大魚子唔係我o既"飛化" 所以放棄甜蝦.
後來係個餐牌到見到........
うに丼---->海膽丼 2000円一碗. 嘩~正!!!
即刻落order.
賣相雖然有點兒那個, 但呢碗飯真係正到難以形容............
D海膽新鮮到暈. 真係唔捨得大啖大啖咁食.驚好快食晒..............所以我係超斯文,逐d逐d, 幾乎係10粒飯食一啖咁滯呀...............超好味.有d後悔唔食多一碗.不過有時做人都係有少少遺憾會好d.......咁就留番dd遺憾下次再去補救啦.嘻嘻.
食飽飽就返去hostel 攞番d行李搭narita express
臨尾同新架坡妹影番張合照.
樣靚身材正~! 佢做婚姻輔導o架.....緊係有同我講番兩句啦.
噢~ 去搭車
臨上車前買o左d栗子食. 525yen 有8粒左右. 原來好好食o架.
價值成10蚊雞一個o既柑, 真係唔知佢點解咁值錢.....嘻嘻.
4:30到機場就去check in. . 話時話去o左咁多次日本. 真係未試過唔超重,唔hand carry到隻狗咁. 但係今次因為個o急要放水果. 所以唔可以質咁多o野入o急.唔可以買咁多無謂o野.....卒之個o急上磅. 居然只係得17.5kgs...................自己都嚇o左一跳.
所以入o左禁區,買o左9本蠟筆小新o既漫畫.個陣時去日本讀日文. 有同學話睇小新係學日文o既最好教材. 哈哈.
18:15 o既西北機.
臨上機前係麥當當買o左個"蝦漢堡" 呵呵. 正. 不過食完呢個飽,個身就由頭痕到落腳咁滯. 之前食2次蝦, 都冇痕.
因為香港打風關係, 所以遲o左成個鐘至起飛(本來係6:30).好彩食o左個蝦漢堡.....
呢個雞飯飛機餐都唔錯o架. 乜鬼都比我食晒. ^_^
返到屋企已經00:30 lu........
152,467yen 用剩 10,366yen, 冇碌咭.
呢個日本之旅真係超.................正正正正正呀~!!!!
- 旅遊,
- 回應 (5)
- 引用 (0)
- 永久連結
- 里個旅程真係好令人感動
- 見番多年前既朋友
- 真好
- 回覆
- 我8月去る、一定要去築地食食食、流晒口水添
- 回覆
- 你想死呀~~ 食咁多蝦
- 回覆
- 個海膽丼真係睇到我都流口水呀! 2000円真係抵到爛呀!!!!! 我真係好羨慕你呢個旅行呀, 好充實, 好FREE, 真係好正呀!!
- 回覆
- 我一口氣睇哂你的日本之旅喇~~你真係玩得好開心啦~~個海膽飯我愛死了了了了~~~
- 回覆
沒有留言:
張貼留言
睇完求其實番兩隻字啦~