DAY2台北清境日月潭5日之旅2
先睇下06年原班人馬d相~
去淡水, 我係網上搵o左一個業餘攝影師幫我地影相, 一路行一路影,
應該影到個女攝影師索晒氣~ 因為有兩條馬騮.費用好似係hk$500
熙哥回到未肥時...........
係咪好kawaii呢??
係咪好kawaii呢??
入番正題~
2012年8月27日星期一 day2 台北-->清境
有過上次的經驗, 帶老媽去旅行, 一定要比飽飯老媽食,
講真的, 老人家午餐晚餐都一定要食飯.
另一樣就係唔好要d老人家行路超過10分鐘而冇得休息.
如果唔係,,,,,肯定後悔自己做o左衰仔衰女.
好, 第2天
7點幾起身帶老媽去食早餐~! 中式早餐行得遠, 民宿對面就有一間西式早餐店
先o黎個蛋餅~ 老媽唔知係咪餓得滯, 定係忘了我的存在,一個人擦晒成份蛋餅
.
.
雖然係西式早餐店, 都有蘿蔔糕喎.
我呢件黑椒牛柳三文治都好正, d肉好淋~
2個嫩o既邊有咁早起身, 都係外賣啦~ 食飽就要出發去坐高鐵啦~
早鳥的意思唔係好早的班次, 只係要預早訂o者~唔係旺季班次都有唔少o架~
經網上訂, 我用aeon信用咭比錢, 匯率幾正啊, 有3.8幾啊
(我發覺aeon信用咭買日本o野都平o架)
到步第一晚我就去高鐵窗口換o左票先, 免得第二朝倒瀉籮蟹.
記住老人家 & 小童的票, 一定要出示passport呀~
敬老票 & 小童都係半價
準時9:30出發~
話咁快........49分鐘已經到o左台中~
諗起以前去台中入貨.....由台北坐巴士坐足3粒鐘, 真係坐到屁股痛
何老闆未到,,,,我地睇下書先啦~ ^^
本來係香港同何老闆溝通時, 今日行程係去中台禪寺, 再去清境放低我地o既,
之但係颱風天秤打番轉頭.........所以何老闆建議我地今日早d去清境, 因為趁今日仲有太陽,
去青青草原睇o左綿羊show 和馬術表演, 就算聽日打到o黎落大雨, 去中台禪寺都係室內參觀,
應該影響不大.如果聽日落雨就冇綿羊show睇啦
明白明白, 就按你意思去做吧~ 些些啊~
何老闆知道我地肚仔餓
先帶我地去食李仔哥爌肉飯~
先帶我地去食李仔哥爌肉飯~
(11:35) 
何老闆唔會求其醫包我地個肚,,,,,李仔哥....唔好睇少佢,
上網係咁易都有唔少人寫佢.....copy佢D料個o黎過先~(sorrry sorry
)
)
可是在埔里鎮上無人不知、無人不曉的老店面喔！
從民國68年營業至今，也陪伴著埔里人走過了快三十個年頭～
生意還是十分興隆～蠻受歡迎的喔！
過境埔里，前往盧山、清境的遊客們，
常選擇在這裡用餐～常是高朋滿座呢！
(想睇靚相就去佢個blog啦)
價錢平民化~
相太靚, 都係要多偷一張過o黎. ^^ 呢個就係爌肉飯 NT$60 (HK$16)
好似東坡肉咁正~ 細細碗細細舊~ 老媽一個人吃o左90%
湯青菜 NT$30 (HK$8) , 排骨飯 NT$70 (HK$19) 肉焿麵 NT$40 (HK$11)
香菇肉焿 NT$30 (HK$8) 粉蛤原汁 (湯) NT$40 X2 (HK$22)
梅干菜飯 NT$35 (HK$9.5) 魯蛋一隻 NT$10 (HK$2.6)
成餐飯加埋都只係NT$355 (HK$95)
粉蛤原汁 (湯) NT$40(HK$11) 好鮮甜
