我的網誌清單

2013年4月26日

澎湖吉貝沙尾

                                          
  • 2013-4 澎湖記
澎湖吉貝沙尾
2013年4月26日下午7:05公開累積瀏覽 744 18


2013年4月3日~ 今日又係好早起身啊,,,,因為要去吉貝島玩~



我諗住今日去沙灘嘛......緊係著短褲啦~ 出門口都有少少凍,
Molly叫我帶條長褲仔,,,,但我呢d老cow係都唔聽人講,,,,,最後咪凍到騰騰震囉~
Molly今日送我一頂澎湖帽~



Molly車o左我去一個街市附近~



晨咁早已經好多人


老闆娘好快手~


甚麼叫做"米苔目"??  
原來"米苔目"就係呢d
......粗麵條,,,似烏冬
豬脷~ ! 我好like~


豬肺~! 我都好like 睇o黎我同Molly o既口味都差不多啊~




其實晨咁早我食唔到咁多o野~  邊食Molly幫我call相熟的士,
一陣食完早餐要出發去"白沙赤崁碼頭"坐船去吉貝島,
尋日係馬公市碼頭就坐去南面, 今次要去北面, 所以要去另一邊坐船

Molly 食完早餐就去上班, 我就係附近行下北辰市場等的士來~


雖然係香港我唔洗買餸, 但我都幾鍾意行街市~尤其係香港以外o既街市~
因為好多香港冇o既o野, 唔知乜冬冬, 唔知點樣用~






呢檔幾個女人仔唔知賣乜皮~


第一次見現場整,,,所以忍唔住影佢地~


http://youtu.be/C5BJ2T8F-ls



鏡頭一轉, 我已經去完廁所上埋的士啦~~
有兩隻龜龜啊~~~~呢d咪就係正月十五乞龜囉~
保平安啊~ 可以蒸熱佢食, 不過的士太太用o黎做裝飾


除o左平安龜, 仲有個觀音像~



沿途好似行高速公路, 的士太太話.........望出去o既大海,
當初一十五o既時間大潮退, 就可以由左島行去右島, 距離都唔近o架,
好想睇下咁o既奇景啊~ (sorry, 影唔晒兩個島比你地睇)





車程30分鐘左右就到北海遊客服務中心啦~



Molly交帶落比的士太太知, 幫我係服務台買定來回票~


9:00開的船, 船程約20分鐘就到吉貝,
本來話回程係15:00, 當時仲擔心, 嘩~~咁多個鐘係吉貝,
我又唔係遊水, 又唔係玩浮潛,,,,點捱到3點呀?? (當然事後我好後悔冇買3:00回程啦)


其實我係香港都帶晒d浮潛用具, 可惜天氣不隱, 天氣唔好浮潛一定冇o野睇,
所以Molly都冇幫我book浮潛和釣小管~ (釣墨魚),,,,留番下次再玩啦


9點開船~船程約廿分鐘, 最初知道有13:30船回程就即買,,,,(點知最後發覺係唔夠時間o既玩~)


今日天氣一樣麻麻~


但無損我心情~





話咁快就到~


入o左去吉貝遊客中心上上廁所, 攞o左少少資料, 再問工作人員"沙尾"方向係邊~



下圖, 下邊長長一條凸o左出o黎就係"沙尾"沙灘,


網上圖片,,,,呢條就係沙尾啦~
吉貝嶼全島面積約3.1平方公里，海岸線長約13公里 ，是北海最大的島嶼，國內最熱門的旅遊景點。全島地勢東高西低，由海積地形組成的美麗沙灘及沙嘴，為本島最大的地形特色，沙灘位本島西南，由西崁山向南延伸；在沙灘的盡頭，因受海流影響而形成伸入海中的沙嘴，全長約800公尺 ，最寬處約200公尺 ，島的四周人工分散設置許多大小石滬，全盛時期達二百餘口，目前僅剩88口，
玩家秘笈：吉貝沙尾晨曦暮色
站在吉貝沙尾上，海面如鏡，儷影雙雙，當夕陽西下的那一刻，彩雲霞光奔放四射，彷彿是無聲的煙火秀。每當海風吹起，細碎的浪花洗淨純白的貝殼沙灘，有海味、有故事、更有感動。落霞餘暉、破曉晨曦，吉貝沙灘的浪漫風情，令人心曠神怡。


