無敵正的9天北疆之旅~day1
2013年2月10日大年初一~ 出發~!!!
3日前執好個篋~ 爆晒棚, 今次唔同上次去台灣登山, 盡量少o野,,,
今次係可以帶, 必須帶我都想帶,
所以我帶埋睡衣& mask去~
廁紙都帶o左兩卷
綠色防水外套哥踢屎買o左都兩年幾3年, 第一次開封~
另外兩件都係羽絨
再帶多件背心超薄羽絨, 2頂帽, 一個院長唔o岩送比我用o既藍色面罩,
仲有spare 眼鏡+ 太陽眼鏡
衫都帶唔少,,,,快乾衫4件, 1件fleece外套
仲有幾對快乾襪& 防水手套
kitty仔睡衣, 2條防水褲, 2條行山褲, 仲有一條打底褲
當然一定唔可以缺少o既雪褲啦~~~~~~得意姐意見一定要買~~
得意姐 & 院長佢地去完南北二極,,,,佢地o既意見一定要聽,
之但係呢對我想買與不買之間的雪鞋都考慮o左好一陣子.....折o左500幾其實都ok,
我考慮o既係我以後點樣處置呢對鞋
.
.
不聽佢地言, 吃虧在眼前啊
,,,最終都買下來~~~~~~~~~
,,,最終都買下來~~~~~~~~~
負40度喎,,,,,不過去完今次北疆之旅,,,除o左鞋之外,
襪都好緊要,,,,我最多著住3對襪+ 呢對負40度o既鞋,
如果企定定唔郁都會腳指凍o架~ 所以鞋可以買大大大d都唔緊要.
因為可以著多幾對襪
我試著對鞋,,,,覺得自己好似著o左拆彈專家對鞋~
就咁睇好似好論盡, 但係去到冰天雪地就天下無敵啦~~
(防水行山鞋都頂唔順新彊咁凍o既天氣o架,
仲有就係行山鞋會跣, 呢對雪鞋就好穩陣啦)
9日坐車, 當然唔少得帶零食上去啦~~
(結果係....16個人....個個都帶一堆, 卒之食唔晒, 最後都食剩要帶番d返香港
)
)
最初我準備帶2個杯麵, 以備不時之需, 最後行李爆晒,
唯有只帶一個上去,,,,,,不過其實當地有好多康師傅賣
(大陸品牌)
(大陸品牌)
(9天行程食o左3個杯麵,,,,last一個係烏魯木齊候機室食,
唔係唔夠飽冇飯食, 而只係口痕o者
)
)
得閒真係好,,,,,除o左借G12比我,,,仲有3粒spare 電, 就算住牧民家冇電charge都茅問題,
點知我以為落後的牧民家一點都不落後,,,大把電~
執正行李,,,年初一坐零晨5點半直通巴士去深圳機場,,,,,
咁....年廿九食完團年飯當然要陪老媽打番場麻雀啦, 新麻雀o黎o架~
結局係cow同老媽一齊發了新年財
老媽屋企2點機清場,,,,,約o左院友們5點係太子集合,,,
都唔知瞓定唔瞓好,,,,,好彩電視做緊嚦o古嚦o古
算啦, 都係早d出門食個"宵夜"先上路好d~
準時5:30開車~
45分鐘左右去到黃崗關口
今日好順利, 7點過d已經到深圳機場~~~~ (呢張相約7:08分)
去程已經17.8kgs 
check in完再去m記食個靚早餐~
大約9:10分起飛.........原來由深圳去烏魯木齊係好鬼耐o架...
偷影~
好快大約10點又有o野食~
餃子~味道唔錯喎~
已經坐o左成3粒鐘........坐到屁股痛~起身鬆一鬆先
用唔慣得閒部G12,,,,最後要勞煩院長幫我轉番中文版, 又勞煩得意姐幫我調較部機~
最唔鍾意坐飛機o既我,,,,,已經坐o左5粒鐘....真係好彩有成班fd傾計, 如果一條冷坐,,,,真係想屎啊~
...原來到烏魯木齊前空姐會帶領我地做下d鬆筋操,,,,,(又偷影~
)
)
終於到烏魯木齊啦~ 已經係14:53分......
嘩~ 雪啊~
已經3點~~~~ @_@
一踏出機場同亞烏都好興奮~
急不及待影相~
急不及待影相~
就係為o左影呢張相,,,,,將得閒部G12 P o左落地
(sorry sorry, 雖然仲影到相,表面冇乜傷痕, 但唔知內傷有幾重)
我地16個院友分坐5架四驅車~ 我地編o左係3號車, 呢位係我地o既師傅~ (原來大陸唔係叫司機
)
)
影番張全體相就出發 
機場外貌~
市內
大約40分鐘至到酒店
房間唔錯啊~
上上廁所之後同亞烏出去行個圈~~~~~~影影相~ 呢間酒店係五星的~
頂唔順,,,,要上番房加番件羽絨,,,唔知依家妁多度呢?~~~~~
一齊行下街, 去下超市~
依家睇番, 呢間超市都幾平, 最後我買o左兩個杯麵, 一包9隻鵪鶉蛋 &
一罐沙丁魚<----呢罐罐頭最後o既命運唔係落入我地肚,
而係回程時過唔到關而放棄了
(陪足我9日, 真係唔捨得)
(陪足我9日, 真係唔捨得)
(等吃飯中~~~~) 原來烏魯木齊好晏至會天黑, 聽得意姐講當地人好似係自己較時差, 比北京時間遲兩小時, 但國家係唔承認o既
唔洗7點有飯食啦~~~~~~
當然唔少得羊肉串啦~~~ 10幾年前返東莞出差, 我最鍾意就係夜晚走去食串燒, (實情係唔敢一個人瞓
)
)
又係上海食過$2串的羊肉串我都覺得好好味, 所以去到新疆緊係好期待啦~
唔知新疆依家賣幾多錢一串呢??