食飽上上廁所就走啦~
(12:00)
坐o左大約50分鐘,
經過九曲十三彎, 終於o黎到清境啦~當然要同地標-->老英格蘭莊園影番張相啦~
(12:47)
同何老闆影番張相先~ 我覺得何老闆比起舊年10月見面時瘦o左,
可能辛苦啦, 佢今次好正經啊~
何老闆的咭片~
熙哥同何老闆座駕影番張相~ ^^
10分鐘車程,,,就見到今晚我地住o既民宿~ 天星渡假山莊~
天星渡假山莊網頁, 聽聽佢地天星緣起~ 圓夢的故事~
都幾浪漫o架~
都幾浪漫o架~
我地book o左 頂級陽台觀景4人房 NT$3920 + 一人 NT$560
(HK$1,195)
景觀真係好唔錯啊~
裝修比我想像中舊o左少少. 不過都好乾淨
老媽急不及待瞓係梳化休息,,,,好彩搵o左何老闆o者~
,
,
如果自己坐車o黎, 唔知要坐幾耐~
經民宿買了清境農場入場券, 原價NT200, 依家有9折 HK$48,
再去現場買老人票 NT120 (HK$32) 小童 NT100 (HK$27)
民宿的左邊係餐廳~ 羽毛球場~
綿羊show係2:30, 差不多時間, 民宿老闆徐先生就開車車我地去~
2010年跟開心之家登完南湖大山之後去過清境, 當時的天氣好到不得了,
今日就差o左d, 因為有颱風嘛......不過當時冇綿羊show睇, 原來平時只係星期六日有得睇,
依家暑假, 除o左星期三, 日日都有得睇~
(用i窿影的) 呢個外國人的國語好流利, 不過呢場show我覺得麻麻,
覺得都幾殘忍, 因為呢位外國人對隻綿羊好粗暴.
睇完綿羊show, 本來仲有馬術表演, 不過老媽話想返民宿,,,,我同家姐無奈
要帶老媽返民宿.
回程冇車, 唯有行路
我地行o左大約40分鐘至到民宿, 不過因為都係落斜,
所以老媽都冇覺得好攰~
佢地難得行呢d山路, 都幾舒服o架~
見到民宿啊,,,,,
有時d路稍為急斜少少, 熙哥就伴住老媽行~ 驚亞婆跌倒啊~ 真係乖孫啊~
原來剛才的路就係壽山園區, 唔怪之得咁舒服啦~
終於有得休息下啦~~~~唔知係咪有得坐, 老媽笑到見牙唔見眼~
熙哥做乜咁chok呀??
仲未chok完?
最後行o左大半個鐘至返到民宿
開始多雲了~ 睇唔到夕陽啦
等緊民宿的下午茶 (免費的)
係咪好悠閒呀??老媽~
聽日天氣應該變差啦, 有得影就影了~
剛才咁o岩係市集見到何老闆, 諗住叫佢帶我地去食晚飯,
後來佢免費車我地到食飯處.....(我唔知個度叫乜,,,,就係前年有跟開心之家去過的地方^^)
海拔1743米的7-11, 當然要影番張相啦~
行一陣玩一陣至食飯~
買o左隻好可愛的綿咩公仔~NT190 (HK$51)~有乜特別呢??
因為可以除o左佢件羊毛衫o架~~~~~
係咪好得意呢~
有幾種顏色o架~ 下次見到佢買番隻返香港吖~
買買下o野老媽叫我地出去睇彩虹......嘩~~~~正啊~ 不過好快就消失啦~
今晚晚餐,,,,打邊爐.........雖然何老闆話過清境d火煱唔好食~
4個人叫兩個煱 再另外叫餸, 家姐話咁樣抵d, 呢個係昆布鍋,,,但一條昆布都見唔到~
仲有個係養生鍋, 味道都唔錯~
我覺得台灣食火煱, d牛肉食唔到牛肉味~ 
呢個散叫海鮮拚盤要NT470 (HK$126)
呢餐食o左 NT1390 (HK$376) 味道嘛嘛地.
