下集DAY4台北清境日月潭5日之旅4
繼續繼續~2012年8月29日 第4日下集
打比何老闆, 佢話1點半o黎,,,,,我都打個凸, 依家至係11點幾......
行李放晒係大堂, 冇咩好做, 熙哥提議去扒艇仔~
亞哥唔想去, 老媽又唔想去, 咁你地兩個坐係大堂等我地返啦~
民宿老細話我地知單車老細都有艇扒,,,,,,
(不過冇優惠啊, NT100(hk$27/一粒鐘/一隻艇),
未扒過艇的我地唔知香港要幾多錢~
穿上救身衣就出發~
一坐低件救生衣就會"公"起, 都幾唔舒服o既~
出發啦~ (一隻艇限載兩人)
我地3個都係第一次扒艇~ 老細教兩教我地就識啦~
熙哥爭住扒~
仲扒得鬼咁快~
感覺上扒艇應該同honey 一齊扒至浪漫
完全冇諗過會係日月潭扒艇仔~
熙哥好似扒龍船咁快~~~~~~
扒到鬼咁熱, 解開件熱到嘔的救生衣抖抖氣~
不過到最後頂唔順,,,,,除埋~
夠鐘啦~ 話咁快就一個鐘.
返去搵老媽啦~
不停口的老媽吃緊粉紅色的香蕉~ ^^
手中冇蕉口中有~
老媽同我地一齊扮食蕉~
老媽同我地一齊扮食蕉~
熙哥真係精力充沛
何老闆終於打o黎~ 改o左2點半至到~~~~!咁食埋午飯o岩o岩好~
開餐開餐~
香Q竹桶飯~ NT60 (HK$16)
都幾香幾q
呢碟叫做沙拉過貓 (菜) NT80 (HK$21) 好似牛食草, 比想像中麻麻
香菇酥骨豬腳 NT300 (HK$80) 好鬼淋, 好似食緊罐頭豬腳咁~
好似只有日月潭有的奇力魚~ 酥炸~~ NT300 (HK$80),
我又唔覺有咩特別,,
唔知點解老媽係台灣鍾意食火鍋~ 我就覺得麻麻~
韓式泡菜鍋~ NT200 (HK$54)............仲平過碟豬腳/奇力魚
呢餐食o左nt880 (hk$235)
何老闆準時兩點半到~ 我問何老闆依家準備車我地去邊,
佢話,,,,去中台禪寺囉~~~~~yeah~! 以為冇得去tim
原來開車30分鐘就到
咦? 我以為好似傳統廟宇咁.....
好特別啊~睇下網上資料
中台禪寺（Chung Tai Chan Monastery），又稱中台山，由惟覺老和尚創辦，是一個位在台灣南投縣埔里鎮的一個佛教寺廟，樓高達136.0米，三十七樓，為目前世界及台灣最大、最高的佛教寺廟及世界第二高東方、佛教建築（僅次於天寧寶塔），完工後曾榮獲「二〇〇二年台灣建築獎」、「二〇〇三年國際燈光設計獎」等獎項
中台禪寺由李祖原建築師事務所設計，從1990年開始初期的規劃，經三年的申請、開發、規畫，七年的工程進行及細部設計，於2001年9月1日正式完工啟用[2]。建築本身長230公尺、寬130公尺，建築高度從地面到塔尖高度達136公尺，樓高三十七樓[3
中台禪寺整個新建築乍看下彷彿金字塔形態,實為佛教建築另一鉅作.
何老闆非常讚嘆中台禪寺的設計, 話係藝術與宗教的結合.
所以不論所信宗教係唔係佛教, 中台禪寺正得一遊.
(熙哥好抵屎地學緊何老闆~
)
)
好了, 入內參觀了~
一入內就會見到四大天王
四天王为守护佛法的神明，分别是『东方持国天王』、『南方增长天王』、『西方广目天王』及『北方多闻天王』，神像手中分别拿著象徵风调、雨顺、国泰、民安的法器；四天王殿为中台禅寺主体的殿堂，『弥勒菩萨』供奉於殿堂中央，弥勒菩萨的背後有身著甲胄、合掌擎剑的『韦驮菩萨』，而四大天王像则分镇在殿堂四周，神像皆以山西黑花岗雕制；四天王像高度约12公尺，重达100多吨，四天王的金刚严肃的眼神令人为之震慑。
平時入廟, 我唔係好敢影神佛像, 而係學老媽咁, 雙手係咁拜, 係咁拜,
點知何老闆笑我, 神佛用o黎尊敬, 唔係我咁係咁拜係咁拜o架,
話我一定做o左好多陰質事........
屎仔包吖
屎仔包吖
何老闆陪我地參觀o左大約一個鐘
走啦, 熙哥~
離開中台禪寺冇幾耐就落大雨
老媽真係好擦得.....個個都頂唔順瞓緊覺, 佢就不停食~
(我真係遺傳晒老媽d好o野
)
)
由中台禪寺開車計, 差不多40分鐘至到台中高鐵站~
我地坐17:39分的高鐘, 依家係17:00, 何老闆都計得好準下~
88何老闆~ 唔知幾時再見啦~
何老闆的咭片~
雖然何老闆臨走時介紹我地今晚返到台北, 可以去西門町昆明街30號,
有一間叫做濃美的拉麵店, 佢話呢間麵店好正, 如果食得辣一定要食枱面上
的辣椒醬.