因為我目的只有沙尾一個~ (因為我唔識嘛,,,,其實吉貝島仲有好多o野睇,
東海岸至西崁山之間均為玄武岩海岸, 另外又有吉貝石滬文化館,觀音寺等等)


時間以為有好多, 出o左遊客中心見到有個灘........人影都冇, 我咪試下行出去睇,,,,


點知比我見到有幾粒豆丁人......好驚訝呀~~~~~
點解會有人o既??


原來呢度都有石滬...............(低能cow, 其實吉貝係最多石滬o架)


慢慢行出d, 想問下d豆丁人我係咪都可以行出去睇下~




豆丁人其實係.....2個生仔+ 1個靚女+1個類似本地人
我問佢地幾時最潮水退~ 佢地答我10點半最低水
當時係9點45分左右, 應該冇問題啦.....個心好興奮係.....
靚女話我知, 出面那個石滬都有一個單心....



聽到有心心睇就好開心~







茫茫大海, 比我再揀, 我應該唔會一個人走出o黎~




呢個單心一定比七美島的雙心石滬細, 唔知6月初再去澎湖時
,希望可以落到去雙心石滬睇~






石滬唔係亂咁砌o架....打直砌就o岩啦~~


返到"岸"了,


見到有人摸蜆~ 我咁大個人都未摸個蜆




佢叫我要行番上行人路行, 如果唔係就危險喎~  


今次目的地, 沙尾~



沙灘真係好長~  



越近尾d沙越靚啦~今日好鬼大風, 海風吹起d沙打落隻腳到都有少少痛~





有唔少人玩水上活動~呢一刻就真係勁羨慕啦~


成班人唔記得坐12點回程船, 依家要趕住返去~ 真攪o野~




話咁快,,,,,12點幾啦,,,,我都要準備行番去碼頭了~



回程時見到朵菊花仔,,,,,澎湖又叫菊島~~~
可想而知, 夏天應該菊花遍地~



仲有25分鐘,,,,想吃個小點
對住個海.........(潮漲, 對出的石滬已經比水淹蓋了)


嘆下仙人掌冰~


再加件土司~ 正到冇朋友啦~


仲有少少少少時間, 一條冷o既我本來唔想入去~


買o左少少記念品之後見到明信片,,,,,想寄比朋友們但冇佢地地址啊~



唯有寄番比自己~


至發覺居然有雙心石滬o既郵票~~~~~~~~即刻問老闆娘,,,,賣5個比我得唔得~



跟住連跑帶仆咁走去碼頭, 上氣唔接下氣~~~
堅後悔唔買15:00 o既船返去



call定的士太太o黎接我~
(記住, 係澎湖,除o左機彭, 馬公市,
都幾難隨街截的士, 通常call車仲會平d tim, 我由馬公市去白沙鄉碼頭NT250)




的士太太好熱情, 好多o野講, 佢話我同佢個仔對眼超似喎~
哈哈哈,,,,佢話似到好似兄妹咁~~~~~~真客氣~  老闆娘, 我好老o架啦~



尋晚係馬公市完全忘記行景點, 今日時間早o左, 可以行下啦~


我身後就係四眼井啦~ 據說係馬公市最古老o既井, 列屬國家三級古蹟.


井深3公尺, 口徑約為1公尺,到依家為止都仲有水, 歷久不枯,
不過居民只用o黎清洗, 已經冇再飲用.



乾益堂藥行都有好耐歷史, 佢係門口賣藥膳蛋


好入味, 一定要試啦~


唔知點解呢隻水果叫做楊梅~~~



不太甜, 肉爽~








入o左呢間舖頭買o左d記念品, 平時唔鍾意玩動物o既我.......



