第3天 道後溫泉

今日好早7點就去食早餐, 超級豐富,景觀又靚

尋晚買o左包牛蒡未食, 當然要食o左先~

之前去日本都係住東橫inn 之類,,,,所以見到呢度d早餐真係精神為之一震~

食住呢d先~ ^^

超like 納豆~ 

 
 食飽當然要上番房放低幾兩   ^^                      今治酒店d設計有d怪怪~ 出o左電梯要行上一層

    亞SIR 再講下今日行程~ 今日係..........天陰有雨~

好彩早幾年去台灣登山買晒裝備, 落雨點少得一件gore-tex 外套~ 唔係大雨著住o黎踩單車都唔錯,防風檔雨唔焗身~

8:53 am

踩o左冇一粒鐘, 第一站去o左一間毛巾店買o野~ ^^
9:35 am

四國的金治市原來係日本國內最大的毛巾產地~ 確實好正, 但我個行李箱根本就冇位, 點敢買.................得多呀??

                                   雖然我唔係日本人, 但我買o左呢條巾~! 

因為92年係日本學日文時, 和書友仔一齊爬過3776米的富士山 ^^ 其實好想爬多一次

                                                呢條瀨戶內海

     買飽又再出發~   9:12 am

 再踩o左90分左右~ 11:37am 到達今日食午飯的飯店~

   團友講解點食呢碗烏冬~ ^^  好可愛~

唔錯呀~

                                          點滴是生命的會長^^祝茶~

食到好飽時, 以為已經吃完, 原來仲有一碗唔記得係咩魚的魚飯, 又幾好味的~

係屋企執行李時, 求其攞o左套電線用的的黏貼帶~ 諗住可以咁用.......又真係用得著~ 哈哈,
束緊褲腳可以安全踩單車~

下午出發~  大隻仔不愧係大隻仔~ ^^ 舉車冇難度

                                       我當然係企定定啦~ :P

今日路程短, 只係踩51公里左右, 所以可以好輕鬆

有團友架車爆o太, 大隊要係安全位停一停等埋佢~ ^^

                                                   影相時間~ ^^

唔知講緊乜呢?? 咁開心o既~ ^^

今日踩51公里o者, 好早到啦今日的目的地, 道後溫泉

 先經過商店街

                         再影張大合照~

當然唔止影咁少啦, 依家至係2點幾咋..........今日大把時間^^

 宮崎駿o既千與千尋, 裡面間油屋就係參考呢間道後溫泉o架~

睇下收費先~         個室? 正啦~! 我最怕係人面前剝乾豬o架啦. 一陣落o黎浸~

上條斜路, 今晚住古湧園酒店~    又要影相~  ^^   好似上賓咁, 拉晒橫額歡迎我地, 哈哈哈

旅館早有準備搵o左地方比我地放單車~

第2次住溫泉旅館,,,,,超級大間, 比著以前的我, 我一定好驚, 依家雖然冇咁驚, 但係今晚都係發生o左我解釋唔到o既事啦, 稍後再講~

                                             有兩粒和菓子請我地吃~

雖然酒店有個好大o既浴池, 作為宮崎駿的fans, 冇理由唔去道後溫泉浸o者~

同團友分開浸......佢去大池(410yen),,,,我去個室(1550yen)

左邊d櫃仔比客人放鞋~

我上o左去3樓~

個室原來就係比間房你換衫, 吹頭, 休息等等~ 並唔係比個池你一條友浸呀......哎呀, 中伏, 我以為好似台灣烏來浸溫泉咁....一個人浸一個池

毛巾番皂要自備, 如果冇佢有得賣,,,,,,作為記念品之一, 我當然買啦~盛惠220yen, (毛巾+番皂)

如果唔想買, 你又可以比60yen借一條毛巾, 佢會一舊番皂比你~^^

係又影唔係又影,,,,以為80分鐘好多時間

落番去2樓有2個池浸,

我揀o靈之湯浸~ 門外鎖好d衣物先~

玻璃門入面就係個池啦,,,,,,,,唔比影相o架.......其實個池唔大, 我覺得浸9個人已經爆棚, 我入去時只係得兩母女~  之後佢地走o左, 我單單丁都浸o左好幾分鐘, 然後o黎o左幾個人, 我就夠晒皮走人lu~

左下尾二張相就係我浸個個池啦

浸夠就返上個室休息下, 有杯茶, 仲有串燒三兄弟你嘆~ ^^

大把時間, 睇下入浴術先~ 哈哈哈(浸完至o黎睇)

1550yen入場費仲包埋參觀日本名作家夏目潄石呢間房, 入面有寫佢係呢區住過o既事蹟& 佢o既逸事

1000yen上面的人物就係夏目潄石啦

(網上資料)

「道後溫泉本館」於1894年（明治27年）落成，至今已超過百年的歷史。落成當時，在溫泉中心部蓋這樣一棟近代和風建築是非常的嶄新的主意。開幕隔年1895年4月，當時在松山中學擔任英文老師的夏目漱石造訪道後溫泉本館，在其留下的書信還有小說「少爺」（坊つちやん）中都有留下對道後溫泉本館的讚美。

夏目漱石1905年的小說「少爺」（坊つちやん）一出版之後，使得此地成為愛媛縣松山市知名的觀光景點。

參觀完之後, 又去另一個景點參觀啦.............又要再落梯級, 仲有專人講解

本來冇打算影相, 見佢話不準拍照之後, 就好想影啦~   :P

原來係以前皇室專用的入浴池

呢個係以前皇室專用o既屎坑, 據講解員所講, 會有專人檢查天皇o既大便, 睇下佢健唔健康喎~(下面有一個木兜)

聽完講解就走人啦~ 又落番去地下走廊~ 終於見到千與千尋o既post啦~   戲入面的油屋就係參考道後溫泉o架啦

確實好有特色, 值得去呀~  夜晚仲靚

浸完再行下商店街~

點唔少得去龍貓店呀.......又諗起個行李箱根本冇位放~忍手啊

係咁易買o左個年曆先, 一陣吃完晚飯再o黎~

轉過頭返到酒店吃我地o既晚餐~仲未人齊

                                         

                          好豐富啊~ 不過嘆熱晒啦~

湯~

                                   團友請的日本唔知咩酒

有藝技表演~(有片o架...但我唔記得點樣放上o黎啦)~~~~~表演完仲可以同佢合照~ ^^

                                     餐飯係好睇唔好食之下,,,,,,,,完結~ ^^ (其實唔係嘆咁耐應該係好好味o既)

                                              落緊雨都照行, 又行番去商店街~

夜晚d燈影得好靚

係龍貓店行o左唔知幾耐~~~~~~~~~~哈哈哈

左邊係我個行李箱, 根本放唔落啦

今日o既手信~

飛天豬我9月去大阪時唔捨得買,,,,,,,,2500yen, 今次冇走雞,,,,,唔買又會好似上次咁後悔後悔又後悔

準備瞓覺時就發現唔對路啦,,,,,,,,,,,,,,,,,,間房~~ 下回分解