日日開心是日食....YAKINIKU
沖繩遊第4日~
係石垣島hostel瞓o左一晚~ 算係幾好瞓~
今日搭下午5點10分機返去沖繩那霸
所以今日要去石垣島出名靚到嘔o既川平灣睇一睇~
由hostel 坐8:16分巴士去巴士總站~
hostel 對面有間日本料理~ 尋晚應該去嘆下唔洗食杯麵~
嘩.............等巴士之際, 我又見到彩虹啦~ 今次仲係雙彩虹..........2日見3次彩虹....仲唔係叫做lucky?
今次仲開雙
今次仲開雙
日本d車真係超準時~ 我估佢地一定有預多時間, 跟住就慢慢揸車, 所以可以咁準時
巴士有唔少學生哥返學~
車程10分鐘就到巴士總站, 得切8:55班車, 如果送車尾, 下一班車係9:35, 再下一班係12:55. 所以一定要睇時間做人呀.
呢隻巴士FREE PASS 只係要1000YEN, 用5日, 聽講單去一程川平灣就要700YEN, 而且又可以到機場, 所以當初到步石垣我就應該買, 可惜當時冇周詳計劃, 所以冇買, 但係到今日, 唔買唔得啦.
奇怪點解得小貓幾隻~
又係準時 9:40到達川平灣~ 係咪我早得滯??冇乜人ｏ既？？
一去到就用優惠券買玻璃船遊覽,
玻璃船由9:00~ 5:00, 大人1000yen, 小朋友 500yen, 記得係機場攞書仔, 有優惠券有9折
仲有一包星星砂送 (上次個樽跌爛O左, 所以呢一包要小心保存)
一出到海邊, 我見唔到靚到嘔o既景色呀~ 唔通我去錯地方??
唔好理, 上o左賊船先~ 唔係, 係玻璃船至o岩~
今水船大約有7個遊客~ 單單個個就係我啦~ 哈哈哈
左右兩邊坐, 中間有3格玻璃, 我地就係咁睇啦,
其實都幾清o既, 可惜我影相時影唔到魚魚~
今日天氣真麻麻,
對面個尖山唔知叫乜名呢??好似尖個釣魚翁山喎～
大約半個鐘就睇完~ 都幾普通
要快d去搵靚到嘔o既美景~
唔通要係公園入面至影到?? (因為我睇人地d靚相係高處影落去)
但係點睇我都唔覺得靚, 可能呢兩日靚景見得太多, 川平灣真係皮毛~ 又或者更靚o既地方我未去到?
原本諗住坐14:10分巴士返去石垣巴士總站~ 點知呢度都冇乜o野好睇, 依家都係10點零鐘, 點等到14:10呀? 睇一睇, 仲有一班 10:50分開o既巴士..........wow 就坐呢一班回去食燒肉吧~! 之前我左度右度如果坐14:10巴士係趕唔切返去食燒肉o既,點知川平灣係冇乜o野睇.
巴士仲未到, 周圍行下~
食下雪糕先~~
真係冇乜人~
10:50分o既巴士o黎啦,,,,,,,,,,,,,,,,,,估唔到我只係留係川平灣70分鐘咁少~慶幸我尋日去o左黑島, 因為我原來o既計畫係尋日去川平灣, 今日去黑島~ 如果唔係掉轉o左兩日行程, 我就唔夠時間玩黑島啦.
無啦啦有驟雨~
11:35分返到石垣巴士總站,,,,,,,,我要去金城燒肉店吃大餐~ 由巴士總站大約20分鐘就到. 又係行到身水身汗~
點解要o黎金城食??我都唔知呀～ 因為咁o岩我參考行程o既兩個台灣人個blog都有提到呢一間金城好好味~ 所以估且一試~
中午食一定平過食夜晚~
又平又正~, 依希記得佢地好似話有個set 夜晚食要成4000yen, 中午食平一半咁滯喎,
而且每月1號燒肉都係半價.............唔知係咪全部肉呢??可惜今日係６月２１號～
以前係日本做過一年燒肉店ｐａｒｔ ｔｉｍｅ， 所以都識得睇大部份ｍｅｎｕ～ 如果食其他， 例如西餐之類， 我就唔識睇啦．
我叫ｏ左個特上燒肉定食 ２５００ｙｅｎ～ 佢地強調係石垣牛肉～
３個唔同部位ｏ既牛肉～
燒肉之中我最鍾意食牛舌～
店員建議我食石垣牛舌 １６００ｙｅｎ．．．．．．
佢條脷真係貴 １６００ｙｅｎ 只係得５片～
仲有雞軟骨都係我非化～ ３８０ｙｅｎ
日本呢ｄ至係雞軟骨吖嘛．．．．點解香港個ｄ變成第二樣?
定食仲有沙律, 泡菜, 仲有麵鼓湯, 點食得晒? 早知唔要定食, 叫多d餸, 因為仲有一味我好想叫,,,,,
就係下面個幅圖~ yukke ユッケ 生牛肉加隻生雞蛋, 以前成日見到客人食, 自己就好想食, 又要留番下一次啦.