呢隻高竇貓又幾吸引我~~~~~~


鏡頭對住佢, 佢係都唔望我~~~~~~



約o左Molly今晚食海鮮, 時間尚早~所以high下tea先~



呢舊蛋糕叫做"盆栽", 好名好名~


睇下佢咩底細先~ 都幾好味啊~



坐得太耐又去搵下o野食~ 見到呢個檔勁多人排隊~ 唔好執輸, 一定係正o野~


幾個人服侍一個餅~  雖然佢叫蔥油餅, 但蔥唔多,
藍衫女人負責"炸雞蛋", 豹紋衫女人負責整餅皮,
橙衫男人負責加調味料, 手錶男負責入袋~


都只係賣NT30咋~~~~~(HK$8)



我很醜但我很好味~~~~~~~我覺得直頭係澎湖最美味o既食物
蔥油餅裡面有炸雞蛋一隻, 青瓜一堆, 再加醬汁, 熱辣辣真係好好味



人生路不熟, 不過知道公車站有位坐,,,,所以行番去等Molly收工~


原來放學時間係咁多人o架,,,,同尋晚靜英英真係差得遠~


6點左右Molly就帶我去海鮮街~



地道人緊係最清楚邊間好.....佢帶o左我入呢間, 當時時間尚早, 冇乜人,
但老闆娘話要7點交枱,,,,嘩........


我地2個人總共食o左7餸1湯~













味道真係鮮, 而且價錢公道, 食咁多都只係nt1280 (hk$346)


