第4天~日本語同學會聚會@高記
想當年90年代初,,,,,,,因為唔識英文所以走去學日文....
唔知點解好勤力好勤力返學..............一次係地鐵見到個
係日本領士館讀o左幾年o既女士, 佢居然話唔係全部識聽,
咁我一星期至返一日o既堂其實咪冇用囉?
因為6哥有同學去o左日本讀書, 之後入o左日本商社, 所以
我膽粗粗寫信比呢位6哥同學幫我攪去日本.
最後........得o左. 攞o左學生簽証, 慳o左經香港代辦費
想當年唔易申請美國簽証(我講我啦),所以攞到日本學生visa即刻走去
美國領士館簽埋美國visa, 其實唔係諗住探亞哥, 而係諗住探LA o既中學同學
呢部相機廿一年前攞埋去日本, 想當年準備出發,
鍾意影相o既4哥送o左30筒菲林比我,,,,,心諗~ 吓~! 亞哥,
做乜咁得意送咁鬼多菲林比我呀??
菲林機.........尋晚攞番出o黎睇,,,入o左電都唔知有冇開關制, 唔識郁~
其實依家諗番, 多謝都o黎唔切, 係日本第一年, 我真係影o左好多好多相
92年香港出發去日本~ 攝於啟德機場
(當時有10幾廿人送機
, 想當年出國仲係一件大事)
, 想當年出國仲係一件大事)
左邊姪仔都已經結婚生仔了.
呢本係我廿年前o既記念冊
92年3月到日本第2日影o既証件相,
笨cow唔記得要影4次, 所以影完第一張就準備走人
呢張肥cow係94年1月尾準備離開日本回歸香港特登走去影, 以作記念~
94年2月返到香港和香港同學聚會時影~
打開記念冊睇睇
係日本, 我同呢3個同學最老友~ hobi & harue 係呢20年, 每次去台北必見~
新加坡同學秀妮今年11月底我地係台北又有一次聚會~
HOBI
hobi寫比我的~
HARUE
一齊爬富士山的馬來西亞同學, 睇蠟筆小生學日文,
2000年初有去過探佢之後就失o左聯絡啦~可惜可惜
新加坡學姐, 依家係line有聯絡
中間係日本語老師
好有心機教日文o既杉山老師, 不過佢唔多識教,
往往講一大爛餐至明佢講乜~
(請容許我不敬)
(請容許我不敬)
高橋老師就教得好好啦~ 一針見血一講就明
另一位新入行o既日本語老師寫的.....佢有生以o黎第一次教日文,,
所以非常不安, 但係cowcow全班得一個人上堂都出席, 所以老師覺得好開心....
唔係自己讚自己,,,
我其實真係一隻牛,,,,,係好勤力o既,,,,,,,,,
我其實真係一隻牛,,,,,係好勤力o既,,,,,,,,,
第一年畢業, 全校4班100人左右,
得3個人攞"皆勤獎" (不遲到早退唔返學), 唔好見我依家成日蛇出去....
其實我真係迫不得已放慢手腳
我唔想o架.......
我唔想o架.......
一齊打工o既日本後生仔~
叫我唔好咁認真.......叫我玩多d.........
仲叫我下次織件冷衫比佢
仲叫我下次織件冷衫比佢
第一年係超市做PART TIME的太子爺,,,,,同我同年記,,,
,2008年再去探佢, 相隔15年, 佢已經唔記得我, 反而佢媽媽仲記得~
下面個d相係第2年另一間日本語學校, 雖然開心,
但係冇第一年咁開心, 而且冇一個同學有聯絡了
一齊打工的韓國人&泰國人, 佢地全部黑市打工, 搵夠返自己國家~
爛蓄茄其實係日本劏房識o既~ 係日本識o既3個香港人仲有聯絡啊, 包括U頭~
日本妹kazu, 因為beyond所以我地認識了~(扮不良少年
)
)
KAZU帶我去唔記得邊度參觀
去KAZU屋企~ 我記得係佢媽屋企磅重.........當時歷史新高132磅~
回歸香港好快瘦番啦~ 杉山老師o黎香港探我~ 順便帶佢落老媽隻船睇睇,
因為係日本時我話我住係船,
佢地覺得好不可思義~
想當年完畢...............我地幾個月前約o左今日12點食飯~
因為其中一個係日本讀完大學嫁比日本人的菁菁,
一家回來台北探親, 所以順勢攪一個聚會.