開餐啦~
炭火燒........真係熱鬼死人,,,,,我懷疑我唔係曬黑, 而係係呢度燻黑
我至愛o既牛舌~ 要港紙30蚊一塊,,,,,,,,,又唔係真係特別正~ 有d失望~
食牛舌我用鹽燒~
特上肉都幾有肉味, 其實係好味o既, 但我覺得可以切簿少少,,,,因為食o左幾舊已經有d漏~
叫侍應細碗d, 點知都係好大碗~ 點食得晒~
真係幾好味o架, 又多汁又夠味
食到呢一刻已經飽到嘔~
仲有咁多配餸未食
已經好努力咁食,,,,,一來唔想浪費食物, 二來要坐5點幾機, 又冇飛機餐食, 所以點都要吃晒落肚至得~ 之後飯氣攻心, 幾想係店內睡個午覺~ 哈哈哈
仲有奶茶飲~
呢一餐都算叫做豪啦......... 飽到上心口. 下次再去石垣一定要再食~
食飽仲有2個鐘行~ 四圍行下
orion 沖繩地到啤酒, 幾易入喉~
石垣市 公設市場, 即係香港o既街市, 樓上有乾貨手信賣, 地下有肉有菜賣~
手信確實比外面平少少
外面仲有幾條手信街~
石垣島o既 7-11~
coco~
17:10分飛機~
靚女地勤~ 笑容可恭
真係有禮貌到同我地揮手拜拜, 直接遠離我地視線
又再次返到那霸~ 去super 買今晚o既晚餐~ 真平~ 25yen一串, 同我尋日係石垣島買100yen一串, 只係1/4價錢~ 當然個d會好食d
好想偷運軍火返香港玩~ (早幾年偷運過一次, 仲有一包未玩~
)
)
上次住個間房已經比o左一家3口住~ 二樓同呢間比我揀,,,,緊係呢間啦,
係老闆娘隔離, 唔洗驚鬼~
中午o既燒肉仲係頂住心口~ 唔係d火龍果咁鬼貴........我就食生果算啦....
所以今晚晚餐係食杯麵 + 串燒~ 最後呢碗麵都係食唔晒o既~!!
心曠體胖, 就係今晚我坐爛o左民宿張櫈~
(好彩碗麵o岩o岩放o左係枱上面) 一聽到電話響就騰晒雞, 老媽打o黎話我知香港打緊風...........................講多兩講,,,,,,,,原來老媽唔知我去o左日本, 仲以為我去o左台灣............
唔怪之得講佢知去沖繩旅行佢都冇鬧我啦.
(好彩碗麵o岩o岩放o左係枱上面) 一聽到電話響就騰晒雞, 老媽打o黎話我知香港打緊風...........................講多兩講,,,,,,,,原來老媽唔知我去o左日本, 仲以為我去o左台灣............唔怪之得講佢知去沖繩旅行佢都冇鬧我啦.
早d瞓早d瞓, 聽日要坐8:00車去名護市 (車程2個多小時)睇水族館~
88
- 亞洲,
- 回應 (12)
- 引用 (0)
- 永久連結
- 我也很喜歡沖繩！我們去石垣島時、住了和你們一樣的地方！（サンエー前的hostel）。
- 回覆
- LUNAさん～広東語ってお分かりでしょうか？中国語とちょっと違いますが
、、、
- 私ね、沖縄より竹富島の方が好きですが最近台湾の澎湖へ行って、”変心”しました
- LUNA,
- 我本來喜歡竹富島多過沖繩島,
..
- LUNAさん～広東語ってお分かりでしょうか？中国語とちょっと違いますが
、、、
- 私ね、沖縄より竹富島の方が好きですが最近台湾の澎湖へ行って、”変心”しました
- LUNA,
- 我本來喜歡竹富島多過沖繩島, 但最近去了台灣的澎湖, 變了心呢~
- 好呀 ! 夠盡興呀
- 回覆
- 有時真係希望愈大, 失望又愈大, 但又會有意外驚喜喎... 哈哈.. that's life ..
- 回覆
- 真係好清喎! 泰國睇的好鬼濁.
- 回覆
- 我仲以為係哈文車添?
- 回覆
- 你個meal 好正啊....等我plan 下今年去邊先
- 回覆
- 真係幾清 wor
- 回覆
- cowcow,原來妳唔聲唔聲去咗沖繩啊 !
- 早知同妳去啦 ! 個度風景真係好靚啊 !
- 回覆
- 個燒肉餐好正呀！
- 回覆
- 川平灣 都幾靚喎、係唔係少咗啲開心院友所以差少少呢
- 回覆
- <<… 我又見到彩虹啦~ 今次仲係雙彩虹 …>>
- 見到雙彩虹Ge意思係；今日會食餐飽 食燒牛舌係我非化、諗起都流口水
- 回覆
- 個燒肉餐好正呀!
- 攪到我又想去食韓燒添!
- 回覆
沒有留言:
張貼留言
睇完求其實番兩隻字啦~