抵食~, 我發覺呢條街最多客人就係佢, 所以下次再o黎, 一定要去呢間~

食飽當然要散下步~


呢條橋原來可以行過去o既, 不過今晚實在又夠大風吹~
吹到頭都甩~又鬼屎咁凍~ 凍到手都震~



澎湖係4月18~6月24號, 逢星期一&星期四晚上都有煙火表演,
係呢度睇就最清楚, 我已經book o左機票6月8~11再去澎湖,
希望到時好天氣啦~

嘩~~~~~玩飽食飽睇飽返到Molly屋企,
入o左屋都唔夠5分鐘
外面就落大雨啦~~ 好彩好彩~   


聽日Molly放假, 唔知佢會帶我去邊度玩呢~?
  • 回應 (18)
  • 引用 (0)
  • 永久連結
  • 島耕作
  • 海鮮餐好似幾唔錯咁.
  • 回覆
    • cowcow
      • 2013年6月7日上午9:37
    • 都OK O架, 人多d仲可以試多d款式啊~
  • pui yan
    • 2013年5月11日上午11:17
  • 你好cowcow:
  • 我和兩小朋友於6月30日至7月6日到澎湖，有d問題請教
  • 我沒有駕照，要坐的士或公車
  • 請問係吉貝碼頭步行到沙尾要幾耐?
  • 如果想去吉貝另一邊，有冇車可以到?
  • 顯示全部回覆 共19則
    • cowcow
      • 2013年5月20日下午3:26
    • 我都覺得貴o架~ 一個人租車, 所以第一次去澎湖我都係踩單車+ 坐巴士咋~ 留多日係澎湖?? 唔係唔好, 如果咁多時間, 係民宿hea一日都好, 唔好再周圍走.
    • 如果7月6號返台北,,,,我就唔會咁早機啦, 改下午囉, 然後..
    • 我都覺得貴o架~ 一個人租車, 所以第一次去澎湖我都係踩單車+ 坐巴士咋~ 留多日係澎湖?? 唔係唔好, 如果咁多時間, 係民宿hea一日都好, 唔好再周圍走.
    • 如果7月6號返台北,,,,我就唔會咁早機啦, 改下午囉, 然後去食下自助餐, 行下玩具店等佢地開心下, 九分聽人講係超多人, 我已經冇去10幾年, 十分都係人多, 放下天燈,
    • 動物園06年帶姨甥佢地去,,,,,又熱又曬, 謝晒~ 7月7號20:30回港, 即係你要18:30check in囉, 你講冒險係咩意思呢??
    • pui yan
      • 2013年5月20日下午3:56
    • 7月4,5晚住山水衝浪民宿,諗住多一晚都係果到,7月6日去沙灘玩下,唔去其他地方.
    • 我未去過台北,都想去九分,十分行下,但一聽到會好多人就已經怕怕,
    • 冒險嘅係驚咁唔好彩,打風就大獲,想問,如果趕唔到20:30機回香港,會..
    • 7月4,5晚住山水衝浪民宿,諗住多一晚都係果到,7月6日去沙灘玩下,唔去其他地方.
    • 我未去過台北,都想去九分,十分行下,但一聽到會好多人就已經怕怕,
    • 冒險嘅係驚咁唔好彩,打風就大獲,想問,如果趕唔到20:30機回香港,會點?洗唔洗比錢買另一張機票?
    • 馬公去松山買復興航空嘅網上年票,請問知唔知點改?
    • cowcow
      • 2013年5月20日下午5:07
    • 台北返香港的機票, 睇你買o時候有冇得改, 如果好似我zuji個張, 乜都唔改得又唔退得. (我之前都幫一個fd買, 今次就係貪zuji平, 所以因貪得貧, 迫住再係短時間去高雄, 所以話,,,,如果去澎湖, 參加當地導遊行程...
    • 台北返香港的機票, 睇你買o時候有冇得改, 如果好似我zuji個張, 乜都唔改得又唔退得. (我之前都幫一個fd買, 今次就係貪zuji平, 所以因貪得貧, 迫住再係短時間去高雄, 所以話,,,,如果去澎湖, 參加當地導遊行程. 可能會貴少少, 但起碼有咩事上o黎, 有人幫手嘛....)
    • 馬公張機票都係, 如果你買優惠票就好似改唔到, 如果唔係買優惠票係有得改, 但我上次都搵唔到, 卒之打去澳門復興改時間
    • pui yan
      • 2013年5月21日上午11:22
    • 我係買香港航空嘅特價飛,咁應該冇得改
    • 飛馬公買正價飛,可以改,但怕到時冇位,
    • 你去兩次澎湖係咪都係同一日飛香港?
    • cowcow
      • 2013年5月21日上午11:30
    • 特價飛唔一定完全冇得改,,,,,我第一次係ZUJI 瀨o野, 所以你即管問下香港航空啊. 我第一次去澎湖唔係即日回港o既, 因為我都同你一樣, 擔心有咩E郁接唔到機返香港 不過之後第2次就唔係啦, 冇乜大假, 點都係即日返..
    • 特價飛唔一定完全冇得改,,,,,我第一次係ZUJI 瀨o野, 所以你即管問下香港航空啊. 我第一次去澎湖唔係即日回港o既, 因為我都同你一樣, 擔心有咩E郁接唔到機返香港 不過之後第2次就唔係啦, 冇乜大假, 點都係即日返香港囉(有大假緊係停多幾日, 唔止玩馬公, 可以去高雄呀, 台中咁都得嘛...)