2013年8月17日星期六 地點:捷運忠孝復興站的高記~
今日有6個同學
有d帶媽媽來, 有d老公陪, 有d帶朋友,所以b朋友唔怕悶同我地一齊食飯~
我最初以為高記食小籠包, 點知今日訂o左套餐~
(只影o左幾張相, 因為掛住傾計, 影相)
從hobi口中知道呢餐大約台幣13,XXX(HK$3,6XX).........其實價錢OK,
好多餸, 12點坐到4點,
點知最後唔洗我同菁菁夾錢, 理由係"有朋自遠方來"......實在太過意唔去啦,
菁菁一家四口, 我同B朋友兩個.........5個同學比晒實在唔好囉, 不過任我點話
比番錢佢地都唔肯收~
好, 下次o黎香港一定要通知我~ 請假都要帶你地去玩去食
日本人真係嚴格, 做課長的菁老公教細女點倒酒,
原來酒的招紙要向上........
汗.......做o左快廿年日本公司都唔知.
汗.......做o左快廿年日本公司都唔知.
小錦,,,,,下次一定要去嘉義搵你啊~
係日本畢業之後幾年, 每次去hobi屋企都會住係hobi媽屋企~
所以同hobi媽都好熟~
校花~
傾o左4粒鐘仲未夠皮, 再去M記~ 咁大棚人都比我地搵到位~
諗住呢餐我啦,,,,,點知都係唔肯比我比~
傾多粒幾鐘真係要散水啦~ 傾得真係開心.
下次再見啦.
轉過頭
帶o左b朋友去美麗華行下百貨公司, 大型超市 
點知hobi話佢老公夜d話車我地去行夜市~
饒河街觀光夜市..........應該係我第一次o黎~
好鬼多人, 多o野食多o野賣過寧夏夜市,
如果唔係hobi兩公婆帶住我地o黎, 我同b朋友都應該狂掃街,
依家唔好意思咁~ 
佢地帶o左我地去食呢間人氣麵線
唔同阿宗麵線咁杰tata. 都幾好味.
之後見到小籠包又食~ nt80 (hk$21.5) 現場包現場蒸, 正~!
蛋黃栗子肉糭, 只有5成熱, 如果10成熱辣辣應該仲好味啦
NT50(hk$13)
呢d我都想食,,,,不過最後冇食~
食飽hobi帶我地去餵蚊~
抖下吹下風都ok o既, 香港人應該學下點樣放慢腳步啦~ 
今日就係咁過去啦..........................聽日第5日, 返香港啦.
- 回應 (23)
- 引用 (0)
- 永久連結
- 你好快手呀! 成個旅程真係巧開心呀!
- 有朋友! 有靚景! 有美食!
- 嗚嗚嗚! 我自己個BLOG都未寫完，雅虎就話要執!
- 你個BLOG搬去邊記住SHARE出黎呀!我仲想睇你去澎湖既遊記! =)
- 顯示全部回覆 共5則
- 呀苦咁樣，搬去邊好呀，google既BIOGGER 好似唔錯
- 顯示全部回覆 共4則
- 分享了你的快樂回憶, 好多正能量在發放著呢? 精彩呀! 謝謝你!
- 回覆
- 回覆
- 咁多年都仲有聯絡,真係難得!
- cowcow個樣冇乜點變喎!同禧哥媽咪好似樣.
- 回覆
- 請問你有冇FB 架?
- 有嘅話, 可唔可以喺FB ADD 你?
- 顯示全部回覆 共3則
- 牛牛既人生用精彩黎形容都冇乜錯..........！好羨慕呀！想當年既相我自己都己經唔敢睇啦！
- 回覆
- 這種友誼難能可貴
- 看到多年朋友這份心情難以形容
- 還有nikon n2020
- 想起多年前的 F601
- COW COW 的回憶也令亞飛勾起當年拍照時情景
- 妳的深藍長裙想到柏原芳惠
- 回覆
- 你依家日文一定可以溝通到啦.
