台灣第一天

台灣第一天

  

16.Apr.2009發佈

2009年4月16日 星期四  台灣下雨

12:50機.......差不多11:20至到, check 完in 即刻去攞台証....嘩幾鬼多人. 等o左成半粒

鐘, 幾驚攞唔切要去到台灣攪落地簽証.

 

 

飛機餐越o黎越差.......

落機後坐國光號巴士.....未到台北市內, 亞哥已經打到電話o黎, 以為佢地係台灣失o左蹤tim. 2日都冇電話. 佢地住係台北教師會館, 不過今晚坐高鐵落台中.

約4:30係台北教師會館等.   亞嫂今日買o左4對鞋, 有兩對冇貨. 要我19號去遠東百貨攞鞋帶返香港.

早知我就叫姨甥帶多一個o急, 依家兩個人共用一o急不知點算好. 姨甥今晚又買o左一對鞋. (因為佢著o左對頂指鞋o黎台灣)

呢兩對就係亞嫂叫我攞番香港o既鞋.

送完亞哥亞嫂上的士之後. 我地就上HOSTEL.

呢間 叫做CAMEL o既hostel , 我已經係第3次住. 平靚正.

之前兩次瞓碌架床, 今晚同姨甥瞓雙人房. 1000蚊台幣一間房. 碌架床就400蚊台幣一晚/一個人.

算係咁啦. 鬼叫我驚黑呀.....hostel人多人氣夠呀....哈哈...今晚姨甥想買2本超鬼故書, 我都制止佢, 改買蠟筆小生...哈哈哈. 幾鬼衰呀.我.......

放低行李去醫肚....諗住帶姨甥去淡水.....但見得亞哥亞嫂就攪到冇時間. 改去士林食大大雞排.......當然係排晒長龍啦.

好正好正超正 ,,,好彩兩個人食, 一個人一定食唔晒.

點知姨甥食完大半件雞排已經話飽,,,,冇再係士林繼續食,

所以就返去台北新光三越掉低姨甥係書局我就去行街.   掃完一輪2個鐘就去西門町行下食下.

怕食熱o野o既姨甥, 居然食完一碗又外賣一碗. 犀利.

姨甥今晚買o既袋 & 鞋.

聽日要早起, 所以10點幾就返hostel 啦.

仲買埋宵夜.

明天行程, 8:20分要到國光西站......坐國光假期去嘉義(大約4個鐘),

然後再坐3個幾小時小火車上阿里山.

2個人係 6,798台幣. (包一餐晚餐, 一餐早餐, 入埸費. 所有交通費.神木賓館一晚)

呢d係換票証. 聽日我要醒醒定定唔好行錯路趕唔切搭車就得啦.

刪除

編輯

+Comment

 

• :

  Cherry
  我想請問你地住果間hostel係邊度黎架?安唔安全架?如果一個人去住怕唔怕呢?有冇網址架?可唔可以比d資料我呀?thank you!:)

  May 24, 2009 at 07:27 pm
• :

  Philip dad dad
  士林雞排舊年賣 NT$50，依家都無加價，抵過 KFC.... 
   西門叮阿宗麵線麻麻，我怕個 D 豬腸味.....

  April 18, 2009 at 12:49 am
• :

  逍遙浪人
  等睇阿里山~~

  April 17, 2009 at 05:50 pm
• :

  ade
  嘩.... 3 樣野食..我都鍾意呀.. 
   係個雞扒就差d..太熱氣啦

  April 17, 2009 at 01:38 pm
• [私人信息]:

  Lee
  我都唔醒起你去左旅行添，仲騷擾你真係唔好意思呀！ 
     
   我提到的Bliss是一個美容品牌，佢o既counter o係金鐘PP、銅鑼灣times square同尖沙咀海港城Faces都有，我就係o係Faces度揭佢個file見到的，佢有得即場做一個15分鐘的氧氣facial，是不斷在面上噴氧氣的，file內的外國男仔就係做左20幾次，佢原本因牛牛而留下o既疤痕就退左，仲生返頭髮添，你下次經過時可以去揭下，問下d sales，佢d sales都ok幾nice，唔會白鴿眼的。 
     
   多謝你的info，我下次去開太子就買皂先。如果我媽媽用過第二支o野都ok我再同你交流下啦！ 
     
   祝你玩得開心d！