DAY3台北清境日月潭5日之旅3
旅程第3天~
尋晚好好瞓
6點幾7點起身,,,,天朦朦, 微雨, 不過一樣咁靚
9點前要食早餐~
種類唔算多, 但已經好足夠~
綿綿的白粥
各式各樣的配料
仲有多士~
4種麵包醬,,,,,,都好肥o架~ 係咁易搽隻椰子乜醬 都幾好味.
甜到過火的奶茶(似日本的午後紅茶) 仲有鮮奶~咖啡
我唔係食好多咋~
好好味的澡類食物, 原來老闆都唔知叫咩名
約o左何老闆11點載我地去日月潭~
食飽早餐之後返房再望下四周.....wow~! 好靚, 有d想冬天來青境,
再住呢間天星感受下冬の青境
星光渡假山莊係一間唔錯的民宿, 當然要影多幾張相啦.
老媽係呢個旅程, 真係食唔停, o岩o岩食飽早餐, 又切山果準備一陣上車食~
距離11點仲有大把時間, 熙哥建議打乒乓波~
天星渡假山莊其實有兩座, 我地住o既前座有12間房, 代表12星座,
另外一座係代表..........唔記得o左tim, 你地上天星網頁睇啦~
以前細個係船住o既時候, 我地經常係起卸區放塊4x8呎的夾板打乒乓波.
所以家姐打得兩手~ 我就水過水牛~
熙哥最叻係羽毛球, 乒乓波就同我一樣咁水~
山長水遠o黎到台灣打乒乓波好似有d嘥, 但其實一d都唔嘥,
我地玩得好開心, 今次旅程真係冇乜遺憾
2姊妹打2兄弟, 呢個機會比上太空更難~細路大o左仲肯同我地玩,
都算係咁o架啦. 哈哈哈
最終緊係後生贏晒啦~ 
做乜做影後~?? 家姐話打到濕晒個頭, 叫我影相喎, 係咁易啦~
跟住我地就上天台影星星~ 星都未影就見到好多蜘蛛網啦~
就係呢粒星星啦~
佢地3個睇緊乜呢~??咁齊心o既??
粒星真係好大~
因為又大霧又落緊微雨, 熙哥驚跣~ 點知亞哥即刻出手拖住熙哥
平時cool 爆的亞哥, 原來都好鍚細佬o既~ 雖然嚇親我地3個~
老媽又瞓醒一覺啦~(今次旅程, 老媽真係食得瞓得, very good啊)
影下個廁所~ 都好ok o架~
何老闆o黎啦~~~~~!!! 雞咁腳走都走唔切~
(好準時啊)
(好準時啊)
又要經過九曲十三彎, 上山時亞哥頂唔順嘔,
落山都驚佢又o黎, 好彩冇~ 係熙哥有d想想地o者,
好驚佢地整污糟何老闆架車啊~
台灣d山路真係幾得人驚, 尤其係落大雨時~
何老闆好繁忙, 電話停不了~
一上車, 何老闆話趁天氣仲ok, 去到日月潭叫我地先踩單車~
吓?????今日計劃唔係係去中台禪寺咩??
中台禪寺係室內, 聽日落雨都仲可以去~
但係,,,,何老闆, 你聽日唔係唔得閒咩??(我只係book o左何老闆兩日)
我好想有有個景點係比老媽o架..........你聽日唔得我地點算呀??
今晚我地再聯絡傾下.............oh~~~~~有d擔心冇得去, 雖然老媽唔知中台禪寺係乜.
問佢, 佢話唔去都無所謂,,,,,但我想帶老媽去睇下啊~
原來清境去日月潭要個幾鐘頭~~~~~~去到日月潭民宿係12點幾
天氣不太好, 雖然冇落大雨, 而且3點至可以check in.
我地冇理由掉低老媽走去踩單車,
況且我都唔想著雨褸踩單車啊~
成棟都係民宿, 地下係咖啡廳, 最初感覺普普通通~
住落, 3間民宿裡面, 呢間係最正~ 稍後再比相你地睇~
位置亦好方便, 就係水社遊客中心附近
民宿老闆話3點至可以check in, 佢建議我地不如坐船遊日月潭~
去食個午飯回來就o岩o岩好~
原價NT300一個人 (HK$80)的船票, 依家係免費的~ 老闆話係因為何老闆介紹
半小時一班船, 日月潭好似總共有3個碼頭, 一個就係呢個水社碼頭,
順序坐去伊達邵碼頭,都係半小時一班船, 最後係去玄光寺碼頭.