- 回覆
- 好珍貴的回憶和友誼.
- 回覆
- 超過20年的友誼仲keep 住...羨慕
- 有人車但食得冇咁盡興, 下次你揀邊樣??
- 回覆
- 回覆
- 呢篇好正, 不得不回：
- 睇住一半, 回住一半先:
- 1. 妳根本係日本人(樣) 啦, 駛乜鬼去學日文!?!?!?!?!?
- 2. 即影即有趣事, 相信大家都各有經歷, 但妳贏在 keep 到 now～～～
- 4. 新加坡學姐 可唔可以介紹我識
..
- 呢篇好正, 不得不回：
- 睇住一半, 回住一半先:
- 1. 妳根本係日本人(樣) 啦, 駛乜鬼去學日文!?!?!?!?!?
- 2. 即影即有趣事, 相信大家都各有經歷, 但妳贏在 keep 到 now～～～
- 4. 新加坡學姐 可唔可以介紹我識
?
- 5. 我以後都唔寫情信俾妳喇, 唔想第日見到刊登在妳 blog ~~~
- .............待續 @@
- 顯示全部回覆 共12則
- 1. 呢個答案無懈可擊了@@
- 2. 妳有冇計過妳啲相有冇 keep 過一億張???
- 3. 明明有 3, 唔知邊個剝咗我 ~~~
- 4. 識之嘛, 關咩老唔老事呢?
- 5. 妳啲嘢..... 好難講㗎 ~~~
- 1.
- 2. 尋晚搵番d 20幾30年前o既菲林底片,,,,好大劑, 唔知點處置
- 3. 原來係色誘
- 4. 咁你講多個理由我就幫你問下學姐啦
- 5. 你識我咁鬼耐,有冇見過肥仔d字蹟呀?? 有你先好砌我生cow肉喎
- 2. 其實 keep 相真係好..... 近十年八年我啲都係數碼相, 又懶得晒, 又懶得整理, 又懶 backup (我真係好懶@@), 一係就唔知放咗邊, 有啲就死電腦時消失晒 (堅係慘事)........... 可惜都回不了頭喇 ~~~
- 3.
..
- 2. 其實 keep 相真係好..... 近十年八年我啲都係數碼相, 又懶得晒, 又懶得整理, 又懶 backup (我真係好懶@@), 一係就唔知放咗邊, 有啲就死電腦時消失晒 (堅係慘事)........... 可惜都回不了頭喇 ~~~
- 3.
- 4. 妳記住都係比我廿年前嘅相佢睇wor ~~
- 5. 諗落又係 ~
- 2. 轉o左數碼, 好彩2002-2009開舖要相我都曬唔少相, 之但係2010年之後就極少曬, 連去旅行都唔曬相最大劑, 不過我依家都整理緊, 間唔屎都抽D靚相出o黎曬, 如果唔係, 再老d就冇得攞番出o黎寫blog啦~ 我都有你o
..
- 2. 轉o左數碼, 好彩2002-2009開舖要相我都曬唔少相, 之但係2010年之後就極少曬, 連去旅行都唔曬相最大劑, 不過我依家都整理緊, 間唔屎都抽D靚相出o黎曬, 如果唔係, 再老d就冇得攞番出o黎寫blog啦~ 我都有你o既經驗啦, 死o左部電腦冇晒d相, 好彩都叫做有曬相.依家我想燒碟但又唔識燒
- 4. 你都未講多個理由我知點解我要介紹你比學姐識~
- 5. 砌我唔入SIR, 放我走未??
- 2. 可能我要到退休先有時間整理啲相了 @@
- 4. 因為我想學新加坡口音嘅日文
- 5. 一場嚟到, 食埋盒犯人餐先走啦, order 咗唔好浪費 ~~~
- 2. 咁你可以失去好多回憶o架~
- 4. 好啦,幫你一次咁多啦.
