北海道自駕遊~第一天~登別
北海道自駕遊~ 第一天~
香港機場~ 第一次係二號客運大樓check in
因為今次坐"香港快運" UO-638 9:20起飛
5月已經買機票~ 大人HK$5090, 小童 HK$3,810
5點幾起身~ 真係仲辛苦過返工~
駿駿好精神~!!
人唔多. CHECK IN 好快趣~
呢個小豆丁真係幸福~ 7歲人仔唔計去其他地方,,,,,已經係第3次去日本~
佢老豆, 亞媽都係26,27歲至第一次坐飛機咋~! ~! 我呢個八姑媽都廿歲至坐飛機啦.........7歲?? 可能香港島都未去過~
小飛機~ 每邊坐3個人,即係一行坐6個人o者~
準時起飛
全架機都係坐164人~ 但又好定喎~ 唔會震震下.......平CX 仟零蚊......有下次我都會坐香港快運~
飛機餐都幾好樣,,,,,,,,不過我可能食早餐食得太飽,,,,,飛機餐食唔落, 又覺得麻麻地好食.
兒童餐有飛機仔送~
過關時幾鬼多人,,,,,不過都算排得快~
快快去攞車先~
咁多租車公司都係同一個COUNTER 辦手續,,,,
細佬想我地坐得舒服,,,,,,,,,所以就算有朋友建議我租 NISSAN, 6日7萬2仟幾YEN ( 乘 0.0903就會知港幣幾多錢), 細佬都堅持租toyoto,,,,,6日要12萬2仟yen 左右.......差成5萬yen都要租toyota.
有小巴士車我地去攞車.
攞到車啦~ 8人坐~
為o左用盡架車~ 諗行程都諗到爆~
決定先甜後苦~ 第一日先去浸溫泉~ 登別~!!
......因為呢個星期係日本假期~ 所以路上好多車,,,,我地又為o左慳1800yen (x 0.0903) 過路費....(因為顯示只係相差20分鐘, 所以冇行高速),,,點知揸o左個幾2個鐘.
今日陰陰天~ 不過無落雨.
呢間就係第一晚住o既 mahoroba~ 溫泉酒店
因為過兩日登別有"鬼火花"特別節目 ~ 所以會好貴~ 今晚就平d
2個人住一間房要 9850yen 一個人. (x 0.0903)
3個人住一間就會有特價: 7850yen 一個人(小童 5495yen)
另加 每人150yen 入湯稅~
所以5個人住o左一晚要 41,495yen......之前上網睇人地d blog會覺得好貴.....不過試過住~ 都ok啦,
因為包自助早, 晚餐~ 仲有得比你浸溫泉,,,,,,所以人一世物一世,,,,,點都要試一次啦.
老媽今次係第2次去日本,,,,,原來第一次已經係18年前.........即係我係日本讀緊日文o既時候.........時間真係過得好快.......好快.........我仲記得當時帶老媽去我打工o既地方.
老媽一入房~ 嘩~!! 張床係邊呀??
哈哈哈~ 唔洗驚喎~食飽就有床瞓o架啦~
快d去食自助餐先啦~
其實唔算好多o野食~
話雖如此.....我地都食o左好鬼多~
食飽就出去行下~
似唔似條大海參~ ?
行完返酒店, 一入房~~ 老媽話:::::::>>>>嘩~ 仟幾蚊一晚都冇床瞓,,,要瞓地下...........哈哈哈.....比老媽笑屎...
唔好嘥......住得溫泉酒店,,,,緊係要去浸下浴.
有好多個泉o既,,,,酸性鐵泉~ 硫磺泉, 食鹽泉, 高溫泉, 低溫泉等等. 侵到皮都甩.....玩o左差不多一個鐘.........
諗住瞓醒再浸過~ ~ ~ ~
- 回應 (18)
- 引用 (0)
- 永久連結
- 好羡慕啊! 我以前都成日去日本做嘢, 不過冇機會去北海渡啊! 自駕遊應該唔難, 我都好想去啊!
- 回覆
- 我鍾意自由行, 但經過今次, 我反而唔喜歡自駕遊. 因為接觸太少日本人了. 唔係太有去旅行o既感覺. 我10幾年前都會出差去日本總公司. 近年已經冇啦....所以我唔太捨得花錢買機票去日本玩o架.
