9日單車環台~寫在前10日~

有些事現在不做, 一輩子都不會做~~~~~~

對白出自2006年出品的一套台灣電影~ 練習曲（單車環島故事）

其實我唔係因為呢兩句戲中對白而環島啦~

舊年8月去完台灣之後, 亞哥問我下次又去台灣邊度玩~ 問我係咪環島............一言驚醒, 係喎,~!!去o左咁多次台灣, 點解唔環下島呢?? 即刻上網搵捷安特單車環島 資料

就係咁.......2013年9月11號付上台幣1000大圓報名費啦~ ^^

跟住就........借D椅, 借D藉口, 以健康為名, 10月初開始山長水遠去做gym~ 

雖然有朋友叫我試下實戰係香港踩單車, 本來都想玩下, 可惜以往一年一度的單車聚會今年冇人玩, 況且我同捷安特報案時話比佢地知我冇踩開單車, 佢地反而鼓勵我啦: 平時有冇踩開單車問題唔大, 有做開運動就好了, 再加上決心完成環島, 就"沒問題"     ^^

另一個放心就係.........捷安特有完善服務, 如果踩唔掂可以上車抖下, 不過9日總時間如果抖得太耐就冇環島證書~ 

所以懶係唔可以偷的, 要積極d, 我主要練"股四頭肌" 即係膝頭哥對上大腿肌肉~ 仲有就係條腰, 因為架單車好似係dup 頭~(我都唔清楚呢~ :P ), 仲有就係手臂, 因為以往我去踩單車, 可能唔識踩, 我覺得最鬼攰就係雙手.

(sorry, 平時會好專心挺空收腹做o既, 今次因為想影相 ^^)

 就係咁......呢半年積極做運動之下, 身體柔軟度居然比做女時軟(46歲比16歲好得多), 哈哈哈, 意料之外......

                                                以前只可以彎腰到膝頭哥落少少o者, 距離地球好遠~

呢下o野係最近一個月突然發覺做到........以前向上提升唔到, 依家好o左好多~

哈哈哈,,,,離晒題(其實好有關係,,,,,,我想講o既係單車環島唔係淨係去練踩單車囉~ ^^)

今次9日環島要踩大約912 公里, 希望唔洗上車, 最好唔好落雨, 仲有就係瘦住返香港, 阿門~

(希望出發前仲有時間寫多篇blog啦~)