澎湖西嶼鄉~米杏背包窩~MISSING homestay

台北-澎湖 10月2日至6日

其實今次原本想去登山~ 嘉明湖, 所以早早已經訂o左機票, 去程中午機, 回程係早上8:55的飛機,

不過因為左腳仲有唔舒服, 而且未知成唔成團, 係唔好阻人之下, 先同登山隊話我唔登山.

所以呢幾日假我又可以hea遊了  

最初唔知去宜蘭定係去澎湖, 最後因為澎湖民宿問我決定去邊之後, 我就決定去澎湖了~ ^^ 

因為覺得佢有重視我嘛.... 

決定先去澎湖玩完至去台北  

去到桃園機場先食D o野醫肚, 再轉機去澎湖

第六次去澎湖, 今次決定住呢間 : 米杏背包窩
貪佢夠遙遠　

7月帶家姐姨甥去, 住係馬公市, 因為貪方便, 澎湖其實遠離馬公至好玩~

又貪佢有單車~ (當然要預先講好)

米杏背包窩網址<---請按我~

澎湖西嶼鄉算係澎湖本島最遠o既地方了（西嶼，又叫漁翁島）, 過o左澎湖跨海大橋至到~

民宿主人: 男~Morning   女~ Fiona

今日搭18:30   原來分開買機票仲平過買來回~ 今次坐遠東航空

FE27

經濟艙

松山(TSA) - 馬公(MZG)

2014/10/2 18:40

2014/10/2 19:30

nt1089 (hk$228 單程)

太夜, 同埋民宿距離都有20分鐘車程, 所以我預約o左民宿主人o黎接我機~

單程收費: NT350 (HK$93)

夜媽媽,,,,,,^^ 因為過了澎湖旺季, 所以呢兩晚都只係得我一個客人咋~ 真好~

6人男女混合房 NT500 (HK$131) 一晚, 仲要包早餐, 真係冇諗過咁平

Fiona 曾經問我對佢地間民宿有冇意見...........NT500一晚, 點會有意見呢?? 如果係NT5000一晚,,,我會話,,, 床單質地唔係太舒服,哈哈哈,,,,,,,,,HK$132一晚, 仲包埋醒神早餐, 一定冇投訴, 不過我有提出過少少意見..........係.......呢間係六人男女混合房, 所以床與床之間太貼近啦, 而且我住過山水沙灘個間北吉光民宿, 佢地有床廉遮住, 會比較有私隱一D.而且床&枕頭會更舒服

 哎呀,,,,,,,,,,,我唔記得畫番隻龜tim~ >_<  (忘記簽名留念)

知道呢度好荒涼, 所以係機場7仔入定貨~ 驚餓親個肚~ ^^

其實民宿都有食物賣~ (下次去就唔洗買定啦~ 傻婆cow )

每年4月至9月都係澎湖的旅遊季節, 暑假7月1號開始更是超級旺季, 10月開始, 部份澎湖人會去旅行或者回到台灣其他地區如高雄等地過冬~ 哈哈哈, 唔係講笑, 我10月2號去澎湖,,,,真係超級大風, 夜晚d風聲, 如果要我形容, 就等於香港打緊10號風球, 又或者係有幾佰隻鬼拍你窗口咁嘈, 瞓兩晚, 兩晚都嘈到瞓唔到 >_< 絕無跨張, 難以想像, 冬天的澎澎有幾大風, 舊年澎湖的朋友講時我都唔信, 經過今次, 我就好信啦~




一夜唔好眠, 好彩有份醒神早餐~  尋晚Morning已經問我今朝想幾點食早餐 (早餐時間7點至9點)

我諗住瞓到自然醒o既, 而且心諗一個床位+早餐都只係 hk$131, 早餐最多咪比件牛油多士我..........所以早餐興趣唔大 ^^ ,,,,,,,,,,,,,,,,,點知點知份早餐居然咁醒神~ 又有水果食, 難怪要問我幾點想食早餐啦, 預早整定又唔好

實在太窩心啦, 難以想像如果整間民宿住滿人, 點煮咁多份精美早餐呢?? (仲有一杯飲品o架)

好好味~ 食飽早餐準備單車hea遊~ ^^

西嶼鄉真係好遠, 所以呢............一早book o左Morning架戰車~ ^^   NT 200 一日 (HK$53)
呢架爬山車, 陪Morning 環過兩次台灣, 參加過比賽, 仲陪Morning 去北海道45天, 總行車里數超過2萬...............我有幸借o黎踩兩天, 真係好

