hea唔晒台北之旅~(day1)
話說爛蕃茄12月24號公司放假可以唔洗請假就連放5日,
"嬲"我去台灣, 問問機票....嘩..........3000蚊啊 唔制~!
一條冷book o左14號去
後來比佢地知道就齊齊去,,,,hea遊變成壓力遊~
其實幾年前我已經帶過佢地去台北,,,,不過u頭居然唔記得,,,,哈哈哈
緊係啦, 個次我真係"帶"佢地去台北, 跟住就自己遊, 我都冇理佢地~
唯一一樣記得係我好怕黑, 我同u頭一間房, 兩張床, 我又係驚到要痴住佢一張床瞓,
不過點講, u頭都係唔記得~
hea遊, 所以我唔想搭8:20個班機,,,,10點已經極限
2012/12/14 DAY 1
雖然食o左早餐, 但都食得落, 可惜呢個飛機餐又夠硬, 硬到食o左d餸就食唔到啦.
機場價3.614.............香港百年係3.65
,,,不過佢地3個都係係台灣換算啦, 差少少o者.
(一人換o左hk$3000, 用唔晒台幣可以換比我, 等佢地放心d換)
(後記:我係台灣碌o左aeon咭, 3.7啊, 所以係台灣應該買o野碌咭會著數過比現金)
23度真係熱鬼屎人....
又話去邊都得, 點知出發前一個星期爛蕃茄話想去平溪十分"睇"天燈.
因為有兩日我要搵台灣fd, 所以除o左第一日可以去之外, 其餘3日,點度都度唔到時間,
唯有諗包車, 落機直接去, 諗住豬窩會平D, 點知知我地由機場直去, 居然報我價NT4500
太貴啦(台北豬窩出發就nt3500), 所以急急搵何老闆.
開口就NT3500~! 平靚正
8月見何老闆時已經覺得佢冇乜笑容,
點知佢9月做大大老闆之後, 容顏更覺憔悴,心事重重. 雖然如此,
專業仍舊, 意見中肯, 佢話去平溪當然係坐火車好玩d啦 (我知啊
, 不過唔夠時間嘛....)
, 不過唔夠時間嘛....)
聽完何老闆意見,,,,,終於選擇了返到台北放低行李去搭火車~(nt1000)
佢地話何老闆架車好舒服~哈哈哈....何老闆仲有幾部新車tim呀~
爛蓄茄手痛影到唔清唔楚~
笑多d啦, 何老闆~ 錢不入苦門啊~
(蘇花公路到新年都行唔到車, 做包車的何老闆一定苦透, 希望快d整番條路啦, )
加油啊, 何老闆~!
何老闆的咭片~ 有需要可以e-mail比佢或facebook佢~
(記住唔好三更半夜打比佢啊~)
放棄10月住過的橙舍hostel而改住8月住過的豬窩日租房,
4個女仔還是住呢d舒服d, 尤其係怕黑o既我, 有3個人陪我,
所以最爽就係我~
不過現場同相片就真係有d出入啦~
禪風1515/1420 平日NT$2500假日NT$2800 相幾靚~!
現場就係咁啦~ 
2張大床, 一張係梳化床變成的~ 淋就淋o左D, 都算OK啦.
都係對住君品酒店,
但係車聲好嘈,,,,比起上次8月住另一房時差好遠啊.
呢晚瞓覺仲聽到唔知邊度有人講o野, d聲好近, 好似樓下聲,
但係我地住緊15樓喎,不過唔似鬼聲, 所以我就冇有怕啦~
(可能係樓下露台傳上o黎)
(可能係樓下露台傳上o黎)
放正行李就去台北車站坐火車去平溪啦,,,,臨時改坐火車,
我完全冇做資料搜集,
好彩何老闆有講過下, 爛蕃茄又記得何老闆講過D乜
去到車站又有職員幫手, 所以順利買票~
NT$59咋~! 約HK$16 坐40分鐘左右到瑞芳車站,
因為買即場飛,,,所以呢....冇得一齊坐, 不過職員都好幫手,
搵到同一卡車, 好過個個都唔同車卡啦~
香港d線咁簡單,,,,台灣就比較複雜啦, 當然比起日本就冇得比啦.
都未食午飯, 各人係7仔買o左2件飯團+飲品上車,,,,,
車未到就先開餐~
604班次,,,,對準d唔好上錯車~
好準時~ 40分鐘就到瑞芳站,
跟住再去窗口買"平溪線一日券"
一日券都只係NT$52 約HK$14.5,,,,抵~ (本來搵何老闆包車, nt3500, 扣回去豬窩nt1000,
仲有nt2500, 4個人即係nt625,,,依家一個人係 (59+52) x2 =nt222, 即係一人平o左百零蚊港紙 ^^)
坐火車無無聊聊,,,,爛蕃茄攞o左d 舊台灣錢出o黎,,,,佢話係佢廿年前去台灣時收o既,
但我d台灣朋友話唔止廿年前喎,,,廿年前應該冇呢隻錢,,,,我都覺得係,
我25年前去,,,都唔覺 (唔記得)有用過咁o既錢,,,,最後爛蕃茄送晒比我~多謝晒~
平溪線其實有好幾個站,,,,青桐, 平溪等都好值得行下, 可惜我地今日唔夠時間,
因為爛蕃茄原來想去睇瀑布~~~所以我地一去就去o左十分車站落車
指示話去瀑布大約要30分鐘,
舊年去平溪睇瀑布時, hobi係帶我行馬路o既,,,,今次最初起步都算係馬路,,,,
但係行行下就唔同晒,,,,我完全冇印象行過呢個遊客中心
我仲心諗....嘩,,,,乜依家d路變得咁好行o既?? 唔同多o左好多強國人,
所以開o左條遊客行o既路?? 心急的爛蕃茄一馬當先~
一睇? 吓?? 咁d多多?? 就叫做十分大瀑布??