食到8點,,,,以為有的士,,,,原來冇啦,,,唯有CALL去民宿求救,
諗住叫老闆代我CALL的士, 點知徐老闆好好人, 親自開車接我地返民宿.
如果天氣好, 晚上9:00, 老闆會同我地上天台睇星星的, 可惜今晚天晚麻麻,
我地11點幾再出o黎睇, 都只係得幾粒咋, 不過都好過冇~ ^^
加o左張床比我地啦~
今日買的手信~ 好甜的高麗菜干~ NT100/包, NT250/3包 (HK$67)
苦茶粉肥皂, NT100/一大條~ (HK$27)
XX乾 (老媽依家瞓緊覺, 我問唔到) NT50 (HK$13.5)
水密桃,,,,,,家姐係香港買30幾40蚊一個, 去到台灣佢又忍唔住買,
NT200一個 , 前後買了3個 , 比著我真係唔捨得買桃. (唔係我飛化)
NT200 (HK$54一個) ,,,之後有人話比家姐知, 原來台灣大的水密桃係進口貨,
細個個D至係台灣產........咪同香港一樣囉??係咪笨ｏ左呢？？
如果唔係有颱風， 我地打算上合歡山睇日出， 不過依家唔洗諗啦．
好啦， 早ｄ瞓啦， ８：００起身食早餐～
- 回應 (16)
- 引用 (0)
- 永久連結
- 和老人家一起去不能行得太多太急
- 回覆
- 亞cow,妳6年前同6年後,樣子都無乜變喎 ! 就算之前分享妳的年輕照片,我覺得妳變化不大,童顏耶~~
- 回覆
- 舊相個細路時....靚仔好多喎hahaha
- (你話佢知有人咁講, 等佢減下肥wah haha)
- 回覆
- 下次可以揾你呢個c 機喎
- 我帶老媽子同爸重有啊婆的話一定跟團, 唔使煩, 因為我老豆好鬼麻煩架....T__T
- 回覆
- 在台灣早餐到街邊早餐店買蛋餅也是一美食,好想吃爌肉飯,你們的行程也很棒.
- 回覆
- 帶老人家去旅行就係咁，不可以要她行咁多，總之倦就要休息，肚餓就要食嘢﹗
- 回覆
- 好靚的清境農場！好想去台中！下次學妳租車去清境農場！
- 回覆
- 睇到妳咁詳細介紹, 真係好吸引, 清境真的不錯去呢 ! 下次返台一定要去下先得~
- 顯示全部回覆 共2則
- ANNA姐, 快D組團帶埋我地去啦~ 台灣人帶我地玩, 一定正啦~
- cowcow,妳一年去幾趟台灣, 叻過我多多聲啦 ! 下次搵妳做領隊就真...
- cow cow 多謝同麻煩你.. 以下係我地初步頭3 日係花蓮既行程..
- ----------------------------------------------------------------------------------------------------------
- Day 1,
..
- cow cow 多謝同麻煩你.. 以下係我地初步頭3 日係花蓮既行程..
- ----------------------------------------------------------------------------------------------------------
- Day 1, Nov 2 (星期五)
- 香港-->台北-->花蓮火車站(取跑手號碼布)-->民宿(www.sunlu.com.tw)
- - 由花蓮火車站返民宿, 有時間會食晚飯或返民宿先食.
- Day 2, Nov 3 (星期六)
- 民宿-->太魯國-->民宿-->(七月潭/瑞穗農場/立川漁場/其他)-->溫泉酒店(check in)-->夜市(晚飯)--溫泉酒店(暫定瑞穗,或其他)
- - 太魯國馬拉松7:00am 開步, 可以早d 入去(5:15am 到睇日出), 有車要4:45出發..
