日日開心是日睇.....魚魚~沖繩美之海水族館
係沖繩6日, 真係日日都早起晏睡, 今日跟舊同事約好3個人一齊去水族館
之前係香港check過其中一個定期觀光巴士團去水族館及其他多處景點,
費用為5400yen, 包午餐但唔包入場費~ 本來我地都諗住join 呢個,
C團呢個5400yen 去5個景點, 但留係水族館時間只有2個鐘左右, 仲要比1620yen入場費
不過
好好彩~ 我住個間民宿老闆娘有好介紹.
那霸巴士公司有一個B團只需要4700yen 就可以去到水族館 & 菠蘿園,,,,,好似係仲平過自己坐巴士去水族館, 不單止咁.........4700yen 係包埋入場券o架,所以呢個course正到極~~! 不過要8點集合
8點係那霸巴士總站出發~
那霸巴士公司條link~
我住係美榮站, 所以我唔洗去總站, 去三越百貨門口上車就得啦. 舊同事就係總站上車
6點幾起身, 7點幾出門口, 光天白日o既國際通冇乜人
係沖繩見唔少呢d石敢當石碑~
各式各樣
多數放係d路口位, T字位, 用o黎擋殺辟邪之用
我都唔明沖繩除o左路牌放係地下之外, 連禁止吸煙牌都係係地下. 有點攪笑~
噢~ 8:05巴士已經o黎到~ 舊同事 & 佢個fd 已經係車上, 今日有12個團友
肥妹仔不停講, 舊同事叫我翻譯..........@_@ 點翻?? 平時跟團導遊講乜我都唔會點聽
車程2個半小時, 中途會有個休息站
日本販賣機真係乜都有得賣~
我地3個人帶o左d 食物去水族館~ 呢隻生熟蛋69yen,,,,,唔記得買番一兩隻返香港
好快去到~ 
導遊小姐叫我地一定要影o左合照至散隊~
望住~ chizu (笑~)~~~~!
呢張相要1000yen~ 唔知有幾多個團友買o左呢?
人地都係搵食o者. 所以我買o左一張呀~ ................(弊.....唔記得放o左係邊tim)
影完合照各有各行~
當我地準備入場時,,,,,,,,,,,,吓???點解我冇入場券o既?? 舊同事 & 佢個fd都有
應該係導遊忘記比我, 叫佢地兩個入場先~ 我自己攪掂, 最壞打算自己買票入場~
趕住睇11點海豚show,,,,,,,點算呀?? 導遊又唔知行o左去邊.
好彩老細借o左部電話比我, 拿拿淋打比那霸公司同佢地講我咁o既情況,
佢地又知我係中途上車, 所以一定係唔記得比我.
等o左好幾分鐘...............肥妹仔導遊終於笑口勢勢o黎到~
成份o野正常係巴士總站時派比團友o既, 就係因為我中途上車, 所以佢唔記得o左,,,,,,,,,,,(但一上車佢又記得問我攞錢o既~
)
)
好彩都趕得切睇show
http://youtu.be/D6bCEt84PkQ
http://youtu.be/Mzk6_C3UVrQ
香港o既海洋公園真係要好好向人學習,,,,,,,沖繩水族館d o野飲 & 食物都唔貴呀~
不過我已經自備飯團~ 去到日本真係唔洗食乜剌身之類貴價o野,
淨係飯團已經好味到暈~
睇show 都冇人check 入場券, 睇完海豚show正式入去水族館至有人收票~
舊年係北海道旭川動物園唔睇指示攞海星出o黎影相, 所以今次我好乖
http://youtu.be/2biQjM1zp1k
終於o黎到 黑潮之海~ 可能係網上睇過d movie,,,,靚就靚, 但已經冇咁震撼.
小賓女手個個係我, 可惜朋友唔識用我部相機~
同一層有一間快餐店~ 強烈推薦要入去坐低睇魚魚~ (聽講2樓好似有一間食自助餐)
飲品250YEN起~ 食碟飯都係500YEN
可能我地早入場,,,,,仲有一張位置好正O既枱
舊同事食意粉~500YEN
我叫O左杯雪糕SODA, 300YEN
呢條超級大魷魚係1994年補獲,,,,
真係有d核凸
最後買o左少少記念品就離開水族館~ 呢個團留係水族館3個幾鐘, 真係唔錯o架.
導遊小姐見到我又同我say sorry~
開車~ 向第2個景點菠蘿園出發~!
- li 張幾好, d 煙走出 lai, 幾靚 係咪多是日本自家人, 有冇外國遊客 ?