我地坐1:30~ 出發啦~
船程只係5分鐘左右.
到o左伊達邵碼頭啦, 上岸向左行一段路就可以坐纜車,
不過見落雨, 所以冇坐, 又見好似冇乜o野行, 所以拿拿臨帶老媽去食飯啦,
唔好餓親d老人家~
日月潭好多呢d4餸一湯, 5餸一湯之類的飯店
我地叫o左個4~5人用的套餐~ NT1200 (HK$320) ....如果係水社碼頭附近食會平NT200
鹽酥潭蝦~ 好鬼細隻, 連殼都食埋~
野味山豬煲,,,,,,好un~~ 老媽話唔好食~
高山青菜,,,,,?
本來菜單係..竹中玉筍, 但老媽唔想食筍, 所以改o左煎蛋~ 呢味算係最好味.
清蒸潭魚,,,,好普通, 好彩有下面有火慶住, 熱住食都ok.
去台灣真係唔好去遊客區食飯.........麻麻地
唔夠一個鐘我地食飽就坐船去玄光寺
都係5分鐘船程左右就到啦~
呢個碼頭有幾個寺的, 但我地只係行最近個個玄光寺就走lu~
玄光寺碼頭有個賣茶葉蛋的婆婆~好出名o架, 基本上o黎得呢度必買~
只係NT10一隻(HK$2.7)~ 好入味
返去民宿啦~.
鏡頭一轉~ 已經攞o左房了~
呢個係廁所 + 浴室~
熙哥係香港帶定條泳褲o黎游浴缸~ 
係露台影番入廁所~ 一定要落簾去廁所啊~!! 
眾人急不及待休息~ (中間加了一張床)
呢間民宿叫做....明湖釆堤渡假館
我地入到房就亂晒龍, 上網偷o左人家一d相, sorry呀~(下面房間相有部份係網上攞的)
我地住 和風日麗4人套房, 平日NT4200 加一個人另外 NT500
共NT4700 (HK$1257) 最初我覺得貴, 仲叫何老闆幫我問下, 可唔可以只收4人錢,
但住過之後, 我覺得只加 NT500算係超值, 因為又包早餐, 又包船票.
床褥舒服, D床單被單仲好柔軟又新, 應該唔係平價床單啦.
最初話要住日月潭, 何老闆介紹另一間民宿比我地,
雖然平過呢間一半, 但冇海景, 看圖片好似只放兩張大床褥落地瞓覺咁,
何老闆的好意係諗住我地反正日頭會出外玩, 都只係晚上返o黎瞓,
所以唔洗住得咁好, 慳番d錢去玩仲好.
但係我唔想啊, 因為我唔想再重蹈06年復徹啊, 又再有遺憾的話
真係人生有幾多個6年啊~ ??
決定得冇錯, 今次o黎到日月潭天氣麻麻, 但係呢間房好開陽,
景觀唔錯啊~ 貴d都係值的.
仲有個好大的露台, 如果天氣好, 風景一定好正
我同家姐趁一老兩嫩瞓覺之際, 我地走o左出去行o左個幾鐘.
係捷安特 (台灣知名單車公司) 買o左朦面超人巾,
防曬袖等等
行完返o黎老媽已經醒o左, 所以要帶佢出去醫肚(兩個嫩o既仲瞓緊)
唔再食幾餸一湯的遊客餐了, 去o左一間比較地道o既店食
苦瓜排骨湯~
皮蛋豆腐我地至愛
粉腸湯~
味道ok~
雲吞麵...........超難食~
豬耳仔~
老媽食咖哩飯~
家姐食牛腩麵,
呢餐食o左NT495 (HK$133)
剛才係捷安特問過踩單車一事, 原來捷安特開晨早6:00
如果我地要去踩 日月潭最靚個段來回需要1.5小時,
踩完返o黎老媽都未起身啊,,,,,所以同家姐決定聽日去踩早車.