唔對路喎?
舊年去,,,,,個十分大瀑布係咁o架,,,,,我記得要比錢入一個公園再行去睇瀑布o既
我地向前望又冇路落去,,,,行返後少少有個嘆茶的地方, 又夠鐘閂門...入不得.
爛蕃茄好失望, 但都冇計啦, 我都唔記得條路係點行, 當時都有幾個香港人好似我地咁
行錯晒~
冇計啦, 唯有返轉頭影下相啦~
好快天黑啦,,,,,已經有唔少天燈放上天了~
有人放炮丈啊~
第一次去平溪的u頭瘦po, 睇o黎都幾興奮~
我決定要放天燈~~~~~~ ^^
4種色的天燈貴少少, 要nt150, 再加少少煙火效果+nt80,
不過老闆娘只收我nt200 (約hk$55)
其實要係天燈4面寫上願望真係唔易~
u頭真係簡單~ 
打直寫,,,,2句攪掂
打直寫,,,,2句攪掂
點解我咁豬,,,打橫寫~~~~~~ 諗到頭都大
開始放啦,,,,,,,,,爛蕃茄,,,你點揸機o架....?
又唔記得影短片tim
順順利利話咁快就飛o左上天~ (左邊係我o架)
明明平溪線好多o野食o既,,,,點解我地會餓住個肚返台北o架?
好彩仲有包蕃茄頂住檔~
19:15的火車返台北,,,,點知係站站停的慢車~~~~~~ZZzzzz 又餓又攰
今日唔係假期都咁多人, 聽日星期六仲不得了~
好彩身上帶住小蒙牛張咭片,,,,餓到屎屎下, 星期五唔知易唔易book位,
回覆8:45分有位,,,,o岩晒,,,,我地架慢車都係8點幾至到台北車站~
真係唔好睇少d女士,,,,食起上o黎真係,,,,,,,唔係人咁品,,,
上次冇食雪條, 今次終於食到~
台北hea遊第一日, 大家都食到好滿意咁返豬窩覺覺豬啦
2011年9月11號去平溪
- 回應 (14)
- 引用 (0)
- 永久連結
- 這篇有教點行喎, 你對下啦~~
- 顯示全部回覆 共2則
- 我第2次去O既時候, 有一條橋係封O左維修定係咩,,,,,,,,,,,所以關鍵可能就會個條路...
正話一入佢條LINK,
- 所以我pm囉
- hi, 我想包車. 可唔可以send何老闆既contact方法俾我?
- cherylcyy424@yahoo.com.hk
- 顯示全部回覆 共7則
- hi 羊咩咩, 我已經放o左何老闆張咭片上blog啦~
- 多口一問. 你係唔係識整架?
- E~ 即係我無認錯人啦... 我搵過你幫手...
- 弊~ 唔可以做錯事~ 我個cow樣咁易比人認得出~
- 我認人OK既~~
- 我成家大大小小去台灣, 依家BOOK車都唔知搵邊間好
- 何老闆OK o架, 佢唔會車你去買o野, 食o既又地道o野, 不過係約唔實時間會令我有點不安囉~ 你試下搵佢報價啊~
- 放天燈，『得閒』同『山水』都有份，好嘢！
- 回覆
- 我都想去放天燈, 台灣車站好好玩!
- 回覆
- 何老闆真係瘦咗喎！
- 回覆
- Happy New Year ! More travelling in 2013 !
- 回覆
- 又去?
- 今日睇到cx 去高雄, 我唸連tax 唔使900
- 回覆
- 2013就到啦！新年快樂！身體健康！
- 顯示全部回覆 共2則
- 又咁happy去玩,和好友們去一定玩得好開心啦﹗新年快樂﹗
- 回覆
- cowcow................ 瀑布行錯路啊...................
- 回覆
- 玩天燈幾好玩喎！「得閒」旅行...得閒兄一定好開心呀！
- 回覆
- 強力推薦(((((((((((((((((((((((((((((((((金瓜石))))))))))))))))))))))))))))))))))))
- 去唔去九份就罷啦...人太多
- 回覆
- 坐住第二把交椅先。
- 顯示全部回覆 共2則
- 今晚再嚟睇過！
- 顯示全部回覆 共2則
沒有留言:
張貼留言
睇完求其實番兩隻字啦~