無敵正的9天北疆之旅~day4
2013年2月13日年初四 (多謝badman, 院長&得意姐提供好多相比我寫blog
)
)
今篇
講下呢間木屋入面呢間8人房入面呢一張我瞓o既床先~
呢d一條條白色好似bb床圍板o既.............其實係發熱板
呢張相見到３張碌架床(其實有4張), 而我個張就係最右手邊(呢張相見唔到)
不過我地只係瞓7個人, 事關正中間張床冇圍欄, 驚上床個位院友會上落有危險
因為我張床靠邊, 所以有發熱板, 但可能有發熱板, 所以張被覺得比其他床薄
*(唔記得影我張薄被
)
)
我地會將濕o左手襪, 圍巾, 帽等等放係發熱板整乾佢~
雖然薄被, 但瞓落都幾夠暖,,,,,之但係第一晚, (即係尋晚)
越瞓越凍, 摸下塊發熱板,,,只有好少好少微熱,,,,,床褥又薄, 個背脊好寒,
唔敢平瞓, 打則身拚命靠住塊發熱板(其實係真冇用o既), 唔知點解又唔識起身
著羽絨瞓~ 
我當時心諗,,,,都好, 暖o左半晚, 落後地方都算係咁啦...........
我當時心諗,,,,都好, 暖o左半晚, 落後地方都算係咁啦...........
(其實真係一d都唔落後)
好彩冇凍病~ (做得多運動身體真係強好多啊~ 大家齊來做運動
)
)
原來...........發熱板要持續發熱, 係要定時定候加煤o既,
但係............隔離個間房鎖o左門, 所以屋主想加煤都加唔到~
差d冷屎cow
差d冷屎cow
所以唔好睇佢係木屋, 其實係好溫暖o既, 仲有, d床單被蓆等仲唔覺得有味tim,
比我想像中乾淨得多啦~
廢話又講完啦~
(Bon Bon解答o左你個疑問未呀?
~)
(Bon Bon解答o左你個疑問未呀?~)
9點食早餐~
早餐係食粥+青瓜+麵包~
二毛呢舊係雞脾包~
我地今日第一個節目係..............睇射箭?!?........事源係尋日我地行街時見到一個
熱心當地人同Alfred先生講話今日有得睇射箭, 時間好似係10點`~
今日天氣係咁多天最凍o既~
又經過尋日的"河川" (係咪咁叫啊??)
個位當地人條村好鬼遠,,,,
幾乎行o左成粒鐘,,,,終於見到條村啦
嘩....依家10點幾都仲係負緊30度,,,,咁今朝較早時間咪仲凍??
咁平坦的村落,,,,睇唔到邊度有地方舉行射箭比賽啊~
今日真係幾凍呢~
我身上著o左打底衫, 快乾衫, 薄fleece外套, 厚羽絨, 最外係防水衣,
仲有著o左公司出的"肚cool" 護住個肚仔, 雖然已經有好厚脂肪
,
,
褲就有3條, 唔計底褲, 另外有一條棉褲(偷公司的樣辦), 一條去台灣登山的防水褲,
最外面就係雪褲啦.頭戴兩頂帽超夠暖啦(從來都未凍過), 所以最凍都係手&腳.
不過我已經著o左3對襪,,,,所以腳好ok, 係影相時手指會凍囉~
(其實得意姐一早已經講o左啦~ ^^)
真係弊傢伙,,,行o左粒幾鐘.........好急尿.....影完呢張相唔記得點解斷片
(10:50)
最後搵唔到個位村民~ 然後我地就返轉頭啦~
不過係我地返去o既時間就見到幾部車載住d射箭工具,
可惜我地時間唔容許我地睇啦.
(11:50)
事關食完午飯有得玩"馬拉扒犁" ,,,,,最初我以為係馬拉扒泥呀~
(11:57)
(12:17)
12:45 返到木屋, 雖然一陣就會有午飯食,,,,不過唔知點解有院友建議食杯麵,,
食完杯麵唔洗一粒鐘又食午飯,,,,,今日係炒飯~!
下面張相.....呢d o野食唔係我地食o架,,,係屋主自己食的~ ^^
2點開始有得玩扒犁啦~~~~~~~ (14:21)
我因為掛住去廁所,,,,所以揀剩蔗
得番呢架冇得靠背的馬車
得番呢架冇得靠背的馬車
嗱~ 佢地個架就有得"挨"住啦,,,,,好似舒服d,,,,不過呢....
隻馬會一路行一路痾屎o架.............咳咳咳,,,真係好攪o野~
仲有就係隻馬跑得快時,,,地上D污糟雪+屎會走晒上o黎, 坐得近佢屁股就好易瀨o野
好彩我同亞烏一早已經遠離佢pat pat~
好彩我同亞烏一早已經遠離佢pat pat~
行行下停o左落o黎,,,,,原來要要等Alfred 先生~因為佢地架車冇馬夫o架~
咁我地影下相等佢地o黎啦~
到啦~! 喀納斯湖~!!yeah~!
