我想講o既其實唔係半澤直樹.......

 主要演員 : 堺雅人 / 上戶彩 / 香川照之 / 北大路欣也

播出時間 : 星期日 播出日期 : 2013年07月07日

觀看網址 : 半澤直樹 - See more at:

http://www.didiaotv.com/2013/07/blog-post_578.html#sthash.FdqfjBd8.dpuf




劇名:半澤直樹

網上劇情

堺雅人飾演的半澤直樹，是在日本泡沫經濟時期進入東京中央

銀行的銀行員。但其實這家大型銀行正是當初將半澤直樹經營

工廠的父親逼上自殺之路的銀行，而他卻故意選擇進入這家大

型銀行工作（原因～當然是後面才會告訴我們囉w）。面對銀

行內那些不負責任的上司以及銀行外融資的公司，絕不向惡勢

力低頭的半澤直樹要如何在這當中奮鬥求生存，然後打爆那一

群壞蛋！！ㄜ...我好像真的太入戲了ww


原汁原味的內容在這裡>> http://news.gamme.com.tw/525998#ixzz2eefVPgBK




尋晚台灣同學介紹o左套新日劇比我睇~ 一口氣睇o左3集~呢套

劇係日本仲做緊, 收視仲好似唔錯咁


有功就上司領, 有鑊就下屬孭, 劇中呢兩句說話好似咩國家都

o岩打工仔用~







關於套劇唔作多講, 值得一睇,可以上網睇啊~想講o既係係香港

日資公司o既少少o野~想當初我唔係鍾意日本至去學日文, 而

係因為想易搵工所以至去學, 因為我唔識英文嘛.....


94年係日本返o黎香港之後就入o左依家呢間公司. 出年2月就

廿年了, 人生真係有幾多個10年, 有2個10年已經係呢間公司渡

過.


我呢2個10年接觸2個日本派o黎o既上司, 一個高能一個超低能,

好慶幸當我仲係一張白紙o既時候接觸到一個高能上司. 教識

我好多o野 , 佢有功唔會自己領, 一定會帶埋我地領, 有著數唔

會自己食晒~一定會帶埋我地食~所以佢06年被迫離開呢間公

司時, 我地都好唔捨得. 睇見佢都幾無奈.當時跟呢個高能上司

尾的低能人,就變成我依家o既低能上司. 佢不至於有功自己領

有鑊下屬孭, 不過佢真係超典型日本人, 我地呢d唔係佢請o既

舊一派佢緊係會覺得眼冤,佢迫走肥仔前o既衰樣........仲瀝瀝在

目.........我好唔忿氣.......我對住部長, 一定唔會同呢個低能上司

講好說話.實話實說..........


所以上兩個星期部長出差o黎香港, 一早講定會每人傾10分鐘,

入到房部長問我係咪好緊張,,,我答佢一d都冇,

(因為我又唔洗討好d日本人, 更加唔怕得罪佢地.)

10分鐘變成50分鐘......唔洗加鹽唔洗加醋, 但我還是講到冤屈

時忍唔住喊o左出o黎.

公司個leader唔得, 下面d人點會得, 尤其係個d怕你領佢功, 怕

你叻過佢o既低能上司............



半澤直樹呢套劇咁收歡迎..........我覺得唔多唔少係個d

上班族平時遇到d死貓出唔到聲, 只係goo聲吞o左佢, 而

男主角可以講佢地平時唔敢講o既說話. 所以o岩晒d上班族睇

日本上班族其實有時都幾可憐..........唔似香港咁.....唔鍾意就劈

炮,有能力o既就比人挖角. 入o左公司點比人蝦都會忍氣吞

聲.....


曾經係總公司見到一個已經被人遺棄o既主任坐埋一邊(窗口

族) 無工作等你自己頂唔順自己辭職,,,,,,,,,,,,,我? 早兩年差d被

條低能上司用此手段對待,,,,,,,,,不過好彩我有得無限上網,
 
仲有得閒時出街........同你鬥長命囉~ 唔係點呀?