- 間酒店唔錯噃.自助餐好似唔多款式
- 但都食左好多噃
- 佢好可愛呀
- 回覆
- 係呀 ! 如果有 .... @日本藥房買片撒隆巴斯都好用 d , 開心 d . 又要再儲過啦 !
- 回覆
- 哈哈, 真係唔少 o野 |
- 回覆
- 駿駿 好 cute 好 lovely. 咦 ! 原來妳帶埋 note book 去 好快手出 blog 喎
- 回覆
- cowcow : Wow ~ 好堅呀 , 好有我當日出發既 Feel 呀 , 一定要追睇 .
- Bye Bye !
- 回覆
- 從天空看的地面很得意
- 回覆
- 咦！未返來都出到Blog 真係好新鮮喎。
- 夏天張被都咁厚嘅？
- 回覆
- 係呀 ! 我同埋d 小朋友去 , 已經set每日3個點. 但我都去唔晒 ! 開頭諗住比4個鐘頭 由 shinjuku 過原宿 , 行去 shibuya , 但我地逗留@裏原宿(食玩買 )都用左3個鐘 .
- 我再努力d..... 下次最少玩8日先..
- 係呀 ! 我同埋d 小朋友去 , 已經set每日3個點. 但我都去唔晒 ! 開頭諗住比4個鐘頭 由 shinjuku 過原宿 , 行去 shibuya , 但我地逗留@裏原宿(食玩買 )都用左3個鐘 .
- 我再努力d..... 下次最少玩8日先返 ! 我好鍾意裏原宿 , 好好 feel 呀 !
- 最頭痛係由竹下通一段 , 當日好熱 , 勁多人 ...... 真係 差 d 中暑 !
- 回覆
- HI COWCOW ,
- 哩個國家真係百玩不厭 ..... 我 8/10 剛從日本返港 . 玩得開心 d 啦 !
- 回覆
- 哎呀~ 即係你返o黎,,,,我去囉?? ,,,,,,我覺得去日本只係去幾日係唔好玩,,,,,,,我又唔捨得用咁多錢買張機票 & 住宿,,,,,,,,,可能以前係日本2年都唔玩.........依家用咁多錢至玩個幾日,,,,,,,,會肉痛囉......
- 哎呀~ 即係你返o黎,,,,我去囉?? ,,,,,,我覺得去日本只係去幾日係唔好玩,,,,,,,我又唔捨得用咁多錢買張機票 & 住宿,,,,,,,,,可能以前係日本2年都唔玩.........依家用咁多錢至玩個幾日,,,,,,,,會肉痛囉...........你知啦........60萬yen已經夠我交一年學費......依家只係玩得個幾日. ..........係日本會咁肉痛........哈哈哈.
- 牛牛
- 妳真係好勤力喎...咁快更新個網誌...妳驚我哋係度搞亂妳個網誌呀...
- 妳真係要磅下幾重啦...咁樣食法...真係好快肥咋...點解無浸溫泉果D相睇架...
- 伯有係唔係好開心呀...好心妳就幫伯有影多幾幅靚相啦...淨係影景呀
- 回覆
- 你住呢間野我跟旅行團都係去呢間喎...
- 做咩慳幾十蚊過路費? 可能油費貴過過路費啊
- 回覆
- 哈哈~ 唔識呀嘛. 因為見佢相差唔洗一個鐘, 咪慳d囉,,,,,點知唔知係咪高速公路做緊特價,,,今日係札幌去旭川, 應該係3400yen高速, 點知收我地1400yen咋.......早知尋日就唔洗咁慳啦啦啦
- 0.09!!!!好貴啊...我4月果時...0.083 jar!!!!
- 回覆
- 帶咗部D700還是G9呢?d相唔似係D700既作品!
- 回覆
- 8姑媽我又要食自助餐。
- 回覆
- 駿駿好可愛。
- 回覆
- 唔係話日本好熱碎 (36-38度)...你哋著哂褸嘅....
- 你好勤力 up-date 個卜喎....好似同你一齊去旅行咁...hahaaa
- 回覆
- 玩得開心d喇cow cow!!
- 回覆
沒有留言:
張貼留言
睇完求其實番兩隻字啦~