返到民宿, 民宿老細話佢識一間平單車舖,
NT100 /1.5小時...........嘩,,,好抵啊.
NT100 X 4人 = NT400 (HK$107)
捷安特要NT200/1小時, 來回1.5都計2小時,
3X200X2 = NT1200 +小童 NT200 = NT1400 (HK$375)
相差NT1000蚊啊~ (HK$267)
咁緊係要幫趁呢間啦,,,,但係老細講到呢間單車舖好似好遠咁啊.....
點知轉個頭, 民宿老闆話聽日7點, 單車舖個老細會o黎接我地,
噢,,,,,,,,,,咁好人, 一定要幫趁啦~!!!
不過一約好, 聽日就唔可以甩底啦~
係露台影出去碼頭, 真係好靚啊, 可惜我唔識影相,
如果唔係你地就有福啦~
兩個嫩的晚餐~~~
老媽的宵夜~
聽日又要6點幾起身啦~ 希望天氣好啦~ 88
p.s.
老媽好擔心何老闆聽日唔o黎車我地,(我只book兩日咋...)
好幾次叫我打比何老闆, 何老闆亦都唔肯定(佢真好好生意),
我同家姐已經行o左去附近的巴士總站睇下聽日幾點有車去台中高鐵站,
我其實打定輸數........................................
後來知道何老闆一定o黎之後, 老媽就好放心啦.
之但係何老闆冇講幾多點o黎啊~~
- 回應 (15)
- 引用 (0)
- 永久連結
- 雖然貴啲啲，但個景好靚喎。
- 夜景張相都好靚吖！
- 回覆
- cowcow,最近成日睇住d樓價係咁升,所以冇乜心機巡blog呀!
- 回覆
- cowcow, 相妳比下議見, 18號飯局妳有無好介紹呢 ! 大家都話無所謂, 都唔知食乜好....妚識得人多,時時出街食, 今次要睇妳啦 !
- 顯示全部回覆 共7則
- 我幾想帶你地去紅磡錦記~
即係我地行完山去食個間~
- cowcow,多謝妳的建議, 不知交通方便嗎 ? 有什麼車可到呢 ?
- 識就方便,,,唔識就....
其實近大酒店, ANNA姐, 你可以上OPENRICE 睇下O架....不過靚女生日, 可能去D大酒家食會舒服D, 九龍灣MEGA BOX D酒樓閒日都幾靜下~ 冇乜人傾下計都唔錯
- 我琴日係網到見到稻香做緊推廣, 一位台全包晏 $1,088我覺得幾抵囉 ! 我地依家有十個人都OK啦 ! 再唔係就 泉 居, 鳳城, 稻香,這3間選1間囉 ! 妳點睇呢 ?
- ANNA姐, 我食乜都冇所謂O架, 至緊要可以傾得舒服~
- cowcow, 依家決定泉章居, 時間都係7點至半左右啦 ! 我問過可以定位,都幾方便...
- 好呀~ 又近我~
- cowcow, 今次台灣之旅真係玩到盡呀 ! 你真係好識安排....正~~
- 回覆
- 玩得好開心啊~最後那條蕉係咪發咗毛???
- 顯示全部回覆 共2則
- 幾好喎！
- 顯示全部回覆 共2則
- 一家人開開心心去旅行,溫馨又難忘 !
- 回覆
- 好似追劇咁... 聽日知唔知醒起身踏單車呢 ? 天氣點呢 ? 唔好天氣照踏 ? 何老闆來唔來 ? 最終有冇去中台禪寺呢 ? .. 哈哈..欲知劇情請留意下一篇blog..
..
- 話時話, 嗰五餸一湯真係唔啱, 都係d 地道野正..
- 回覆
- 清境好靚,剛好又有霧景雲海，好似仙境一樣﹗
- 回覆
- 仙鏡 ~~~ 好靚 ~~~ 亞哥 鐵漢柔情一幕, 相信 熙哥 會將呢幕永記於心 ~~
- 妳嗰碟 高山清菜 ~~!!! 應該就係 龍鬚菜 ~~!!! 超級超級超級好味道!!!!!!!
