黃山之旅(三) 去北海
黃山之旅 (第三日) 2008年9月1日
尋晚住得豪但食得差, 帶o左3個杯麵上山, 所以尋晚吃杯麵 + 乾糧麵包.
不過忍唔住買o左隻真空超乾雞脾 + 茶干食
尋晚外面好鬼凍, 好彩賓館每間房一早就放o左2件大碼羽絨,
我地夜晚晚著件羽絨行出賓館廣場睇星星, 好耐都冇見過咁多星星.
又近又多, 好想摘粒星星落o黎 ^_^
今日節目係晨早睇日出, 跟住執包袱移動去北海賓館 + 西海大峽谷
賓館每日下午4點多就會出顯示聽日日出o既時間. 今日日出時間係5:44,
所以我地5點10分出賓館睇日出.
睇完日出就執o野走人, 問賓館服務員,
知道由玉屏峰行去北海要2個半小時左右.所以我地要儘快
GoGoGo~!
先同棵"送客松"講聲bye bye
呢舊叫做"手機石" 似唔似?? 唔知幾時開始叫做手機石??
要經過蓮花亭去天海, 再去北海
沿途都唔係好辛苦, 唔知點解天晴, 但又唔多覺有太陽曬住.
途中見到馬騮大哥, 幾驚佢飛撲過o黎.
行唔郁可以請人抬. 收費睇下圖.
真係唔平o架. 佢地抬得好鬼快o架.
Smile好努力行緊"百步雲梯"
經過一段路程, 就快到山上.
我選擇行一線天上, smile就行另一邊,
呢條路又直又濕又長,
行到我索晒氣
終於上到山上, 遙望遠處o既"光明頂" (圓波波個邊)
我地要先去到光明頂至去到北海賓館.死未?? 當時睇見都擔心唔知行到幾時.
行o左大約35分鐘, 終於到光明頂lu~
絕對比想像中快!
呢個圓形物體建築物係"黃山氣象站"
仲有一段路至去到北海賓館
沿途見到不少挑夫抬o野, 睇見佢地就辛苦.
行o左大約一個鐘至到達北海賓館, 不過最終我地冇住到北海賓館,因為話說我訂房時係700人仔一晚, 但去到, 佢又話我地揸回鄉証, 所以係要800人仔, 我就算同汪生求救都冇用, 但我覺得800人仔住一晚實在太貴, 所以我地去o左隔離間獅林賓館問上下床位, 因為walkin關係, 所以比正常貴o左少少, RMB200一個人, 我地即時殺. 放低行李就準備向"西海大峽谷"出發!!
(講服務, 絕對係獅林賓館比北海賓館好)
(最終我地用由7:45玉屏樓出發~ 10:30分到達北海)
上面呢個飯盒好攪o野,我第一次見. 內有白飯一盒, 一包水, 一包化學o野,一盒餸. 打開蓋撕開包水倒入橙色盒, 再放入化學包, 佢就會產生熱力. 等15分鐘就食得. 熱辣辣, 味道都唔差. 但要35蚊人仔. 我地兩個人食一盒飯就出發.
又要gogogo!!!
西海大峽谷, 我地o黎啦.
- 旅遊,
- 回應 (5)
- 引用 (0)
- 永久連結
- 果樹d洗費都唔平喎~~
- 回覆
- 當地好像天氣一般, 有foggy 嗎?
- 回覆
- 後山上，前山落，會冇咁辛苦呀．都唔知我到時有冇雲海睇
- 回覆
- 我睇資料都係咁講, 但我又覺得先苦後甜比較好D喎. 第一晚住係玉屏樓, 係前山一上行一段路就到, 先放低行李, 然後行天都峰, 一D都唔覺得攰. (你會搭索道定係行路上山呀??)我都係建議搭索道上山. 留番D力行"西..
- 我睇資料都係咁講, 但我又覺得先苦後甜比較好D喎. 第一晚住係玉屏樓, 係前山一上行一段路就到, 先放低行李, 然後行天都峰, 一D都唔覺得攰. (你會搭索道定係行路上山呀??)我都係建議搭索道上山. 留番D力行"西海大峽谷"會好D. 記得帶碌竹, 我就懶醒, 行西海以為行平路多, 冇帶支竹, 當日行唔覺得有問題, 第二日就小腿痛到嘔.
- 我希望你會見到雲海, 然後影多D相返o黎比我地睇. 最好有video睇就正正正.
- 黃山真係上帝偉大創造傑作之一! "我立大地根基的時候，你在那裡呢? ....." 上帝 (約伯記三十八:4)
- 回覆
- Hi.....終於返歸， D 相好靚，我依家年紀及心態，唔可以克服黃山之旅，佩服、佩服
- 回覆
沒有留言:
張貼留言
睇完求其實番兩隻字啦~