廢紙

 

 

自從轉番入會計位做,,,,發覺每日都有好多廢紙~

 

廣告紙, 信封, 廢發票等等,

 

之前試過印唔切信封時, 曾經將D舊信封翻轉用,不過依家冇啦,

 

儲儲埋埋一堆就攞番屋企比家姐賣,

 

加埋每日兩份報紙, 細佬每個星期出o黎老媽家食飯時, 又順便攞埋d舊雜誌&報紙,

 

每個星期家姐都可以賣到廿幾三十蚊,

不過小心攞去賣時唔好扭親條腰骨喎, 如果唔係就賺埋都唔夠睇醫生.

 

有時我都諗, 如果我唔洗攞住一袋報紙, 我就可以行路返屋企,

 

但係如果我攞住報紙太重就唔方便由荔枝角行番去旺角,

 

要搭5蚊地鐵...........其實計正我攞住o既舊報紙都賣唔到5蚊o既,,,,之但係.......

 

環保嘛..........