- 皮蛋豆腐 又係, 總覺得 台灣 好味好多 ~~~
- 回覆
- 經再次研究, 想像中在11月的台灣之旅, 會把焦點放在台中. 基本上應是三日兩夜, 或會是四日三夜, 但不想行程太緊密, hea啲, 又不想花很多小時在內陸交通上, 所以想主要逗留在台中鄰近, 頂多再加一個要搭長途車o既
..
- 經再次研究, 想像中在11月的台灣之旅, 會把焦點放在台中. 基本上應是三日兩夜, 或會是四日三夜, 但不想行程太緊密, hea啲, 又不想花很多小時在內陸交通上, 所以想主要逗留在台中鄰近, 頂多再加一個要搭長途車o既景點而唔過夜, cow cow覺得夠唔夠玩?
- 顯示全部回覆 共3則
- 龍兄~搭長途車o既景點而唔過夜的意思係............?? 例如搭2個鐘頭車去, 又坐番2個鐘頭車回來呀??
- 機票咁貴, 當然玩4日3夜好過3日兩夜, 5日就仲好tim
去台中依家熱點一定係清境+日月潭,去埋妖怪村, 每個地
..
- 龍兄~搭長途車o既景點而唔過夜的意思係............?? 例如搭2個鐘頭車去, 又坐番2個鐘頭車回來呀??
- 機票咁貴, 當然玩4日3夜好過3日兩夜, 5日就仲好tim
去台中依家熱點一定係清境+日月潭,去埋妖怪村, 每個地方住一晚都已經係4日3夜了~ 台中仲有逢甲夜市, 又可以去遠d去埋台東的花蓮, 七星潭等等. 所以呢~ 最好去書局打下書釘, 睇番本台中的旅遊書.參考下有咩地方你會心動, 再返屋企上網睇下人地d blog. 咁大約你都知你o既行程了. 不過如果你唔係自駕遊或者包車去玩, 你就要預多少少時間係交通上面了. 我清境包車去日月潭都已經要個幾鐘, 如果冇包車, 會仲多o左d等車時間.
- 以上我去過o既景點, 冇乜好多o野可以比你貫的. 渡假性質多d, 如果要買o野就去台北, 高雄好了.記住啊,,,,,,,台灣其實好大, 好多地方都好好玩, 去一次一定唔夠o架~
- 多謝cowcow詳細回覆. 我都喺網上睇過啲人o既分享, 好似全部都一定係要不停換酒店? 我本來係諗緊以一間酒店作中心點去玩, 有時可能以一日遊形式, 走得遠啲, 但最後都係返返去嗰間酒店度. 你認為咁樣係咪好難做到?
- 唔洗客氣, 龍兄~ 你o既諗法係做得到, 但你可能會仲辛苦過返工~ 如果真係要咁, 我建議你去台北好了, 你住係台北車站附近的酒店, 一日去淡水, 一日去九份, 一日去平溪放天燈, 一日去野柳或基隆, 或者上101, 再唔係
..
- 唔洗客氣, 龍兄~ 你o既諗法係做得到, 但你可能會仲辛苦過返工~ 如果真係要咁, 我建議你去台北好了, 你住係台北車站附近的酒店, 一日去淡水, 一日去九份, 一日去平溪放天燈, 一日去野柳或基隆, 或者上101, 再唔係去誠品通宵打書釘都仲得. 又式者坐高鐵落台中玩一天, 例如上清境睇完綿羊show回台北,(但我相信無人會咁做) 真係要睇下你想咩心態去玩, 想hea o既, 係清境住上兩天已經夠hea了~
- 雲海真的很美。
- 回覆
- 牛牛！D民宿都好靚喎！個種感覺好親切呢！
- 回覆
- 上次我去合歡山影pre-wedding....都係上到差唔多, 已經嘔左....
- 顯示全部回覆 共2則
- 都幾係O野O架, 九曲十三彎, 我都差D頂唔順~
咁你嘔完咪仲瘦d, 著衫咪仲靚d囉?? ^^
- 唔係囉, 係面青青....好彩化妝唔覺
- Vivian
- Vivian
- 2012年9月9日上午5:41
- 睇完，very good!
- 回覆
沒有留言:
張貼留言
睇完求其實番兩隻字啦~