好好笑～與其報仇不如跳槽
日本職場同香港又真係唔同嘅，
冇睇半澤直樹唔會笑得出，
冇係日本公司做過，你又可能感受冇咁深^^
點都好，值得一睇嘅日劇
我係呢間日本公司快20年了(2014年2月24就係廿年青春啦~)
呢套劇的大和田常務, 好似我以前的部長個樣~
未做日本公司前, 經常聽到日本人歧視女性,
入o左呢間公司我又唔覺, 唔知我做得好~ :) 定係我幸運,
前部長和前上司都對我唔錯, 亦都唔會好似呢套日劇咁,
有鑊下屬孭, 有功上司領,那怕我係女性, 上司返日本匯報時,
會係大老細面前幫我講好說話~
之但係,,,,,,,,,前上司和前部長被燉冬菇之後.....
依家呢個上司就真係覺得佢係典型日本人,
又怕下屬叻過佢, 所以唔洗慌佢會幫你係老細面前講好說話.
日劇講的分黨分派係有的~ 其實乜都分,
同期入公司的, 當然屬於小派(日本公司每年的4月都會有一批新人入職, 基本上唔會係無啦啦其他時間請人),
跟住個咩上司, 又係一派,
就正於我唔係依家個上司請的, 所以我唔屬於佢個派,
當然要流放我啦, 唔比o野我做就一定, 幾乎當我透明,
慶幸攬番住會計呢個我唔洗理你, 你唔洗理我o既位做~
大家鬥長命~~~~
講完~^^ 嘻嘻
未睇半澤直樹而你又冇乜o野好做,
強烈建議你去睇
半澤直樹 Hanzawa Naoki
鍾意睇日劇係鍾意佢夠短, 每集基本上唔洗一粒鐘,
10集就講完一套劇, 唔洗追劇追餐懵, 唔錯~唔錯~
嘩, 半澤直樹又比他斬多兩兩, 整多個例湯, 又一餐. . . >:) btw, 你中午出post , 真系唔 駛出制搵飯食?? 堅!!
回覆刪除我蒸飯o架~12點蒸, 12點半食, 1點寫blog~ ^^ (所以我寫唔到長blog,,,,正如3日2夜澳門遊都冇寫, 哈哈哈)
刪除半澤直樹好睇啊, 劇情好緊湊!!
回覆刪除大結局最正!^^
刪除人生有幾多個十年，你已經有兩個啦，還要做同一份工，好難得啦，香港好少有一份工可以做二十年﹗
回覆刪除其實諗起都得人驚, 有d新同事, 佢2歲我已經入o黎呢間公司做.......>_<
刪除cow cow:
回覆刪除-其實,我覺係邊一個國家做, 啲人嘅處事and 工作方式都會唔同. 我依邊工作文化同香港好唔同, 工作還工作, 同事之間, 放工很少接觸. 工作時很少講私人野, 可能依邊太主重私人啦!! 個個放工都掛住返屋企. lunch好多時都係各自食. 但純去工作, 無不必嘅應酬都幾舒服嘅!!
真係每個國家都唔同, 日本的話, 放工都要去同同事飲, 唔好講應酬d客. 而香港........太細太方便啦, 就算放工返到屋企都可以再出街.
刪除外國真係幾唔錯, 聽番o黎的聚會都好似係你去我屋企煮下o野食傾下計, 下次又到我去你屋企整o野食. 所以講生活型態, 一定好過香港啦. 人多車多地方窄.......依家仲成日嘈喧巴閉. 煩c人啊.