黃山之旅 (四) byebye~
2008年9月9日上午2:02
2008年9月2日 黃山之旅 第四日 落黃山 去宏村 返屯溪
離開賓館向始信峰出發~ 同黃山特產~ 連心鎖影番張相先~
仲有鄧伯伯, 冇乜幾可
夢筆生花
筆架峰
仲未食早餐~ 10蚊3條腸仔~ 3日我食o左8條.
哈!好明顯我係比3日前肥o既.
麻雀腳陳氏大伯娘睇到我呢張相. 笑住問我: 你拿住條青瓜做乜Q呀??
緊係食啦~!傻婆 10蚊3條又平又健康o既青瓜, 買一條4蚊, 茶葉蛋10蚊3隻.
連理松, 一條樹幹中途分開2條.
第一次感受到大陸同志團o既威力.
終於走晒lu. 慢慢擺pose 影.
好大一棵黑虎松
我地今次搭新索道下山.(尋日行完西海大峽谷, 小腿勁痛)
勁冇人, Smile提議一個人搭一架纜車, 真係諗都未諗過.
睇風景之餘, 玩自拍.
落o左黃山山腳, 包架的士準備去宏村.
總結係黃山山上o既3日2夜, 我同Smile都覺得我地係超標完成.
由未出發前, Smile多次講自己已經冇以前咁行得.
到依家行晒所有想去o既地方.都算係咁. 因為我地真係冇乜準備去黃山.
對我o黎講,較難忘係天都峰o既鯽魚背, 仲有玉屏樓晚上o既滿天繁星.
當然仲有西海大峽谷被群山包圍, 由山頂回望谷底o既恐懼,唔知行到幾時o既無助,
都係令我難忘o既. 已經唔後生, 又冇做開運動o既我.都算係咁啦.
(我其實想去埋飛來石, 但見Smile都幾辛苦, 所以留番少少遺憾下次有藉口再去黃山吧~!)
仲有樣遺憾就係我唔能夠放低幾磅肉係黃山, 反而帶o左唔少肉返香港.^_^
- 旅遊,
- 回應 (8)
- 引用 (0)
- 永久連結
- 可以行到咁多地方好叻嫁喇~~
- 回覆
- 我好同意你講呀....漫天星星&晚覆....正~~
- 其實天都舊路你都好應該去行一次架....我就要去西海狹谷了~~
- 回覆
- 哈哈, 我諗起都驚驚呀~ 如果行舊路上玉屏樓就可以, 但行幾個鐘舊路再經天都峰落番o黎玉屏樓...........我肯定死緊, 你仲後生, 仲可以去多次, 行下西海大峽谷, 我就........呵呵呵 冬天去睇下雪景影下..
- 哈哈, 我諗起都驚驚呀~ 如果行舊路上玉屏樓就可以, 但行幾個鐘舊路再經天都峰落番o黎玉屏樓...........我肯定死緊, 你仲後生, 仲可以去多次, 行下西海大峽谷, 我就........呵呵呵 冬天去睇下雪景影下相, 都應該捱得住掛.hahaha.
- Yahoo! 用戶
- Yahoo! 用戶
- 2008年9月9日下午9:27
- 去一次黃山.......真係畢生難忘!!!!
- 回覆
- 梗係冇啦, 都老夫老妻o洛, 仲咁浪漫刻名?
- 係呀, 呢兩年因為個病quit o左份工, 所以有好多時間去旅行, 去過張家界, 西安, 麗江(包埋大理同香格里拉)同埋上個月去的九寨溝, 四-五年o既旅行quota俾我兩年用晒..
- 梗係冇啦, 都老夫老妻o洛, 仲咁浪漫刻名?
- 係呀, 呢兩年因為個病quit o左份工, 所以有好多時間去旅行, 去過張家界, 西安, 麗江(包埋大理同香格里拉)同埋上個月去的九寨溝, 四-五年o既旅行quota俾我兩年用晒, 兼去到冇晒錢, 所以o黎緊都唔使諗旅行囉
- 張家界睇大自然懸崖峭壁, 麗江睇古城風貌, 都係好靚, 好值得去.
- 回覆
- 老夫老妻都可以o架. 誰說不可以. 再唔係整把合家平安鎖都得o架.
- 今次朋友都有提"張家界" , 都話聽講好靚. 但好似冇得自由行. 聽你咁講, 可能又要plan plan佢. 反正唔洗請咁多假就得.
- 係呢. 我以前都..
- 老夫老妻都可以o架. 誰說不可以. 再唔係整把合家平安鎖都得o架.
- 今次朋友都有提"張家界" , 都話聽講好靚. 但好似冇得自由行. 聽你咁講, 可能又要plan plan佢. 反正唔洗請咁多假就得.
- 係呢. 我以前都係去台灣入下貨探下朋友o既. 唔知點解病o左之後就好想去玩. (又可能因為離o左婚都未定o既) 今年真係去得又夠多. 但都仲唔想定落o黎.
- 嘩勁, 一人搭一架纜車, 不過我有畏高症, 肯定唔敢自己搭一架.
- 我o個時都有同把大鎖影相呀 , 話時話, 大陸好興o係旅遊景點整"連心鎖"呢樣野, 除o左黃山外, 張家界, 華山, 甚至麗江都有, d賣鎖o既小販都幾好生意.
- 回覆
- 你對腳現在什麽感覺？？
- 回覆
- ivetuenmun
- ivetuenmun
- 2008年9月9日上午11:17
- 好大把鎖呀.
- 回覆
- 哇！樹都有“胸圍”，仲2.25米。。。。 勁！！
- 回覆
沒有留言:
張貼留言
睇完求其實番兩隻字啦~