高雄+澎湖 6日5夜之第一二日~ ^^

5月尾係網上睇到7月9號或之前出發有特價機票, 連稅HK$1298 , 因為一踏入暑假機票就要上2000, 所以拿拿林上網買~ (其實如果唔係特價機票, 7月9號出發的價錢係HK1498, 仲有16:00機)

所以我下次都唔會貪平買機票, 除o左時間麻麻地之外, 特價機票係一d都冇得改o既

今次仲要.........驚屎買唔到平機票, 居然打錯o左兩個姨甥個名, check in 至知,

更正番個名, 每人要比二佰大圓...........好肉痛啊~ >_<

話說叫細姨甥係入台証畫隻龜, 估唔到已經唔係小學雞o既佢, 真係畫o左一隻龜,

好彩我帶多一份, 真係比佢激屎但又笑o左出o黎, 又會咁聽我地話o既~

香港機場D o野食貴都已經預o左, 但估唔到咁難食,,,,,,,,,今次中o左味千拉麵陷阱

難食到嘔.............應該係淥定等有order 就放湯

特價機票1298  得晚上20:40班機,   出發前上網check 過7月9號有下午4點幾機, 票價係1400幾,所以下次都係唔買特價機票啦~

架機好細, 左右各3個坐位, 即係一排只得6個位

我地4個人訂機票時已經訂埋特別餐, 中華航空d飛機餐真係唔少選擇

我食水果蔬菜餐, 清清地, 留番個肚去到台灣再食~

呢個係兒童餐

呢個係海鮮餐

呢個係奶蛋素食

我係香港百年排o左40分鐘換台幣~ 匯率係 3.76   , 高雄機場係 3.719

我換o左港幣12,000, 即係話只係多o左NT 492蚊台幣 (慳得127港紙, 但又搭過海, 又要排40分鐘, 所以以後冇乜必要, 唔洗去百年換台幣了)

高雄機場比桃園方便在有捷運, 唔洗半小時去到hostel~

今次住的民宿經網上搵~ 高雄摩天大樓

捷運: 三多商圈站2號出口 (有一個隱閉電梯可以搭, 自己搵搵) 

上到地面就會見到大遠百百貨公司

呢張相指示好清楚

有個專門接特處~

填張form就可以攞鎖匙上屋啦~

先睇網上圖片~ 我地今次選擇o左"都會風情家庭房  

房價網上冇寫, 問佢佢話NT2,500/晚 (HK$665)

露台有洗衣機可以洗衫, 呢個露台家家開晒冷氣就熱到爆~ 不過d衫就一定乾 ^^

現場同網上圖片幾乎一樣~ ~ ^^

住家式, 個廁所都算好乾淨啦~台灣唔少民宿個廁所都有黑霉

呢間都會風情家庭房位於摩天大樓14樓, 兩間房望出去就係大遠百百貨, 環境寧靜, 如果住雙人房, 樓層會高d, 景觀應該仲正~

話說我上次環島買o左一張大哥大上網咭, 所以唔洗再係機場排隊買新的, 

只要去便利店買儲值包就用得, 因為上網對我o黎講太重要啦, 所以未去台灣前已經叫台灣朋友幫我買定,  不過朋友唔識買5日上網包, 買o左張虛擬咭,,,,,,,,,,,,,我唔知乜冬冬, 去到高雄就即刻入密碼用, 其實入o左NT600之後  (HK$160) 我要另外再打多一次電話去set5日上網PLAN至係無限上網, 但當時唔識, 我就開始上網, 上o左一張相上fb之後, 未到hostel 已經比我花晒NT600蚊.....嚇到眼都突~ 因為我驚張咭冇晒錢就唔會變廢咭.

心慌慌去便利店再買儲值包, 唔知點解台灣朋友買唔到呢隻, 我一問就有啦~ 如果買o左呢隻儲值包, 一入密碼, 再熄個電話等一陣開番電話就可以用得, 缺點係冇得打電話, 除非另外再買多少少錢充值就可以打得電話.

即係話, 當初台灣朋友幫我買o左600蚊, 我用350 set 5日無限上網plan, 就會剩番nt250可以打電話, 經過今次一役, 我終於明白晒~

--------------------------------------------------------------------------

第2日瞓到自然醒 ^^ 真好, 成點鐘至落街~

民宿老闆娘溫馨提示我大遠百百貨入面有一間誠品, 所以一個箭步走入去~

開餐先~ 撞正食飯時間, 多人到爆

台灣o野食o黎講, 我呢個飯真係算難食啦~可能放太多汁落d飯到, 所以杰得o黎好難吃~ 家姐佢地3個個餐就ok o既~

今次行程唔早飛一日去澎湖就係因為姨甥準備掃書, 呢間誠品話細唔細話大唔大, 但就真係好舒服囉~    可惜姨甥買唔到佢想買o既書~

搵到金秀賢呀~ 不過最後都冇買, 因為冇乜o野睇~

今日收獲只係得幾本書, 飯糰壽司書係姨甥睇o既, 其他旅行書緊係我o架啦~ 成日都發夢唔洗做

今日變o左購物日~ 無啦啦去o左買鱷魚鞋~ ^^

一人一對永不落空~  之後走o左去買衫,

 又係一人一堆永不落空 (一返到民宿就攞去洗, 唔記得影相~  :P  )

兩個姨甥返到民宿唔肯再出街, 仲好, 可以同家姐慢慢行~

先去里仁買o野~ 平過香港3成~  

里仁係乜冬冬?? <--請按此

帶家姐去睇下高雄特色捷運站~: 中央公園站~ 成隻太空船咁~

當然唔少得美麗島站啦~     不過家姐可能見過大蛇痾尿.............. >_< 睇完兩個站都好似冇乜特別

再去埋六合夜市,,,,,,,,,其實我唔想o黎, 因為之前o黎過, 有好多自由6人, 所以想去第2個夜市凱旋夜市,,,,,,不過去開美麗島站就是旦啦~

幫家姐影番張遊客相先~

家姐想食豬腳~  唔平~  

好彩冇香港機場咁差, 貴得o黎都好好味~

呢碗擔仔麵超好味~好想食多碗~

走o左都行番轉頭影番張合照~  

白苦瓜汁到台灣必飲啦~  (不過我飲o左木瓜牛奶 ^^)

高雄駁二藝術特區有snoopy65周年展~ 諗住聽日去(最後冇去 :P)

以為佢地瞓o左原來冇, 淨係係度hea, 都好, 大家都唔想去旅行辛苦過返工/返學

酥炸多春魚好平, nt10 (hk$2.5)一條, 買o左10幾條, 不過好鬼熱氣, 攪到兩個姨甥第2日爆晒瘡~ ^^ 好彩飲番d仙草蜜又謝得好快

呢盒係乜呢~? ............

因為細姨甥今日生日~ ^^  諗住去85度C 買蛋糕, 不過豬腳小姐話呢間比85度C出名好食~

金鑛咖啡 <--請按此 ^^

巧克力香蕉蛋糕~ NT 200多~ 港幣50幾蚊

仲比齊架餐~ 夠晒貼心, 哈哈哈, 可惜我地冇火機~ 姨甥又話唔吹蠟祝都得~所以冇去便利店回

13歲生日, 我估計唔洗聖誕節應該高過亞姨我啦~

2012年同家姐去台灣時係大姨甥生日, 今次到細姨甥, 又會咁o岩~ ^^

聽日出發去澎湖啦~