人到中年, 唔玩等幾時?? ^^: 南湖大山實戰錄~2

南湖大山實戰錄~2

05.Nov.2010發佈

10月29號 13:22

起步~! 向今晚木屋"雲稜山莊"出發

起步前亞杰同我地講,,,,,,,,,,,,,行o左幾個鐘....剛才行後面o既人要行前面...........行前面o既人要排後面..........

因為唔將後面o既人調向前面行, 條隊o既頭和尾, 距離將會越o黎越遠. 所以行得慢o既人要排係前面行.

行o左兩行已經比亞杰捉住教我上斜, 要"登"直個膝蓋關節行, 舊年玩GYM時, 健身教練教我唔好登直個膝頭哥行, 依家o岩o岩相反, 所以初頭我要問清楚亞杰, 原來係"登"直個膝蓋關節時, 另一隻腳就有時間休息.

手錶顯示2445米, 不過應該相差幾廿米

15:00左右隊友亞烏開始抽筋, 所以亞杰將亞烏o既背囊內物品分比badman, 貓b, 3m 仲有得意姐分擔.

得意姐即刻幫佢按摩.

呢邊又發生咩事呢?? badman係度偷笑喎~

原來有隊友爆褲.......雪褲o者. 好快攪番掂. (badman,,,,你仲笑緊喎

)

途中一個挑夫經過, 好犀利, 揹住咁多o野.

繼續上路~

15:31 wow~ ! 有雲海啦有雲海啦.

已經2700米

15:38PM...............已經比預定時間遲o左90分鐘.

之前可能落過雨,,,,,所以d路都泥巴巴~ 一對屎腳~

加快上路

又上又落, 路又跣,所以要好小心

17:06pm 哎呀.........聽到有隊友跣低, 好彩個頭冇撞到d石...... 好彩好彩~

又係得意姐出手幫隊友按摩按摩.

真係要小心d行.

個天好快黑, 唔洗半個鐘, 已經要用頭燈.

仲落起雨上o黎. 各人要著防水外套或雨衣.

17:56pm

以為落斜行一段路會到木屋,,,,,,,,點知原來係上斜.......冇心裡準備行到隻狗咁

18:25pm左右到達木屋, 比預定時間遲了足足2個鐘

一到達木屋就有熱辣薑糖水飲. 好正~!

整晚都雨粉飛飛,,,,唔知溫度幾多度. 好彩件羽絨夠暖, 頂得順.

7點左右吃晚飯時間

飯餸都好好味....可能行o左9粒幾鐘. 已經肚仔饑

我就係食咁多啦~ (唔記得有冇添飯

)

食飽飯又有得痾, 簡直係心想事成~ 都話唔怕辛苦, 至怕冇x痾~ 哈哈哈.

瞓覺地方唔記得影相,,,,,,,,,,,食完飯就準備瞓覺, 因為聽日7點要上路, 即係話5點要起身. 帶o左姪女個睡袋,,,,,,,,,寫住0度以為頂得順, 所以冇再租睡袋.............點知凍到瞓唔到. 木板床實在又夠凍. 就算用gore-tex外套鋪底都係好鬼凍. 一穀眼淚係度諗,,,,,,仲有4日捱..........點算??

唔瞓唔得, 迫自己瞓, 著晒所有衫上身至瞓到dddd, 但我又第一次瞓睡袋, o岩o岩瞓入眼就比個睡袋攪醒.................因為睡袋好窄........我o既感覺好似比人拉去浸豬籠咁, 嚇到扎醒o左.

最初未適應, 夜晚有輕微頭痛,到3點幾左右就冇再痛啦. 雖然今日行o左9個幾鐘, 但身體ok, 冇攰o既感覺, 又好彩去台灣前, 莫姑娘已經幫我攪掂o左條頸, 所以都冇問題.

10月30號 (第2天) 6:51am

今日行程係.............

雲陵山莊(2590 公尺, 5.3 K)08:00→審馬陣山11:00(3141M)→審馬陣山屋11:30(3345M)→南湖北山登山口13:00(3500M) →五岩峰(3580M)→南湖北峰15:00(3592 公尺)→南湖山莊16:00(3400M, 12.0 K) (歩程6.7 K，約八小時)

因為尋日行得慢, 比預定時間慢o左2個鐘, 所以今日早了一個鐘上路

7:13am出發

8:18 小休, 飲水食下o野~

亞杰之前有教過, 唔好口渴至飲水, 多飲水可以防止高山症發生.