    • pui yan
      • 2013年5月21日下午8:03
    • 諗左一日,都係唔好轉,照舊7月6日回松山,但6號同7號都係假日,我有人頭恐懼証.....
    • 問左一架包車,沿基隆對上嘅海岸線行,要$3800八個鐘,好貴呀,所以諗坐台灣好行,海岸線,淡水上車總站係基隆,你估呢條路線沿途會唔會好多人?
    • cowcow
      • 2013年5月21日下午8:31
    • 我都唔知呢，,，至緊要唔好塞車就真
    • pui yan
      • 2013年5月23日上午11:19
    • 早晨COWCOW:
    • 昨日有冇多半天假呢?而我就變左要工作了.....
    • 而家我決定暫時唔改機票,到去到台灣見天氣好,就多留澎湖一日,但台北旅館果邊就冇左訂金了....(六百幾台幣)
    • 如果天氣唔好,就照舊7月6日回松山,雨中行九..
    • 早晨COWCOW:
    • 昨日有冇多半天假呢?而我就變左要工作了.....
    • 而家我決定暫時唔改機票,到去到台灣見天氣好,就多留澎湖一日,但台北旅館果邊就冇左訂金了....(六百幾台幣)
    • 如果天氣唔好,就照舊7月6日回松山,雨中行九分,都幾好,會少人D,浪漫D.....
    • cowcow
      • 2013年5月23日下午1:37
    • hi PUI YAN, 相信你個段時間過O左梅雨, 天氣應該唔會再落雨啦~ 如果落大雨就邊度都唔好去, 去九份會巧危險呢~~~~~~~
    • pui yan
      • 2013年5月27日上午9:04
    • 明白....
    • 希望天氣好啦....
    • cowcow
      • 2013年6月14日下午4:01
    • PUI YAN,,,,我又返o黎啦, 好好玩啊
  • Farming Cherrie
  • 好正咁喎
  • 回覆
    • cowcow
      • 2013年4月29日下午6:37
    • 下次去台灣, 順便去埋澎湖吖, 值我去呀~
  • 殷師奶 HeBi Yuen
  • 龜包好似長洲的平安包,不過都係龜包靚好多~~~
  • 單心都好靚,當時一定好開心啦!!
  • 你手寫幾靚喎~~!!!!無錯,一定要對自己好d
  • 顯示全部回覆 共2則
    • 殷師奶 HeBi Yuen
    • 更正......你手字寫得幾靚喎
    • cowcow
      • 2013年4月29日下午6:38
    • 多謝~當時知道可以行出去睇時, 不知幾興奮, 但行到出去其實又腳震震, 驚吖嘛,,,咁大個海
  • janejane
  • 仲未見個d石柱o既？
  • 回覆
    • cowcow
      • 2013年4月28日下午9:43
    • 因為要等Kelly放假帶我去嘛明天啦
  • Happy Girl
  • 2 people 8 dishes, Kelly is very nice to you !
  • 回覆
    • cowcow
      • 2013年4月27日下午11:45
    • 因為今次第一次見Kelly, 計正唔係真係我fd, (依家係啦)所以呢2日o既餐費係我比錢o既, 雖然佢話比番錢我, 但要人地車我周圍去, 所以我都唔好意思呀~
  • 肥仔嘜 + 皇帝Bee
  • 隻貓好似玩健身Ｄ大隻佬咁周身肌肉寸寸貢咁款！兩個人食咁多野,番到hk有冇重到呀？
  • 回覆
    • cowcow
      • 2013年4月27日下午11:43
    • 形容得好好, 隻貓真係寸寸貢係呢一日食得多o野o左, 我今次去台灣係瘦o左返香港o架,,,,,,不過依家已經打回圓形啦~
  • Betty
    • 2013年4月27日下午7:00
  • 個蔥油餅望郅都想食.
  • 一個人去旅行, 我相信好自在.
  • 你個碟尤魚是咪生架??
  • 回覆
    • cowcow
      • 2013年4月27日下午11:42
    • 個蔥油餅熱辣辣真係超正~ 個碟尤魚唔係生o架, 我估係咁易過一過熱水上枱, 好好味o架~
    • 一個人去旅行有一個人去o既去, 有o岩傾o既伴去玩就更加正~
  • 山水人士
  • 海鮮晚餐引C人。
  • 如果我去海島玩一定會早船去，最遲走，過夜仲好。
  • 回覆
    • cowcow
      • 2013年4月27日下午11:40
    • 因為院長係男人嘛,,,,,,我都想過夜, 但一條冷.......驚o架~有人陪就完全冇問題啦
