人到中年, 唔玩等幾時?? ^^: 雪山行~第一天~出發

2012年11月2日

雪山行~第一天~出發

雪山行~第一天~出發

02.Nov.2012發佈

時間過得好快~

舊年去唔到雪山改去武陵四秀時有D失望(諗住行完雪山就退休唔行台灣山),

等o左一年, 終於登雪山的大日子到了~ 好緊張~ 好緊張~一定要減輕幾磅至去台灣.

同年頭比, 瘦o左大約12磅至出發~ 自己唔覺輕o左, 但身邊的朋友們都覺得我面細了~

2012年10月21日星期天~

今次係第3次去台灣登山, 每次老媽都會送行~

一咭傍身, 世界通行~帶住呢張金咭護身符, 老媽放心我又安心~

先係屋企坐26蚊的士去九龍站~

原來第一班機鐵5點50幾分就有~ 第一次坐頭班車, 人唔多,,,

不過隊友話早兩日有同事搭頭班車,居然要企位啊~

上車啦~

晨早流流唔好樣衰衰嚇親人~露隻眼出o黎好啦

話咁快......大約廿分鐘,,,,,,已經到機場

我以為我地早啦~ 原來其他隊友都好早到~

大緻上都打好包, 所以我地好快可以check in

　

唔計2kg的膠兜,,,,我個背囊重10kgs

各人背囊的重量記錄

7:50上機,,,,仲有時間食早餐~

班長今年想去冇得去......專程送我地機~

功架十足喎,,,,,,我地要入閘啦

88班長~

院長你做乜咁鬼開心啊~

舊年9男9女, 今年10男5女~

總共15人登山

以往2次登山都係山上5 日,,,,今年6日, 我係有d擔心自己體力唔夠.

今年個個都好醒目, 見舉機即擺pose

好多小綿羊啊~

個幾鐘機程就到台北啦~ 匯率3.63.....我地係百年換3.68,

小數怕長計啊.

得意姐預先book o左車接我地,,,,,15人搵一架7人車, 兩架私家車,

咁都係收我地NT2,600 如果搭國光號要 NT1,875, 真係抵到爛,

又慳時間又快到台北市中心.

呢間橙舍舊年住過, 覺得唔錯所以推介比得意姐,

(慘,,每次提起hostel就記起4月時同哥嫂去台灣的亞羅hostel事件)

原來內部裝修了,,,,比舊年更試正,,,,唔知係咪最近至裝修好呢??

因為1:30至可以上房~ 所以我地將d大大背囊放係廚房和接待處之間的空位

然後出去搵o野食~ 我地已經急不及待跳跳跳了

8月去台灣時姨甥想找雞蛋布丁, 原來台北車站就有了~一定要買返香港啊

呢間芝士蛋糕店,每次去台灣都見到佢排長龍, 就算未開門都照排~

真係咁好食嗎??

成班男士睇實晒,,,,,,如果佢地d老婆女友們親手整比佢地食,,,佢地一樣會望到實嗎??

唔知點解有個台女主動同院長講, 排半粒鐘左右就會出一輪蛋糕, 每次約12個

, 跟住院長就走去排隊啦.......好攪o野~

(院長,,,,可唔可以講下點解你聽完台女講o野之後會去排隊o既??)

一定係想買比我地試食啦~~~~~偉大的院長...........<---我作的~

飲杯茶先啦~

其實到依家我都唔明, 台灣第一餐點解會走o左去飲茶??

飲完茶返hostel 食芝士蛋糕~

可能嘆凍o左,,,,,雖然都好味, 但係叫我排半粒鐘.....我係唔會排o既~

再次多謝院長的偉大~

呢3次台灣的登山期,,,,都剛好係院長和開心奶奶的生日

雖然今日唔係正日,,,,都切住先啦~~~~生日快樂呀~ 兩位~! 至緊要身體健康,

長玩長有~

仲有3m的果沖啤酒助慶,,,,,(原來唔記得影啤酒相tim)

飲杯~!!

諗起5餅2魚的故事~ ^^ 又覺得分甘同味其實係好滋味

換o左對拖鞋先,,,,,爽晒~!

食飽上房準備外出, 因為約o左台灣朋友~

橙舍hostel真係幾唔錯, 價錢ok, 又有單人房, 雙人大床房, 雙人2張單人床房,

當然仲有上下碌架床啦.

......實在好相宜...位置又方便......點解4月唔帶哥嫂o黎住?? 咪因為呢度要行樓梯囉...哥嫂係美國回來多行李嘛......

3點台北新光三越等朋友.....嘩.......一去到見到m & m 公仔啊.....

點解冇人同佢地影相o架??

冇人同你影,,,我同你影啦~yeah~!

原來佢地件衫已經好爛,,,,,難怪冇乜小朋友同佢地影相~

唔緊要,,,我已經係大朋友,,,,我一定要影晒你地5粒m

harue"老"來得子,,,仲要係龍仔,,,,,,真係值得賀賀佢,,,,,係佢生之前....

12月搵日要再去台北至得....

係啊,,,要申請新的passport了,,,,仲有一個月就過期.

又去欣葉食自助餐~ 8月去時遇著腸胃炎,,,今日幾大都要擦番餐,,,,

聽日去登山就會冇啖好食o架啦.

晚餐5點半入座,,,,原來冇限時間!!!!!!!! (加埋一約hk$220一個人)

係咁易影下相~

主攻壽司剌身

仲有多款新鮮果汁.........(唔記得o左有冇啤酒)

原來薄牛肉點海鹽食係好美味的~

呢舊係蟹

坐到9點傾飽至走人~ ^^

回程時去超市買少少o野食上山,,,,台灣領隊亞杰通知我地,

如果食物重量已經超過1.75kgs,,,,聽日就唔好再買食物上山

我都磅下先....依家的食物除o左下圖呢d之外, 仲有12件奇華馬仔,2個蘋果仔.一包豆乾

唔過磅,,,,聽日仲可以買,,,,,,,,,,其實我今次帶去的食物,

比上年多o左好多.知道都衰硬,但又為食

明天出發上山行6天了......要快d瞓啦

今次雪山行不可思義事件簿.......

.................得到隊友得閒的請食雪糕鼓勵法......成功去台灣前達標135磅

公司磅

philip wain 入面個磅都係

仲有出發前當日係屋企個磅磅都係135...........點知.......點知.......

唔知點解.....我異於其他隊友..........登山回來居然肥了........

攝於台灣機場行李磅.....真係冇眼睇....................

63.8kgs..... (140.65磅?)重o左5磅幾??

家姐知道我肥o左返o黎............佢話:::>咪玩啦!!山上有咩食?

d樹葉樹根咁有營養??

又有隊友開玩笑...話,,,,,,,,,,,,,,係因為高山反應

山上6日,,,,我究竟做過d乜o黎??

山上6 日,,,,我係咪好食好住??

你地繼續睇埋落去,,,,,,,唔該幫我搵出答案

沒有留言:

張貼留言

睇完求其實番兩隻字啦~

訂閱：張貼留言 (Atom)