- - 跑完如果太魯國公園冇封, 會停留,參觀1, 2 小時, 11:00出車走,要同民宿講late check out..
- - check out 完, 有車, 車去食午飯..
- - 飯後遊花蓮, (七月潭/瑞穗農場/立川漁場)揀1 或2 , 甚至去其他由司機提議, 又可以早d 去溫泉酒店hea, check in
- - 7:00 左右, 有車, 全部出去夜市食..
- - 9:00-10:00, 有車, 回溫泉酒店..
- Day 3, Nov 4 (星期日)
- 溫泉酒店-->花蓮火車站
- - 食完早餐, 11:00check out, 出花蓮火車站坐高鐵回台北..
- ---------------------------------------------------------------------------------------------------------
- 我地想最少Nov3 日包車全日, 但由早上4:45am 開始都夜晚10:00pm 左右..
- 我想問包車要唔要負責司機既食同住 ? 如果我地想包埋得Nov2 同 Nov4 ? 仲有冇其他費用呢 ? 多謝cow cow 先..
- 回覆
- 同最活躍小朋友拍照是最辛苦呢！
- 何解其中一張圖片的人面被卡通公仔遮住？往後下去的相都見到他呢？
- 回覆
- 好靚的日落。
- 回覆
- 你媽媽都好行得喎, 40分鐘, 沿途有冇野睇呢 ?
- 回覆
- 我發覺你老媽同我老媽一樣, 去街街有得坐都係笑到見牙唔見眼...唔知點解呢?
- 回覆
- 睇啲嚿相、兩個男仔都好醒目喎…
- 住 頂級陽台觀景4人房…正，加床洗唔洗俾付加費
- 回覆
- 正題頭兩段又一再觸痛我弱小心靈的新添瘡疤，再一次悔愧難當，喊濕兩包紙巾，我知錯喇 cow仔~~~
- 呢日個Trip 唔錯喎，值得參考，冇去餵綿羊咩？咩~~~~
- 火雲彩虹好正！第二日是否好大雨？
- 孝女 cow，讚！..
- 正題頭兩段又一再觸痛我弱小心靈的新添瘡疤，再一次悔愧難當，喊濕兩包紙巾，我知錯喇 cow仔~~~
- 呢日個Trip 唔錯喎，值得參考，冇去餵綿羊咩？咩~~~~
- 火雲彩虹好正！第二日是否好大雨？
- 孝女 cow，讚！
- 回覆
- 唔好喊啦~ bee SIR SIR, 事情已經過去, 下次做得好D, bee 伯友唔會怪你o架~
仲去鍡綿咩咩?? 老媽睇完走夾唔抖啊~ 我同家姐望住個廣闊草原,好無奈咁帶老媽返民宿啦.
- 第2日有落雨, 但唔係大啊.
- 我都唔係
..
- 唔好喊啦~ bee SIR SIR, 事情已經過去, 下次做得好D, bee 伯友唔會怪你o架~
仲去鍡綿咩咩?? 老媽睇完走夾唔抖啊~ 我同家姐望住個廣闊草原,好無奈咁帶老媽返民宿啦.
- 第2日有落雨, 但唔係大啊.
- 我都唔係孝順啦, 只係趁老媽仲行得走得, 再去多次台灣以作補償,,,,哈哈哈, 話時話, 我帶老媽都去o左3次台灣耶.....正如你個句, 有錢去日本, 冇錢去台灣囉~ 呵呵呵.
- 好充實的一天,好彩有車,車出車入,老媽子會無咁辛苦
- 老英格蘭莊園遠睇好似去左歐洲咁呀
- 回覆
原來台北去台中只要45分鐘咋,我想去清境
回覆刪除如果咁近可以去多個地方又唔錯
如果你去台中，咁建議你去高美濕地，正！我plan緊10月初去定係下一次去^^
回覆刪除