- 5. 有得食唔拘喎, 下次去搵你一齊食~
- 2. 值得回憶嘅............ 永遠在心中 (加個Chok表情)
- 3 + 4. 就請妳食多餐 犯人餐 啦 ~~
- sir~! 你攪錯啦~ 係4 + 5呀~
幾時寫埋個一半呀? SIR@@
- 好, 做埋手頭上嘅嘢就寫埋個一半先得 ~~ ( by the way, 其實手頭上嘅嘢亦因為同妳happy 互回 blog 而擱置了 @@)
- 吓............歸根究底原來係我o既錯.............咁我c o左去好啦
- 唔好話两年，我七年學習生涯轉眼就過去了!我那幾，同樣精彩啊。
- 回覆
- 真係唔理有冇錢, 出外擴闊下自己眼光都係一件好事, 就算冇錢, 依家有working holiday visa, 幾大就幾大一於跳出香港啦, 那管是出外洗廁所. 可惜我已經超晒齡.
- 嘩~~~能夠做到咁耐朋友,真係好講緣份
- 好似依+瘦D喎
- 回覆
- 94年的肥cow
- 回覆
- 哈哈！妳當年肥，我以前好瘦，想當年，真有趣。
- 回覆
- 哈哈！不堪回首話當年，果然是一件「肥Cow」
- 回覆
- 我跟你一樣，面對自己部咸豐年代的單反，都有奈何之感！
- 顯示全部回覆 共3則
- 其實係咪仲影得呢??
- 內裡電子應該expired，唔 Work 喇！就算 Body 真可以郁得，鏡頭表面 Coating 已經脫落不少...影出來的相會變色走樣，算吧！做古董啦！
- soka! 冇計啦~放番入床下底先~
我見個鏡頭好似有好多塵咁啊~
- 勤力cow, 讚
- 顯示全部回覆 共5則
- 人大了進入不同階段, 心態會不同.
- 以前我也覺得人生應該是有幾老做到幾老, 依家又咪覺得提早退休就好
- 2013年8月28日下午5:51
呢樣絕對同意, 係我未有牛牛病之前每年都放唔晒d假, 依家年中已經放晒個年o既假~
其實冇牛牛病, 我一定仲係一隻只會做o既牛, 搵多錢可以洗多d, 買多d o野, 依家星期一返工已經想快d星期六日可以去玩~
part t..
呢樣絕對同意, 係我未有牛牛病之前每年都放唔晒d假, 依家年中已經放晒個年o既假~
其實冇牛牛病, 我一定仲係一隻只會做o既牛, 搵多錢可以洗多d, 買多d o野, 依家星期一返工已經想快d星期六日可以去玩~
part time? 唔阻我去玩都會做o既~ 哎呀, 仲有9年至退得休~~~~~~~~~~
- 你簡直是高層啦, 有假都放唔哂
- 對於假, 我從來都是像貓食魚, 食到個碟'立立令', 骨都無. 最好放埋no pay, 嘻嘻~~
- 以前真係唔得閒放假o架........忙過依家九仟萬倍
依家收緊息,享緊福囉, 改變唔到環境就改變自己心態啦. 我都有諗過放no pay leave o架....不過仲未去到個步o者~
- 饒河街夜市是我去台北必到的地方
- 顯示全部回覆 共8則
- 可以坐捷運去嗎??
- 捷運行好遠, 每次都坐火車, 好近火車站
- 哦....特登去坐火車,不過依家坐o左幾次火車, 都唔怕煩, 咁下次試下坐火車去~ 3Q
- 台北坐至松山站都幾方便~~唔覺得煩喎, 可能我多數住台北車站附近
- 以前唔識搭火車o架, 又懶得去試.
依家捷運都有松山機場站喎, 去唔去到呢??
- 爭十萬幾千里路呀, 去唔到架, 一個西一個北
- 最近的捷運應該是後山埤站, 但要經過五分埔商圈才可到饒河街, 我行過, 好遠
- 應是一個在東一個在北
- wow, 咁都係搭火車算啦
- 又話有 假髮 … 邊處有呢 ， 著裙就有
- 回覆
- 一班人keep到友誼咁耐已經難...仲要在遠洋四方...勁啊
- 回覆
沒有留言:
張貼留言
睇完求其實番兩隻字啦~