第四天~名古屋
2008年6月22日 星期日 大阪---->名古屋 密雨
今朝唔知點解6點就起身, 尋晚成2點至瞓.所以只係瞓得4個鐘.
本來搭9點幾新幹線去名古屋o既,早o左所以去到車站更改提早一個鐘去.
今次早餐係新鮮紅梅果汁 & 兩舊壽司.
唔知係咪早得滯, 呢個車箱計埋我,只得3丁友. 件豐天豬衫係尋日係大阪批發中心買o既,正常零售價係1900yen, 依家係1300yen......我以為件衫唔o岩我size, 所以只係買o左一件,有d後悔買得少...冇買件hello kitty......係批發中心仲見到龍貓o既毛巾被 & 枕頭. 可惜我帶唔到返香港.所以忍痛唔買.
就到名古屋時就已經見到落雨, 心知不妙........
死味???? 尋晚食炸o野食得咁開心...
手臂好少出紅點都出o左3粒仔.
右手都係,唔係經常生紅點o既...都出埋...>_<
今日係名古屋遇到o既人都好好.
落o左新幹線就出去搵東橫inn 酒店. 因為酒店話3分鐘就到. 咁我緊係覺得應該一出車站就應該見到. 但我環顧四周都唔見有. 後來問巡警先生. 連佢都唔知, 但佢好好人,幫我用手提打去酒店問. 佢打緊電話o既時候, 又有一個老伯行過.行埋o黎睇下幫唔幫到我.因為佢應該係附近住,所以好熟,一講東橫inn 酒店, 巡警先生未問完, 已經指我點行.一到名古屋就遇到好人...................正~
放低d行李就速去 名古屋城
見唔見到屋頂上有2個金色o野?? 
一隻係雄,一隻係雌
呢隻size係同屋頂上一樣大o既.
睇怕去親名古屋城都唔少得影番張. 好多人排隊影.
內裡其中一個景.
去完名古屋城諗住行去坐地鐵,因為唔多識路,見到個推住單車o既老伯行過,就行去問佢點行.點知佢教教下,驚我唔識,仲同我一齊行. 一路行一路傾.
老伯已經60幾歲. 我問佢有冇去過香港或者中國. 佢話冇, 但佢爸爸有, 因為第二次世界大戰, 佢爸爸被派去大陸雲南打仗.後來日本戰敗, 但雲南人都仲對佢爸爸好好喎.反而佢爸爸返到日本,就被人歧視. 連老伯細細個就被人蝦.
行o左一段路, 可以見到地鐵, 老伯就同我拜拜, 行番轉頭. 真係唔該晒佢......又係好人.
之後坐地鐵去觀音廟
但唔知點解係廟入面唔多見到觀音o既
反而係外面一個唔起眼o既地方就見到.
求o左支籤, 問病o既......... 哈哈
上一次係大阪求o既: 都係問病......>_< 唔到你唔信
午餐就係對面買,就係食d咁o既o野. お好み焼き
名古屋出名o既平條麵. 我就覺得麻麻地,可能我唔係太鍾意食粗麵類.
740yen一張,今日我搭o左960yen, 有賺~ 嘻嘻
如果去埋 名古屋港 o既 意大利村,同埋最想睇o既南極探險船就仲有賺.
不過但實在太攰啦. 所以唯有放棄,決定聽日至去.
東橫inn 酒店 6600幾yen 一晚.
都唔算細.今晚一條友瞓..........................一定著晒所有燈.
早d返酒店攞晒d底衫褲襪出o黎洗, 嘩~ 爽!幾驚要嗅到返香港.
200yen 投幣洗衫, 200yen 乾衣1個鐘~ 第一次用乾衣機. d衫好鬼柔軟. 正過亞媽洗........嘻嘻.千祈唔好比亞媽睇到.
- 旅遊,
- 回應 (5)
- 引用 (0)
- 永久連結
- 兩支籤係咪解要長期治療呀???我都係睇果樂隻漢字估啦~
- 回覆
- 出路遇貴人...
- 回覆
- 可以，因為見你好似打算會玩好多日咁咪好奇問囉~ HAHA!
- 回覆
- 個伯伯真係好好人呀~ 你唔好再食蝦喇，無理由為左一隻蝦搞到在日文玩都玩得唔盡興LA~ 你一個人去日本真係好犀利囉~ 其實你做咩工嫁？可以去咁多日旅行既？
- 回覆
- 今日中午個餐仲大鑊過隻蝦....呀.................不過我暫時冇乜理D紅點......依家日本成3點....仲未瞓...
- OL一個囉...
- 乜你間公司唔比人請5日連假O架???
- 哇，真係好邪呀Ｄ籤！！
- 回覆
沒有留言:
張貼留言
睇完求其實番兩隻字啦~