- 回覆
- 最多日本人, 跟住就係香港人, 大陸人都好少見.外國人都唔多見.
- 出門遇貴人, 老板娘好介紹, 仲有有錢都未必買到既靚位食野睇魚... 滿足啦 ..
- 回覆
- 揳位揳得咁靚, 當然要買啦!
- 回覆
- 好彩巴士站唔係畫係地上.
- 回覆
- 我有去, 你冇有行遠d....o個度有個人造沙灘好靚架
- 回覆
- 鯊魚送意粉,另一番風味
- 回覆
- cowcow我想問上傳水族館嘅短片,會唔會係侵權呢?
- 因為我都影咗d水族館嘅短片,唔敢放上blog呀!
- 回覆
- 你影d水族館嘅相好靚呀!
- 回覆
- 你對鞋好怪雞呀，仲係粉紅色!
- 回覆
- 好似對住妳笑。
- 回覆
- 去快餐店一路食嘢一路睇魚魚 、 你啲短片拍得好正、 有無魚魚望著你哋食嘢呀！
- 回覆
- 因為我地坐你係最入面張枱, (應該有6~7張), 所以見到d魚魚望住我地呢邊轉彎o架. 你下次去都要坐最入個張枱呀~ 一陣仲有條短片係有條魚比大魚食, 可惜我影唔到佢最初, 只係影到佢瓜老親襯後.
- 有時明知貴. 我都會買的
- 回覆
-
- 我知C團唔包入場費,而參觀時間好似得1.5-2小時,而你參加的B團我見你吔有成3個幾鍾頭參觀呀~所以雖然冇得去睇萬座毛,但都系B團低啲呢 ,所以我會參加B團.(因我其實之前去大阪睇過鯨鯊,我好喜歡這條魚,有多啲時間參..
- 我知C團唔包入場費,而參觀時間好似得1.5-2小時,而你參加的B團我見你吔有成3個幾鍾頭參觀呀~所以雖然冇得去睇萬座毛,但都系B團低啲呢 ,所以我會參加B團.(因我其實之前去大阪睇過鯨鯊,我好喜歡這條魚,有多啲時間參觀是最好的)
- 橫店我有一日都要去読谷村集合參加浮潛,去完浮潛再坐遠些少可以去萬座毛,咁樣車費好似著數啲~
- 不過謝謝你的資料~~ ,如唔系睇到你說B團包入場費,其實我會去C團的(因我唔知B團包入場費呢 )
- 回覆
- B團真係抵過自己坐巴士去~ 所以民宿老闆一介紹呢個B團, 真係冇得走雞, 一定係B團啦~
- 如果有時間, 去埋八諸重島都唔錯呀. 黑島O既仲本海岸好正, 不過我當時唔知浮潛係咁好玩~ http://hk.myblog.yahoo.com..
- B團真係抵過自己坐巴士去~ 所以民宿老闆一介紹呢個B團, 真係冇得走雞, 一定係B團啦~
- 如果有時間, 去埋八諸重島都唔錯呀. 黑島O既仲本海岸好正, 不過我當時唔知浮潛係咁好玩~ http://hk.myblog.yahoo.com/psoriasis-kansen/article?mid=50956
- 睇下我個私人版~
- 如果E個團可以睇理萬座毛就好啦,現在十五十六唔知參加B定C團好,但應該B團多了
- 你吔是參加B團嗎?包唔包午餐的呢?
- 回覆
- c團唔包部份入場費o架.....(琉球村大人750yen, 水族館大人要 1620yen), 但係包午餐, 而且b團係水族館o既時間好似係比較多. b團唔包午餐, 但你好似我地咁, 入去餐廳坐都有o野食, 唔太貴, 樓上仲好似有自助餐tim.
- 請問B團除了包海洋館入場費外,菠蘿園是否也是包入場呢?
- 回覆
- 咁等我試下上網book定先啦～～～～唔該曬你呀！
- 回覆
- 唔該曬～^^ 但係我唔識日文，係咪去到可以叫酒店D人幫我book？定係我要o係香港book左先呀？
- 回覆
- 你去o既時候唔知多唔多人呢?? 如果多可能要book定先 (又唔洗比錢先o既, ) 我個日都係得13個人. 不過係淡季呀~ .....酒店d人應該會幫你book都未定~
- 你好呀～ 我黎緊都會去沖繩，好想book呢個B團呀？但係點樣book呀？^^
- 回覆
沒有留言:
張貼留言
睇完求其實番兩隻字啦~