唔好覺得凍至著衫...........舉例.....行o左一段路, 雖然出晒汗, 但小休時務必加番件外套, 因為一靜止時, 身體就會覺得凍. 亞杰話寧願再起步時把外套脫去放係易攞o既地方, 有需要時即刻攞到.

9:00 大休

嘩~ 哈文哥真係識嘆~

亞杰又有o野教, 教我地揹腰包~

已經2700幾米高~

又見到雲海啦~ 不過唔係影到好多相

呢個唔知叫做咩中央乜乜山

(忘記了)

嘩..........已經3000米.........有冇人有高山反應呀??

又有得休息食o野~

嘩.............眼前一亮....................大隻男居然醒我腸仔一條..........被我捨棄o左o既腸仔,,,,,居然係呢一刻出現,,,,,,,,,,當然唔捨得食.............留番去到南湖主峰至食..............就係咁....................令我遺憾一..................次.

呢個就係南湖大山.......聽日就會攻頂啦~

咁靚o既雲海, 問你點頂??一望無際

11:11am 終於到達審馬陣山.比預定時間遲o左廿分鐘o者, 比尋日進步了.

隊友趁機拉下筋~

稍後要行五岩峰,,,,,,,,,,,聽講話幾險o既.~ 寫住咁多先~

3996 回應

米院友

米院友
2010年11月13日下午1:43

這幅拍得很迷離, 晚上山中有神秘感
回覆

cowcow

cowcow
2010年11月14日上午1:51

諗起個晚就凍啦.

Hold Hold

Hold Hold
2010年11月12日下午9:59

估唔到雲海靚成咁!! 你真係有毅力, 咁辛苦都頂得順!! 好野!
回覆

cowcow

cowcow
2010年11月12日下午11:48

多謝呀~
其實唔好睇我個大雪櫃大大個, 揹上身真係唔係太辛苦, 起碼冇膊頭痛, 腰痛咁.
最大原因可能係呢個......同隊友邊行邊傾計....真係日日行咁789個鐘都好快過. , 不過今次自己都好滿意自己o既表現..
多謝呀~
其實唔好睇我個大雪櫃大大個, 揹上身真係唔係太辛苦, 起碼冇膊頭痛, 腰痛咁.
最大原因可能係呢個......同隊友邊行邊傾計....真係日日行咁789個鐘都好快過. , 不過今次自己都好滿意自己o既表現. 體能比我自己想像好. 返到香港都唔洗去做按摩整骨.

傻妹【Annie】

傻妹【Annie】
2010年11月10日下午11:14

牛牛
妳真係好叻呀
等我慢慢睇埋其他相先
回覆

cowcow

cowcow
2010年11月11日上午10:23

慢慢睇, 其實冇乜內容, 不過好多相.

渣古全

渣古全
2010年11月9日下午12:22

那雲海真係超正
回覆

cowcow

cowcow
2010年11月9日下午1:08

往後日子仲靚呀~

janejane

janejane
2010年11月6日下午6:40

佢地影間屋係著燈喎！唔通你半夜醒出去影相？
回覆

cowcow

cowcow
2010年11月7日上午12:16

我邊樹會咁勤力~ 我check過, 我影呢張相係18:55pm, 我都唔知點解冇燈光佢地就影到鬼火咁靚.

SKPoon

SKPoon
2010年11月6日下午4:22

原來開始下雨我便收起相機, 所以真空左一段冒雨行, 抵讚你冒雨也拍攝記錄
回覆

cowcow

cowcow
2010年11月6日下午5:08

唔影低就冇晒記憶兼夾冇晒時間記錄 (其實LAST段路影得太少啦, 一來趕路, 二來行到尾得番一個人有D驚)

山水人士

山水人士
2010年11月6日下午2:04

食得多，痾得多，最叻係妳囉！
回覆

cowcow

cowcow
2010年11月6日下午2:26

其實我真係唔係食得多o架 .....尤其係中午.........2個麵包食4日午餐喎....... + 亞烏一舊蛋糕.唔算多o架. +3個蘋果, 零食都係得朱古力, 葡萄乾, 最後個日開o左包雪魚乾條..........邊樹多呢....? 不過你..
其實我真係唔係食得多o架 .....尤其係中午.........2個麵包食4日午餐喎....... + 亞烏一舊蛋糕.唔算多o架. +3個蘋果, 零食都係得朱古力, 葡萄乾, 最後個日開o左包雪魚乾條..........邊樹多呢....? 不過你地又比o左2條零食, 仲有亞sa 豬肉乾, 同埋奶奶一'kai" 甘,,,,,就係咁多多之嘛.... 差d唔記得南湖醒神香腸2條.
不過唔知點解有咁多o野痾就真...............可能我要去睇睇醫生