    • 海鮮餐冇香港咁多煮法, 如果講蒸海鮮, 可能係澎湖鮮甜d, 但係如果加鹽醋整 (即係例如豉椒炒蜆, 就一定係香港好味d啊~
  • SKPoon
    • 2013年4月27日上午11:53
  • 明信片...乜您唔夠放鬆咩？
  • 明信片上的字你寫嗎？字體幾靚。
  • 顯示全部回覆 共3則
    • 山水人士
    • 我一向都讚COW 手字靚，有型有力！
    • cowcow
      • 2013年4月27日下午11:33
    • 好似好多人覺得我對自己唔好, 成日叫我對自己好d~ 又某某叫我放鬆d,,,,因為一多o野諗就瞓唔著~所以我要警惕自己
    • cowcow
      • 2013年4月28日上午12:59
    • (SK, 明信片封面D字唔係我寫, 後面貼郵票個版至係我寫咋,,,只係得個兩句)院長~ 小六o既時候, 我就決心最起碼要寫靚自己個名,所以我當時模仿校長 & 2哥d字~ (可能係咁, 我d字睇落比較似男人有力 )仲有啊, 筆都..
    • (SK, 明信片封面D字唔係我寫, 後面貼郵票個版至係我寫咋,,,只係得個兩句)院長~ 小六o既時候, 我就決心最起碼要寫靚自己個名,所以我當時模仿校長 & 2哥d字~ (可能係咁, 我d字睇落比較似男人有力 )仲有啊, 筆都好緊要呀, 支筆唔夠幼, 寫字冇咁好..........雖然其實我d字唔係真係咁靚, 意姐d字仲靚啊.
  • SKPoon
    • 2013年4月27日上午11:50
  • 早餐晚餐好正！吸引！
  • 回覆
    • cowcow
      • 2013年4月27日下午11:31
    • 今日食得最飽~
  • Keon
    • 2013年4月27日上午9:58
  • 你地2個人食果d7餸1湯, 我睇到口水流呀, d蠔又工, d蝦又新鮮
  • 回覆
    • cowcow
      • 2013年4月27日下午11:31
      • 快d搵fd一齊去澎湖啦~ 平靚正, 仲有得影煙火啊~ 6月24號前o既星期一和星期四晚上~
  • SKPoon
    • 2013年4月27日上午12:21
  • 四先，明天再來。
  • 回覆
    • cowcow
      • 2013年4月27日上午12:29
    • 抖足精神再來~
  • 1372〈一生得意〉
  • 海鮮好睇得。
  • 回覆
    • cowcow
      • 2013年4月27日上午12:28
    • 睇得又食得~ 正~!
  • 1372〈一生得意〉
  • 真係好多嘢行喎！
  • 回覆
    • cowcow
      • 2013年4月27日上午12:27
    • 真係唔少o架~~
  • 1372〈一生得意〉
  • 3先
  • 回覆
    • cowcow
      • 2013年4月27日上午12:27
    • 生生猛猛~
  • 開心老爺1818
  • 七餸一湯，真係流哂口水呀！
  • 回覆
    • cowcow
      • 2013年4月27日上午12:26
    • 下次叫得意姐吹雞一齊去食~
  • Luna
    • 2013年4月26日下午8:58
  • 我很喜歡吃台湾的「米苔目」！那個東西和日本的烏冬看起來有一點像、不過台湾的米苔目比較QQ的～。（我不知道「QQ」的廣東話、可是在台湾大家常常用那個單詞）
  • 上面戴眼鏡的女生是你的太太嗎？她和我看起來有一點像..
  • 我很喜歡吃台湾的「米苔目」！那個東西和日本的烏冬看起來有一點像、不過台湾的米苔目比較QQ的～。（我不知道「QQ」的廣東話、可是在台湾大家常常用那個單詞）
  • 上面戴眼鏡的女生是你的太太嗎？她和我看起來有一點像～！！（我的老公也説這樣・・！）
  • 顯示全部回覆 共3則
    • cowcow
      • 2013年4月27日上午12:26
      • LUNAさん、眼鏡をかけてる女性は私なんです、私cowcowです、そうでしたら、私とLUNAさんと似てることですか？ ）我第一次看米苔目這個名詞呢~ 廣東話也可以用QQ, 都會明白的~
    • Luna
      • 2013年4月27日上午8:42
    • 天啊~原來她就是你喔！！真的抱歉、我以為cowcowさん是男生（汗）對不起。
    • 對啊～我自己覺得我和你看起來有一點像！我的老公也説這樣・・所以我覺得真的像！哇～我很高興
    • cowcow
      • 2013年4月27日下午11:28
      • チャンスがあれば、、、、ちょっと写真を見せてくださいね～LUNAさん～　
張貼者： 於
標籤：

沒有留言:

張貼留言

睇完求其實番兩隻字啦~

訂閱： 張貼留言 (Atom)