去日本四國踩單車~點滴是生命

 事出突然~

9月底知道點滴是生命攪o左個日本四國300公里單車團之後, check下仲有大假,
出發日期唔係月頭唔係月尾請假無難度, 即刻報名~

7天團 (中間5日踩300公里)  費用 HK$14,500
另外需要額外籌款不少於 HK$6,500
此費用係幫助中國山區農民建設集雨塘壩。

多謝家人朋友幫忙, 係10日內已經籌了 HK$7,050 (留力啦, 留番D人情牌下次用)

我諗住去年台灣9天環島踩900公里, 

今次5日至踩300, 應該可以慢慢踩, 因為去年唔夠時間睇風景, 有D殘念~

唔知係咪香港人太應真..........今次呢個慈善單車團, 不單止測體能, 仲有強制性訓練課程以提升應付能力.

我記得去年報名捷安特9天環台時, 我用電郵問佢地.....冇踩開單車可唔可以參加, 捷安特回覆, 冇踩開單車唔緊要, 有做開運動便可, 最重要係有一個環台決心..........

真係唔會有壓力比到我呢個一年都踩唔到一次單車o既我.

今次呢個團, 搵o左一個3項鐵人o既教練train我地呀........有d想退團, 哈哈

我呢d人馬座 + 牛牛人 唔受得壓力, 又唔可以規範我嘛.... ^^

10月31號簡介會, 第一次見到我o既團友~

即場派了單車帽和水樽~ 都係免費送比我地o既~

                             塊面圓碌碌, 硬係冇人戴得咁型~ 哈哈哈

即場測試體能~

11月1號,,,,

單車耐力及技術安全測試（第1回）

測試日期：2015年11月1日(星期日) 集合時間：早上8:00 集合地點： 大埔新娘潭船灣郊野公園遊客中心 ‧ 大美督漁農署 負責人：「點滴是生命」及香港三項鐵人總會 三項鐵人教練擔任

單車耐力及技術安全測試 測試地點：大埔新娘潭路至烈士紀念碑(來回) 測試時間：早上8:15至中午12:00 1. 騎行耐力測試 - 新娘潭路至烈士紀念碑 - 兩圈9km，共18km - 限時75分鐘 - 到達U-turn位，向工作人員嗌出手背上的號碼

75分鐘18公里, 我以為夠晒時間~ 所以慢慢起步都未遲~

殊不知又未較正個seat 位啦, (唔好姓賴啦 ), 條路又有番咁上下斜, 當然相對台灣上壽卡就差天共地, 但今年成年都掛住織冷衫,,,,,體能一定冇去年咁fit啦~

踩o左4.5公里去到烈士碑, 較番正個seat位後舒服好多,
去程上斜, 回程就輕鬆落番去,,,,過晒時, 今日唔合格就11月29號再補考, 慘啦~ 唔想晨咁早起身啊~


可惜已經太遲

18公里行o左 80.31分鐘.......over 5.31分鐘........   肥o左佬






第2part . 騎行技術測試 : 平行測試及剎車測試 
A. 上斜坡起步
B. 直線騎行5米距離 (0.3m闊/長5m距離)
C. 再以S字繞過8個障礙物 (每個2m距離)
D. U-turn
E. 落斜坡在特定區域上剎車 


                       呢個雖然唔係滿分, 不過都pass o左

 

好認真啊...................之後仲有4次戶外單車訓練和 2次室內伸展技巧和練習~



11月8日上水集合

行8字圈,,,,有D似花式表演~ 哈哈

                        團友部機真係超靚, 影到我好正呀~  :P

我地準備踩去禁區~

 

11月11 和 14 都因為朋友o黎香港和我又去o左台灣關係, 上唔到堂啦~

呢一日係11月22日 大學火車站集合~ 單車力量訓練

 

11月25日 伸展技巧, 體能訓練

11月28日~ 踩東涌翔東路~ 最初比同事嚇話呢條路好難踩, 都唔係吖, 都ok 喎

今日踩o左30幾公里

團友靚機影啦

      11月29號真係要補考, 就算已經操o左咁多次,,,,都一樣要考...........香港人好認真啊

8點去到大尾督, 真係想死

               又要係75分鐘內踩18公里,,,話時話, 如果今日都唔合格, 唔通唔比我地去日本??

博晒老命踩......................終於踩到傻o左~

經過1個月特訓.........時間上快o左 15分鐘........

全體合格 ~~~~~~~ 12月8號~     一齊飛去日本啦~yeah~!