影合照~
仲有瞓雪~
第一次見咁大個湖,,,,成個天使蛋糕咁....白雪雪滑lulu
又夠開心興奮~
幸福唔係必然........
咁厚雪之下都仲跳得起,,,,,我覺得好ok~
簽下大名先~ 
唔好睇少呢幾粒字,,,,,寫完手指僵硬~
得意姐問我, 得閒借部機比你, 你唔洗寫埋佢個名啊~~~~~??
咦,,,係喎~
其實曾經想係北疆打比佢,,,
可惜我部低能電話冇佢個電話號碼~
所以打唔到啦~
所以打唔到啦~
Badman又寫~ ^^
玩o左唔係好耐聽到人叫走啦~ 吓?? 唔係吖嘛,,,,玩o左一陣咋
跟住又聽到有人話上番馬車繞湖一周喎,,,,嘩~! 正, 快d上車~
超興奮
繞o左個小圈我仲以為會落番車玩,,,,,,,點知就順住條路返去木屋啦~
唔制呀~
仲未玩夠o架~
仲未玩夠o架~
話咁快就返到木屋~~~ 前後唔夠兩粒鐘
, 真係唔夠喉,,,咁難得o黎到呢度.....
, 真係唔夠喉,,,咁難得o黎到呢度.....
費用每人人仔160蚊~(平均除開, 有d冇馬夫)
(15:56)
(16:56) 休息o左一粒鐘我地又準備出去啦,,,,因為想睇日落~
(呢張蝦肉色門簾好鬼厚又好重, 好似將張棉枱掛上去咁.....但好檔風的
)
)
(17:16) 出發了~
呢兩日行o左幾轉的路~^^
同奶奶邊行邊玩雪......(依家至醒起點解今次我地冇砌雪人呢??)
今次冰天雪地,,,,除o左超like向前趴雪之外, 仲有樣都好like
就係拋起d雪, 粒粒雪分開, 有太陽射住就好鬼靚, 真係好靚, 相都影唔到個種味道~
孖媽努力取景~
呢張相就係孖媽幫我影o架~ 幾正~
我同孖媽墮後冇跟上大隊,,,,太陽好快就落山了
漸變鏡仲係黑麻麻~
(19:00) 仲未天黑~
未食得飯, 我地幾個人行o左去附近的超市~
買o左10蚊雲耳 & 2個泡麵~@10個
仲有用$5蚊人仔買o左呢對"羊毛"鞋塾~ 都幾OK~
買夠就返去食飯啦~
今晚晚餐係湯粉~~~~~ 我吃了兩大碗~ 
(比舊年雪山好得多啦,,,,食完可以有得追加^^
)
)
食飽又傾一大爛餐笑飽至捨得瞓~
早抖~
- 回應 (16)
- 引用 (0)
- 永久連結
- 訓雪.....好軟林林呀~~
- 咁多雪...好想飲可樂思樂冰
- 回覆
- d雪好厚呀!
- 睇你形容著咁多衫褲,行得"論盡"嗎?
- 回覆
- 睇緊你個 Blog 都覺得「凍」
- 得閒見到你在雪地書寫佢大名，一定好冧啊！
- 顯示全部回覆 共4則
- 每一刻都咁開心。
- 回覆
- 當年東北我都嫌凍, 你比東北更凍~
- 但真是好靚, 我都好想去!
- 回覆
- 零下30度, 凍過個雪柜.
- 回覆
- 日日都咁開心！
- 回覆
- 好開心的一天。
- 回覆
- << $5蚊人仔買o左呢對"羊毛"鞋塾 >> 低喎…
- 回覆
- 今日行程好正，天氣又好好,藍天白雪超靚
原來是這樣令到間房發熱，不過你瞓下格床比較暖，咁上格床無乜發熱板,咪有點凍囉
- 回覆
- 剛通頂回家，要去
- 遲些再來....
- 回覆
- 呢張banner好似聖誕咭呀！靚爆啦！
- 顯示全部回覆 共3則
- 個晚我唔覺凍喎！我襟埋件羽絨來睡，張被都幾夠暖呀！
- 顯示全部回覆 共3則
- 冰天雪地，好靚文好凍。
- 回覆
- 2完再看
- 顯示全部回覆 共2則
- everywhere is snow. The lake is no longer a lake. It is just snow. Is it dangerous that underneath is water in the lake ?
- 回覆
嘩,又去9日,仲要有咁靚白雪,恨死我喇.
回覆刪除呢個係今年2月去o架....你影相咁靚, plan 出年新年去吖 ^^
回覆刪除