仲有呢隻唔知咩名堂的麵,,,
d油多到好似唔洗錢咁o既炒飯,,,,,,,,(可能真係唔洗錢,,,用番d動物脂肪)
o黎啦o黎啦~ 有得食~!
d食身水準都幾好味, 只係油多o左d, 羊肉串比我感覺係好厚肉, 我還是懷念上海與東莞的A貨羊肉串多D 
唔知講緊乜呢?? 咁好笑o既?
食o左大約一粒鐘就飽飽走人了~
未著雪鞋, 所以要小心唔好跣倒~
主持Alfred先生講緊聽日行程
大家梳洗完齊齊完就去豪華團間房開大餐,,,,話晒今日都係大年初一嘛~~~~~~
各自交換零食~
快快樂樂第一天~~~~~~ 明天請早~~~~~~
明天向布爾津進發~~~~~
- 回應 (25)
- 引用 (0)
- 永久連結
- 牛牛
- 你影相主力係影人，所以大家既相都有唔同既感受，睇你影既相感受到每個人既表情及歡樂。
- 回覆
- 早幾年看旅遊節目，發現烏魯木齊已發展得很像深圳了，今日見您的遊行，果然是！
- 回覆
- 你都帶咗好多衫喎!
- 回覆
- 睇來 跌落地的G12 好硬淨啊！
- 回覆
- 雪鞋好有用；零食就冇乜用呀！
- 回覆
- 睇見你要帶咁多件衫就知有幾凍, 真係驚會凍到頭痛架..
- 我最愛食.. 串燒..
- 顯示全部回覆 共3則
- 著咁多衫好溫暖, 得意姐話最緊要個頭,手指&腳指呀,,,,所以問朋友借了溫暖帽, 手指就冇計啦, 因為要影相~ 腳指好彩都有帶夠襪, 仲有好彩有買鞋.
串燒我都係鍾意企係度等佢燒, 燒一串食一串仲好味~
- 所以我耐唔耐都會去.. 元朗.. 食串燒..正..
- 好正o架??邊度呢??
- 去度呢d 冰天雪地我有一個好傻的問題....
- 吐啖出黎的時候/柯尿時, 係咪一出一陣就變冰柱呢? hehe
- wah 我唸我唔使去了, 要帶咁多野
- 但你個樣一 d 都唔似凍
- 回覆
- 哈哈哈,,,乜凍有樣睇o既咩?? 呢兩日其實都係零下6度~10幾度, 第3日會凍d.
- 如果你有食刨冰呢樣o野呢,,,,,就知啦, 一堆冰淋上糖醬之後咁o既樣之嘛,,,,唔會變冰柱,,,因為d尿係熱o架~ 淋落d雪度就好似穿o左個窿咁o者~
- banner張相正呀！我都copy左囉！
- 回覆
- 對鞋好抵
得意姐真係好介紹
嘻嘻,你帶左好多嘢去呀，我去旅行都會帶卷廁紙
- 回覆
- 北疆雪景好靚呀
去程坐5個鐘o.k ma？
- 回覆
- 多謝妳個杯麵呀！
- 顯示全部回覆 共2則
- 睇番每張相都咁開心，充滿歡樂！
- 真材實料的羊肉串竟然不及A貨不知什麼合成的『肉串』？
- 回覆
- 對雪鞋好得呀！一定好掂！好刺激的旅程！我好怕坐飛機！仲要係細飛機坐咁耐！有無氣流？冇計呀！要旅行就要坐飛機！
- 回覆
- 胖手機來留位先,等有新腦才來看。
- 回覆
- 羊肉呀.......流哂口水呀
真係咁凍？個個都包到隻儍咁
- 顯示全部回覆 共2則
- 好壯觀的雪景呀!等待看笫二集.
- 回覆
- 期待下一集
- 回覆
- …原來強國飛機上…有靚女喎…
- 回覆
- 5仔，期待下一集，追追追
- 回覆
- 要不要教唯語條片?
- 顯示全部回覆 共5則
- 噢噢,五仔呀!
- 回覆
- 好彩都有第四
- 回覆
- 空姐教甩手操, 我向飛哈爾賓都做過, 唔知是咪國內長途機就有呢?
- 期待day 2~ 快d 寫
- 顯示全部回覆 共3則
- 最快你啦！
- 回覆
- 機上的雪山景好靚.....不過我好怕凍
- 無返咁上下裝備都唔洗旨意去,你D裝備好強呀~~等你DAY 2呀~~
- 回覆
沒有留言:
張貼留言
睇完求其實番兩隻字啦~