出發~! 2015-12-08 日本四國單車籌款之旅

老啦~ 依家好怕搭早或夜機~ 

今日搭10:30 已經唔錯, 都係6點鐘起身o者~

有幾位團友帶埋私家車去~ 

 終於收到戰衣啦~ 最初覺得佢好大件, 好薄, 之後就覺得佢好方便~ 好過舊年環台送的單車衫^^

成團人分為3組, 我地係第一組, 當然要影番張合照啦~

行李16kgs~    




我今次史無前例咁帶o左好多衫褲鞋襪~   因為知道將會落雨, 可能怕有時間洗衫都冇時間乾透, 又凍, 又諗住無機會買手信, 所以就帶o左..................咁多o野啦.     ^^

 當我折騰一輪,(去o左廁所~ ) 以為仲未影大合照...................原來已經影晒啦~ 陰功

                    茅我份的大合照................-_____-

                                                 唔記得幾耐冇坐CX,,,,,飛機餐尚算OK~

                                        最怕坐飛機~ 帶定o野去織~

                     
                  坐幾粒鐘.....下午3點零就到大阪啦~ 影完呢張相比人警告no photo no photo

 

出o左外面繼續影~ ^^

主辦單位~ 點滴是生命已經提我地唔好帶大行李~ 但係都係係放唔落, 唯有部份行李放上坐位

                                                  教練講行程~

                                             又要坐幾粒鐘去尾道市(ONOMICHI)啊~~~~~~~

                                                 坐o左3粒鐘...........終於有中途站可以鬆下對腳放下水食下o野~

                                   一心諗住可以係日本完成的小披肩, 居然好失策地帶唔夠冷~

                                             
               20:20分......我地坐o左4個半鐘,,,,,,,,,終於到達今晚住的酒店~

 U2 HOTEL CYCLE

一間好有特色的單車酒店, 可以將自己心愛o既單車放埋入自己間房o架~

(外面)

 

我地今晚住呢間房,,,,,

以前去日本出差,,,都係住d好細間房o既酒店, 今次o黎日本, 晚晚間房都唔細啊, 

 
 

 

準備食晚餐

                          認住我塊面..................第7日已經圓過個曲奇罐~(冇諗過又係好食好住o架....)

                                             

食飽飯之後,      帶私家車的團友開始砌車~     

冇私家車的團友去外面試下陪我地5日o既戰車啦~  嘩............外面好鬼凍啊

                                       呢架就係我架戰車啦~ 拜托晒~ ^^明天開始踩5日共300公里~