人到中年, 唔玩等幾時?? ^^: 黃山之旅 (五) 花山謎窟

黃山之旅 (五) 花山謎窟

2008年9月10日上午12:28

2008年9月3日黃山之旅第五天

"花山謎窟"---->返廣州---->返香港

瞓到夠至起身, 但我都係驚驚地, 所以成晚唔多瞓得好.

Smile 5點幾6點起o左身,打開窗見到有日出. 咁o岩我又醒一醒,

所以起身影o左幾張相. 其實花溪賓館位置真係唔係差,

唔明點解老闆唔裝修下. 一定會有好多人住.

大堂夠晒大. 但冇人, 驚驚.

尋晚唔記得影, 依家張床亂o左d.

窗外望出景觀(我地住9樓)

又去老街搵o野食.

床位好似係40蚊一晚

嗅桂魚, smile話黃山有名喎, 所以68蚊咁貴都要試下食

呢d就係毛豆腐(未煮之前)

煮好口感似腐乳.

之前見到d大陸同志一人飲一支, 覺得佢地好勁,

原來d啤酒酒精成份只有2.8%, 好似飲有氣o既水咁.

食緊西藥唔飲得酒o既我. 冇理由smile自己一個人飲o既,

所以陪佢飲o左一小杯. 真係好淡.但夠凍, 所以都好好味.

食飽就去"花山迷窟"

約o左架的士由屯溪去花山謎窟, 睇完去機場, 收費60蚊

入場費70蚊, 超貴. 因為只係睇2個山洞(2號 & 35號洞), 上面講o既o野完全係雷聲大, 雨點小, 如果再睇多一個洞 (24號洞) 係要另外加35蚊坐船仔去睇.

本身d石係冇顏色, 只係d燈光打o左上去

牆上o既整齊紋理係一個謎.

想詳細d睇資料, 可以到下面網址睇.

第24號洞要加35蚊坐船仔入去睇. 以為好大, 其實入去轉過彎係細洞口出番o黎

我地要彎低要至過到. 如果唔係實撞穿頭.

總括o黎講, 花山謎窟可以一遊, 如果入場費係30蚊o既話, 依家105蚊實在太貴啦.

你好呀, 我睇晒你黃山之旅既卜, 好吸引呀. 我計劃緊十月中去黃山遊, 想請教下 : 1) 5日4夜既住宿, 第2 同第3晚住山上不同酒店, 是否要預先 booking ? 2) 第1晚同第4晚是否相同酒店? 上山和下山地點照理不一..
你好呀, 我睇晒你黃山之旅既卜, 好吸引呀. 我計劃緊十月中去黃山遊, 想請教下 : 1) 5日4夜既住宿, 第2 同第3晚住山上不同酒店, 是否要預先 booking ? 2) 第1晚同第4晚是否相同酒店? 上山和下山地點照理不一, 如何寄存多餘行李在山下 ? 謝謝 !!
回覆

hi 你好.
一定要預先BOOK好山上的酒店. 另外佢地有分外賓價.(揸回鄉証) 所以要問清楚. 你地由前山上定後山上呀??
如果第一晚同第四晚係同一間酒店, 你地第二日會早起身再坐車去黃山腳, 而我地就係唔同酒..
hi 你好.
一定要預先BOOK好山上的酒店. 另外佢地有分外賓價.(揸回鄉証) 所以要問清楚. 你地由前山上定後山上呀??
如果第一晚同第四晚係同一間酒店, 你地第二日會早起身再坐車去黃山腳, 而我地就係唔同酒店. 第一晚去到黃山就坐車去黃山腳, 行高速, 人民幣150蚊. 所以我地行李寄存係第一晚O既酒店, 第2 日上山方便D, 然後上黃山. 其實第1晚同第4晚住同一酒店都OK O既. 我地就係第4日落山時返山腳取行李. 放番晒D衫入o急至再上路.