可惜我7點幾返到台北豬窩民宿時, 攞番今日下午2點係日月潭買的楊桃汁出來飲.
飲之際家姐已經同我講,,,,,,楊桃汁老闆同佢講, 要一個鐘之內飲晒佢.
我唔係咁信邪所以連飲3口,,,,,,,,之後都仲唔覺有咩不對勁.
冇幾耐就開始唔多妥........唔妥都要帶老媽去食飯啊,
坐nt100的士(hk$27)去寧夏夜市掃街
雖然唔係咁想食番4月同哥嫂去過的店食o野, 不過發覺個人越o黎越唔舒服,
(當時冇肚痛, 冇胃痛, 但就硬係覺得唔多妥)
第一時間點了碟炒飯比老媽食~ 仲有蚵仔煎, 話時話, 真係好好味~
估唔到熙哥會想食豬潤湯, 可惜酒味太濃佢最後頂唔順
我雖然唔多妥, 但點了蚵仔湯, 不過我食少少o者.
食完一檔就冇再掃了, 買杯現打5青汁就決定返民宿.....
真係未識死,可能就係溝埋呢杯o野,,,,,,,,,,,冇幾耐胃部開始不適.
玩完就坐nt70的士返民宿~
因為聽日返香港, 所以返到民宿都死頂,
10點鐘都帶姨甥去台北車站附近個間24小時書店作最後衝刺,
點知個胃越o黎越痛, 捱o左90分鐘返到民宿食d止痛藥,
(冇帶腸胃藥, 我個垃圾肚正常應該百毒不侵.......)跟住就肚痾,
咁大個人都唔知有冇嘔過3次.......食o左藥仲痛多個幾鐘就大嘔一次,
好彩家姐未瞓執緊行李,攞得切比個膠袋比我嘔.
(死cow 中) 
嗚嗚嗚......聽日仲book o左欣葉食日式自助餐慶祝姨甥生日
(一早係香港叫台灣朋友幫我預約, 因為經常爆)
家姐話我都食唔到o野, 唔好去可以慳番d錢~
我話慶祝佢個仔生日, 緊係齊人好d啦, 食唔到o野, 幫手影相都好~
希望瞓醒冇乜事就好啦.........................
(撞貓,,,,,返到香港睇番日曆至知,,,,,,今日係農曆七月十四啊......真係邪)
八婆cow上~
- 回應 (15)
- 引用 (0)
- 永久連結
- 蚵仔湯好正!!!想問下有沒有舖頭名呀?我都想去試下 ^^
- 回覆
- 可能人地係新鮮楊桃汁,容易變壞
- 台灣真係好多野食呀~~
- 回覆
- cowcow, 早晨, 想問妳今晚去唔去暉 暉屋企呀 ! 如果去一起啦 !
- 顯示全部回覆 共4則
- ANNA姐, 早晨呀~ 我同暉暉真係無緣, 今晚老晚要入醫院, 準備明早做手術, 所以我今晚去唔到啊~ 同我同暉暉講聲SORRY吖~~~
- 係伯母要入院? 緊要嗎 ?
- 唔緊要啦 ! 下次先啦 !
- 架肋底有個良性瘤, 都有7cm咁大, 所以做手術割o左佢.應該問題唔大o既~ ^^
- 明白晒, 咁妳好好陪媽媽啦 !下次得閒搵妳飲茶啦 !
- 楊桃汁原來吾可以過咁耐飲架，回到香港有無即刻去睇醫生？要幾耐才好番呀﹗
- 回覆
- 好離島feel
- 回覆
- 我都like 呢d style 旅行, 唔好咁急趕, 唔好太貪心, 有另一番滋味~
- 至衰肚痀, 要忍口, 旅行至大忌!
- 回覆
- 早晨，開心之旅呀...
- 顯示全部回覆 共4則
- 祺哥，好耐冇見啊，今次係好開心之旅啊
- 扒艇仔係追女仔指定節目，做男仔要早d學定，唔係到時就醜c鬼....
- 咁祺哥你識唔識扒艇呀??
- 我..........我..........我............
- 你食得多得滯？
- 回覆
- 你自己一艇有冇累到扒唔番上岸
- 照肥仔都幾勁喎, 係咁玩, 我呢d老爺真係追唔上．．．．做個仔的話真係玩死我自己T_T
- 回覆
- 點呀你? 好番未呀! 好好休息啦!
- 回覆
- cowcow, 見碗蚵仔湯好肥美好正咁喎 ! 楊桃汁係好易變壞, 不過好降熱氣囉 !下次去台灣要小心啦!
- 顯示全部回覆 共2則
- 差D唔記得啊~ ANNA姐~ 好彩你提我~
, 其實我飲O野好快, 但今次懶醒, 用自己個水樽入楊桃汁, 咁就出事啦, 飲一啖又收埋下次攞出O黎飲, 跟住放入背囊就唔記得, 返到台北民宿至醒起啊~
- D 蠔好大粒喎..
- 楊桃汁-->最衰係飲左先知..
- 回覆
- 出外飲食要小心。
- 回覆
- 如果 熙哥 生於70年代, 一定媾唔少女 ~~~ 可惜今時今日冇女仔會陪你去扒艇仔, 最多叫你陪 shopping ~~~
- cow媽 都陪妳顛埋一份 ~~~
- 去旅行唔舒服.................. 真係最掃興@@
- 回覆
- 回覆
沒有留言:
張貼留言
睇完求其實番兩隻字啦~