雖然今年5月至係台灣單車環島完,,,,,,,,,最初踩Morning架單車, 我又唔記得點轉波~ 哈哈哈,
前後唔識分, 轉錯前轆即刻卡住唔郁得, 又驚整壞Morning架戰車, 所以由民宿踩o左唔夠10分鐘, 係跨海大橋死o左火, 諗住call Morning 教我點整架車, 點知佢話o黎搵我, 三扒兩撥已經攪掂, 之後一路2日都冇事發生...........好彩好彩~ ^^

其實今日好大風, 去程逆風,,,,,,,,睇下下面兩張相,,,,除一除低條面巾, 架車已經比風吹到瞓抵o左, 哈哈

跨海大橋全長2.6公里

由西嶼鄉橫礁過o左澎湖跨海大橋, 去到白沙鄉的通樑保安宮

• 相傳300多年前有一廈門的商船遇大風浪沈沒於通梁近海，船上不少物資漂流到通梁岸邊，其中一株榕樹苗為通梁鄭姓(通梁最大姓氏)人氏拾起，隨起栽植於保安宮前，沒想到這株榕樹像落土歸根似的，繁茂生衍，經過幾百年的歲月一點也不畏懼澎湖的風霜，茲長成97條氣根盤節錯綜，樹蔭覆蓋面積達到660坪的古榕。
• 通梁古榕有兩大神奇的地方：其一是在澎湖惡劣土壤氣候條件下可以繁茂長成巨林，其二是目前共有97條氣根插入木板為成的土中繼續紮下土裡，97這個數字剛好和澎湖的村里總數目吻合。或許就是因為這兩個神奇的地方，讓通梁古榕成為觀光盛名的景點。

對面排檔我去年第一次o黎澎湖時, Blue哥有帶我去過~ 澎湖人好易話為~ 當我朋友咁, 坐啦坐啦~ 仲齊齊影番張相~ ^^

好似係NT 100 3串.........(HK$26.5)

買o左一堆手信, 好彩回程係順風o者~

NT100 一磚~

丁香魚仔乾~ 上次買o左6包, 今次買2包夠啦, 老媽都話好味~   後面個d係風茹草, 對個肝好啊, 所以我今次買o左6包~



風如草鮮花啊~~~~~~~~~佢o既藥用價值係根部~ (攝於民宿門外)


新鮮仙人掌肉我好鍾意食呀, 檔住送我一袋~

不過自已切皮食就要小心d.............示範~~~

仙人果肉底部有個好似"迷你血滴子" o既第體, 一定一定要切開底部挑o左個舊o野出o黎至好食, 如果唔係,,,,,,,卡住係喉龍真係可大可小o架...........所以當初BLUE 哥唔係好想我帶仙人掌肉返香港食的.

雖然買o左一大堆手信, 回程順風所以踩得好順~

帶你地睇下米杏背包窩民宿

民宿住人30幾歲就退休, 唔係澎湖人o既佢幾年前o黎到澎湖買地起樓~ 咁後生就退休過另一種生活, 唔錯啊~

多士 + 飲品都只係NT 50 (HK$13), 方便單車人士中途休息

入屋前的接待處~~~~~~~~

因為我腰骨唔好, 所以坐唔慣呢D舒服椅~ ^^

二樓~ 其中一角~

套房~ 閒日 NT2000 HK$ 526   假日旺季 NT2400 HK$632 最多可住4人

這是主人房~ ^^

3樓有洗衣機~ 好大部可以洗好多衫~ 每次費用只需 NT50 (HK$13) 抵~!

屋外環境~ 如果揀~ 山水沙灘的北吉光民宿比較正~!但米杏又有佢o既好處~

好大風呀~

時間尚早~ 我又要出去啦~  由橫礁村起步  去 大菓葉睇玄武岩

藍線就係單車線啦, 跟住佢唔怕盪失路~

有經過民居,  如果唔係, 我會驚驚o架,

向前行~

(回望後面~)

先到二崁, 之前去幾次都係坐車, 今次終於用自已雙腳踩到o黎啦~ 滿足~ ^^

7月同家姐o黎唔夠時間, 只係離遠望下~ :P

民宿主人建議我飲杏仁茶, 話時話o黎幾次都冇飲, 又真係幾好飲喎~

唔記得又影唔清, 一杯好似係 台幣40  (HK$10.5)

由二崁踩去大菓葉原來好近~

估唔到都仲有咁多人o黎~

又係大風吹~~~~~~跌部車

驚天黑,,,,,,,,,,所以冇再繼續向前踩啦

原路回程~

點知又比我搵到螃蟹博物館 & 大義宮~ ^^

不過已經冇乜時間啦, 所以係大義宮附近食碗小管麵線醫飽個肚先~ 免得今晚食杯麵~ ^^

今日真係絕對滿足o黎澎湖hea遊o既目的~    不過今晚同尋晚一樣, 大風到好似有幾百隻鬼拍門咁嘈~~~~~   ^^   聽日再深度單車遊西嶼鄉~ byebye~