唔信邪~

今次嚟日本踩單車，帶咗呢兩樣嘢！

綠色爪爪係按摩腳用，另一樣係龍母媽張護身符
講番尋晚發生係溫泉旅館房的一件事
我係呢個團係排一號，所以每次派房都幾乎係第一間房，即係所謂走廊盡頭個間啦
自從早兩年去咗新疆旅行比高人點醒之後，我已經冇咁怕鬼(呢3晚同房去o左隔離房吹水, 得番我一個都唔係太驚)
話說尋晚好忙，又浸溫泉又買龍貓和手信, 執行李, 攪到12點幾至瞓，瞓之前我地就熄咗個暖氣機準備瞓啦（乜都冇著，窗又冇開), 點知另一部冷氣機就發出d 吱吱聲，戴咗耳塞都嘈(我瞓係冷氣底個位置)，唔係辦法啊，同房又鍾意熄晒所有燈至瞓，我地間房又超大，同房一撻落床就會變豬，剩番我瞓唔著點算啊？
迫於無奈call人上嚟睇，一早諗到一定話係風聲，（同房都係咁講）但我唔信囉，我地一準備瞓就嘈，之前又唔見嘈？暖風機同冷氣機又唔同，成晚都落雨，要嘈一早就嘈啦，係要我地瞓至嘈？
同日本人傾傾下d吱吱聲就停咗啦(冇攪過o野啊)
日本人離開之後我和同房講：趁冇聲快d瞓
瞓上床都唔夠半分鐘，又有吱吱聲啦
個一剎那真係火都嚟😡明玩嘢啦
即刻爬起身係銀包攞龍母媽護身符出嚟，真係唔到你唔諗衰嘢，吱多兩聲冇晒聲，由火都嚟就變到好驚啦，唔係真係個味嘢呀嘛⋯⋯卒之驚到2點幾至瞓得著（其實攰到瞓著咗）

當時我緊係冇同同房講啦, 第2日夜晚至講番呢單o野, 同房都覺得我起完身之後冇晒聲覺得奇,,,,

我講完佢有d驚驚, 但我知同房叻女好大膽o既~

住咁多晚, 係呢晚有o野o者, 其他晚晚都瞓得好舒服啊